Skin Care: ಮೈ ಮೇಲಿನ ಹೋಳಿ ಬಣ್ಣದ ಕಲೆ ಹೋಗ್ತಿಲ್ವಾ? ಡೋಂಟ್​​ವರಿ ಈ ಎಣ್ಣೆ ಹಚ್ಚಿಕೊಳ್ಳಿ ಸಾಕು!

ಹೋಳಿ ಹಬ್ಬಕ್ಕೆ ದಿನಗಣನೆ ಶುರುವಾಗಿದೆ. ಹೋಳಿ ಹಬ್ಬವನ್ನು ಮಕ್ಕಳಿಂದ ದೊಡ್ಡವರ ತನಕ ಸಂಭ್ರಮ ಸಡಗರದಿಂದ ಆಚರಿಸುತ್ತಾರೆ. ಯಾವುದೇ ಜಾತಿ ಮತಗಳ ಭೇದವಿಲ್ಲದೆ ಒಟ್ಟಾಗಿ ಸೇರಿ ಬಣ್ಣಗಳ ಓಕುಳಿಯಾಟದಲ್ಲಿ ಮಿಂದೇಳುತ್ತಾರೆ.

ಪ್ರತಿಯೊಂದು ಹಬ್ಬವೂ ತನ್ನದೇ ಆದ ಆಚಾರ ಸಂಪ್ರದಾಯಗಳನ್ನು ಹೊಂದಿರುತ್ತದೆ. ಅದೇ ರೀತಿ ಹೋಳಿ ಬಣ್ಣಗಳ ಹಬ್ಬವಾಗಿದ್ದು, ದೂರದ ಊರಿನವರು ತಮ್ಮ ತಾಯ್ನಾಡಿಗೆ ಬಂದು ಈ ಹಬ್ಬವನ್ನು ಆಚರಿಸುತ್ತಾರೆ.

ಈ ಹಬ್ಬವನ್ನು ವಸಂತ ಮಾಸದಲ್ಲಿ ಆಚರಿಸಲಾಗುತ್ತದೆ. ಚಳಿಗಾಲದ ಕೊನೆಯನ್ನು ವಸಂತದ ಆಗಮನವನ್ನು ಸಾರುವ ಹಬ್ಬವಾಗಿದೆ. ಜನರು ಬಣ್ಣಗಳನ್ನು ಪರಸ್ಪರ ಎರಚಿಕೊಳ್ಳುವ ಮೂಲಕ ಈ ಹಬ್ಬವನ್ನು ಆಚರಿಸುತ್ತಾರೆ.

ಆದರೆ ಈ ಸಮಯದಲ್ಲಿ ನಿಮ್ಮ ತ್ಚಚೆಯ ಕಾಳಜಿ ವಹಿಸುವುದು ಬಹಳ ಮುಖ್ಯ. ಏಕೆಂದರೆ ಕೆಮಿಕಲ್ ಮಿಶ್ರಿತ ಬಣ್ಣಗಳು ನಿಮ್ಮ ಚರ್ಮವನ್ನು ಶುಷ್ಕವಾಗಿಸಬಹುದು, ರಂಧ್ರಗಳಲ್ಲಿ ಬಣ್ಣಗಳು ಕೂರಬಹುದು, ಮೊಡವೆಗಳು ಉಂಟಾಗಬಹುದು. ಹಾಗಾಗಿ ನಿಮ್ಮ ತ್ವಚೆಗೆ ಅಂಟಿಕೊಳ್ಳುವ ಬಣ್ಣವನ್ನು ಹೋಗಲಾಡಿಸಲು ಈ ಕೆಳಗೆ ನೀಡಿರುವ ಒಂದಷ್ಟು ಟಿಪ್ಸ್ಗಳನ್ನು ಫಾಲೋ ಮಾಡಿ.

ತೆಂಗಿನ ಎಣ್ಣೆ ಹಚ್ಚಿ: ದಿನನಿತ್ಯ ತ್ವಚೆ ಮತ್ತು ಕೂದಲ ರಕ್ಷಣೆಗೆ ತೆಂಗಿನ ಎಣ್ಣೆಯನ್ನು ಬಳಸಲಾಗುತ್ತದೆ. ಇದು ಚರ್ಮದ ಮೇಲೆ ಕವಚವನ್ನು ರಚಿಸುತ್ತದೆ. ಹೋಳಿ ಹಬ್ಬದ ನಂತರ ತ್ವಚೆಗೆ ತೆಂಗಿನ ಎಣ್ಣೆಯನ್ನು ಹಚ್ಚುವುದು ಉತ್ತಮ. ಕಾರಣ ಎಗ್ಜಿಮಾದಂತಹ ಚರ್ಮ ವ್ಯಾಧಿಗಳನ್ನು ಗುಣಪಡಿಸುವುದು ಮಾತ್ರವಲ್ಲದೇ, ರಂಧ್ರಗಳಲ್ಲಿರುವ ಕೊಳೆಯನ್ನು ಸಂಪೂರ್ಣವಾಗಿ ತೆಂಗಿನ ಎಣ್ಣೆ ತೆಗೆದು ಹಾಕುತ್ತದೆ.

ಆಲಿವ್‌ ಎಣ್ಣೆ ಹಚ್ಚಿ: ಹೋಳಿ ಆಡಿದ ನಂತರ ಚರ್ಮದ ಸೌಂದರ್ಯವನ್ನು ಕಾಪಾಡಲು ಆಲಿವ್‌ ಎಣ್ಣೆಯನ್ನು ಹಚ್ಚಿಕೊಳ್ಳಿ. ಇದು ನಿಮ್ಮ ಚರ್ಮವನ್ನು ತೇವಗೊಳಿಸುತ್ತದೆ. ಜೊತೆಗೆ ವಯಸ್ಸಾಗುವಿಕೆಯಿಂದ ಪಾರು ಮಾಡುತ್ತದೆ ಮತ್ತು ಚರ್ಮವನ್ನು ಸ್ವಚ್ಛಗೊಳಿಸುತ್ತದೆ. ಕೃತಕ ಬಣ್ಣಗಳಿಂದ ಮೊಡವೆ ಉಂಟಾಗುವಂತಹ ಸಮಸ್ಯೆಗಳಿಂದ ಪಾರು ಮಾಡುತ್ತದೆ.

ಬಾದಾಮಿ ಎಣ್ಣೆ ಹಚ್ಚಿ: ಹೋಳಿ ಹಬ್ಬದಂದು ಬಣ್ಣವನ್ನು ಆಡಿದ ನಂತರ ನಿಮ್ಮ ಚರ್ಮವನ್ನು ಬಾದಾಮಿ ಎಣ್ಣೆ ಹಚ್ಚುವ ಮೂಲಕ ಕಾಪಾಡಿಕೊಳ್ಳಬಹುದು. ಇದು ನಿಮ್ಮ ಮೊಡವೆಗಳನ್ನು ಸುಧಾರಿಸಿ, ಒಣ ಚರ್ಮಕ್ಕೆ ಚಿಕಿತ್ಸೆ ನೀಡುತ್ತದೆ. ಜೊತೆಗೆ ಸೂರ್ಯನ ಕಿರಣಗಳಿಂದ ರಕ್ಷಿಸುತ್ತದೆ. ಹಾಗಾಗಿ ಬಣ್ಣದ ಕಲೆಗಳನ್ನು ಹೋಗಲಾಡಿಸಲು ಬಾದಾಮಿ ಎಣ್ಣೆಯನ್ನು ಬಳಸಿ.