Lucky and Rich: ಗಂಡನನ್ನು ಬಿಟ್ಟಿದ್ದೇ ಅದೃಷ್ಟ ಖುಲಾಯಿಸಿತು, ಈಕೆ ಈಗ ಬ್ರಿಟನ್ ರಾಣಿಗಿಂತ ಶ್ರೀಮಂತೆ!

ಬ್ರಿಟನ್​ನ ಮಾಡೆಲ್ Kirsty Bertarelli ಮಿಸ್ ಯುಕೆ ಮತ್ತು ಮಿಸ್ ವರ್ಲ್ಡ್ ರನ್ನರ್ ಅಪ್ ಆಗಿದ್ದ ಚೆಲುವೆ. ಈಗ ತನ್ನ 50ನೆಯ ವಯಸ್ಸಿನಲ್ಲಿ ಮತ್ತೆ ಸುದ್ದಿಯಾಗಿದ್ದಾಳೆ. ಈಕೆ ತನ್ನ ಪತಿಗೆ ವಿಚ್ಛೇದನ ನೀಡಿದ್ದು ಬದಲಾಗಿ ಆಕೆಗೆ ಬರೋಬ್ಬರಿ 350 ಮಿಲಿಯನ್ ಪೌಂಡ್ ಗಳಷ್ಟು ಪರಿಹಾರ ದೊರೆತಿದೆ.

ಸೌಂದರ್ಯ ಮತ್ತು ಸಿರಿ ಎರಡೂ ಒಟ್ಟಿಗೆ ಸಿಗುವುದು ಬಹಳ ಅಪರೂಪ. ಯುಕೆಯ ರೂಪದರ್ಶಿ ಕ್ರಿಸ್ಟಿ ಪಾಲಿಗೆ ಇವೆರಡೂ ಬಹಳ ಅದೃಷ್ಟದಿಂದ ಜೊತೆಯಾಗಿವೆ. ಈಕೆ ವಿಚ್ಛೇದನದಿಂದ ಪಡೆದ ಹಣ ಮಾತ್ರ ಈಗ ಎಲ್ಲರ ಕಣ್ಣು ಕುಕ್ಕುತ್ತಿದೆ.

ಅಂದ್ಹಾಗೆ ಈಕೆ ಪಡೆದ ಹಣದ ಪ್ರಮಾಣವೇನೂ ಕಡಿಮೆಯದ್ದಲ್ಲ. ಅದೆಷ್ಟು ಭಾರೀ ಪ್ರಮಾಣದ ವಿಚ್ಛೇದನ ಪರಿಹಾರ ಮೊತ್ತ ಈಕೆಗೆ ದೊರಕಿದೆ ಎಂದರೆ ಈಗ ಈಕೆಯ ಸಂಪತ್ತು ಬ್ರಿಟನ್ ರಾಣಿಗಿಂತಲೂ ಹೆಚ್ಚು.

ಕ್ರಿಸ್ಟಿ ಕೇವಲ ಬ್ಯೂಟಿ ಕ್ವೀನ್ ಮಾತ್ರ ಅಲ್ಲ, ಖ್ಯಾತ ಪಾಪ್ ಸಿಂಗರ್ ಮತ್ತು ಮಾಡೆಲ್ ಕೂಡಾ ಹೌದು. Ed Sheeran, Sir Mick Jagger ನಂತಹಾ ಖ್ಯಾತರ ಸಂಪತ್ತಿಗಿಂತ ಹೆಚ್ಚಿನ ಸಂಪತ್ತಿಗೆ ಈಗ ಆಕೆ ಒಡೆಯಳಾಗಿದ್ದಾಳೆ. ಎಡ್ ಶೆರೀನ್ ಬಳಿ 220 ಮಿಲಿಯನ್ ಪೌಂಡ್ ಇದ್ದರೆ ಸರ್ ಮಿಕ್ ಜಗ್ಗರ್ ಬಳಿ 310 ಮಿಲಿಯನ್ ಪೌಂಡ್ ಸಂಪತ್ತು ಇದೆಯಂತೆ.

ಈ ವರ್ಷ ಜುಲೈ ತಿಂಗಳಲ್ಲಿ ಕ್ರಿಸ್ಟಿ ಮತ್ತು ಅರ್ನೆಸ್ಟೊ ತಮ್ಮ 20ನೇ ವಿವಾಹ ವಾರ್ಷಿಕೋತ್ಸವವನ್ನು ಬಹಳ ಅದ್ಧೂರಿಯಾಗೇ ಆಚರಿಸಿಕೊಂಡಿದ್ದರು. ಮೂಲಗಳ ಪ್ರಕಾರ ವಿಚ್ಛೇದನ ಯಾವುದೇ ತಕರಾರಿಲ್ಲದೆ ನಡೆಯಿತಂತೆ.

ಈಗಾಗಲೇ ಕ್ರಿಸ್ಟಿ ಲೇಕ್ ಜಿನೀವಾ ಬಳಿ 52 ಮಿಲಿಯನ್ ಪೌಂಡ್ ಬೆಲೆಬಾಳುವ ಮನೆ ಹೊಂದಿದ್ದಾಳೆ, ಆಕೆ ಅಲ್ಲೇ ವಾಸಿಸುತ್ತಿದ್ದಾಳೆ. ಈಗ ವಿಚ್ಛೇದನದ ಪರಿಹಾರ ಹಣ 350 ಮಿಲಿಯನ್ ಪೌಂಡ್ ಬಂದಿರೋದ್ರಿಂದ ಆಕೆಯ ಒಟ್ಟಾರೆ ಸಂಪತ್ತು 400 ಮಿಲಿಯನ್ ಪೌಂಡ್ ಮೀರುತ್ತದೆ. ಬ್ರಿಟನ್ ರಾಣಿಯ ಆಸ್ತಿ 360 ಮಿಲಿಯನ್ ಪೌಂಡ್ ಎನ್ನಲಾಗಿದೆ. ಅಂದ ಮೇಲೆ ಈಕೆ ರಾಣಿಗಿಂತ ಸಿರಿವಂತೆ.

ಕ್ರಿಸ್ಟಿಯ ಪತಿ ಅರ್ನೆಸ್ಟೊ ಸ್ವೀಡನ್ನಿನ ಅತ್ಯಂತ ಸಿರಿವಂತ ವ್ಯಕ್ತಿ. ಈ ದಂಪತಿ ಕೇವಲ ತಮ್ಮ ಯಾಚ್​ಗಳಲ್ಲಿ ಪ್ರವಾಸ ಹೋಗೋಕೆ ಅದರ ಡೀಸೆಲ್ ಗೆ ಅಂತಲೇ 250,000 ಡಾಲರ್ ಹಣ ಖರ್ಚು ಮಾಡ್ತಿದ್ರು. ಈಗ ಆತ ನೀಡಿರೋ ವಿಚ್ಛೇದನ ಪರಿಹಾರದ ಹಣದಿಂದ ಈಕೆ ಬ್ರಿಟನ್ನಿನ ಶ್ರೀಮಂತ ವ್ಯಕ್ತಿಯಾಗಿದ್ದಾಳೆ. ಅರ್ನೆಸ್ಟೊ ಸ್ವೀಡನ್ನಿನ ಅತಿ ದೊಡ್ಡ ಔಷಧ ತಯಾರಿಕಾ ಕಂಪೆನಿಯ ಮಾಲೀಕ ಕೂಡಾ. ಎಲ್ಲಾ ಚಿತ್ರಗಳ ಕೃಪೆ: Instagram