Travel Tips: ಮಹಿಳೆಯರೇ ಟ್ರಿಪ್ ಹೋಗುವಾಗ ಈ ಟಿಪ್ಸ್ ನೆನಪಿರಲಿ

ಮಹಿಳೆಯರ ಹಾಸ್ಟೆಲ್ನಲ್ಲಿ ಉಳಿದುಕೊಳ್ಳಿ
ನೀವು ಒಬ್ಬರೇ ಹೋಗಿದ್ದರೆ ಮಹಿಳೆಯರ ಹಾಸ್ಟೆಲ್​ನಲ್ಲಿ ಉಳಿದುಕೊಳ್ಳುವುದು ಮುಖ್ಯವಾಗುತ್ತದೆ. ಒಬ್ಬರೇ ಹೋಟೆಲ್​ಗಳಲ್ಲಿ ಉಳಿದುಕೊಳ್ಳುವುದು ಸುರಕ್ಷಿತವಲ್ಲ. ಅಲ್ಲದೇ, ಈ ರೀತಿ ಉಳಿದುಕೊಂಡಾಗ ನಿಮಗೆ ಇತರರಿಂದ ಹೆಚ್ಚಿನ ಮಾಹಿತಿ ತಿಳಿದುಕೊಳ್ಳಲು ಸಹಾಯವಾಗುತ್ತದೆ.

ಜಾಸ್ತಿ ಲಗೇಜ್ ಬೇಡ
ಯಾವಾಗಲೂ ಪ್ರವಾಸಕ್ಕೆ ಹೋಗುವಾಗ ಲಗೇಜ್ ಜಾಸ್ತಿ ತೆಗೆದುಕೊಂಡು ಹೋಗಬಾರದು. ಇದು ಪ್ರಯಾಣ ಮಾಡುವಾಗ ಕಷ್ಟ ಮಾತ್ರವಲ್ಲದೇ ವಸ್ತುಗಳು ಕಳೆದು ಹೋಗುವ ಸಾಧ್ಯತೆ ಸಹ ಹೆಚ್ಚಿರುತ್ತದೆ. ಸೂಟ್ಕೇಸ್ ಬದಲು ನೀವು ಬ್ಯಾಗ್ ಪ್ಯಾಕ್ ಬಳಸುವುದು ಸೂಕ್ತ.

ಔಷಧಿಗಳು
ಪ್ರವಾಸ ಮಾಡುವಾಗ ಯಾವಾಗಲೂ ಅಗತ್ಯವಾದ ಮಾತ್ರೆ ಹಾಗೂ ಔಷಧಿಗಳನ್ನು ಇಟ್ಟುಕೊಂಡಿರುವುದು ಉತ್ತಮ. ಅದರಲ್ಲೂ ಮಹಿಳೆಯರಿಗೆ ಸಮಸ್ಯೆಗಳು ಜಾಸ್ತಿ, ಹಾಗಾಗಿ ಮೊದಲೇ ಎಲ್ಲವನ್ನೂ ಜೊತೆಯಲ್ಲಿ ಇಟ್ಟುಕೊಳ್ಳುವುದು ಸಹಾಯ ಮಾಡುತ್ತದೆ.

ಸೋಷಿಯಲ್ ಮೀಡಿಯಾ
ನೀವು ಪ್ರವಾಸ ಹೋದಾಗ ಸೋಷಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿ ಇರಬೇಕು. ಮನೆಯವರ ಜೊತೆ ಪ್ರತಿದಿನ ಸಂಪರ್ಕದಲ್ಲಿ ಇರಬೇಕು. ಆದರೆ ನೀವು ಎಲ್ಲಿದ್ದೀರಿ ಹಾಗೂ ಏನು ಮಾಡುತ್ತಿದ್ದೀರಿ ಎಂಬುದನ್ನ ಸಾರ್ವಜನಿಕರಿಗೆ ತಿಳಿಸಬೇಡಿ.

ಒಂದು ದಿನದ ಪ್ರವಾಸ ಆಯೋಜಿಸಿ
ನೀವು ಮೊದಲ ಬಾರಿ ಒಬ್ಬರೇ ಪ್ರವಾಸಕ್ಕೆ ಹೊರಟಿದ್ದಾರೆ ಕೇವಲ ಒಂದು ದಿನದ ಪ್ರವಾಸದ ಮೂಲಕ ಆರಂಭಿಸುವುದು ಸೂಕ್ತ. ಇದು ನಿಮಗೆ ಅನುಭವ ನೀಡುತ್ತದೆ. ನಂತರ 2 ರಿಂದ 3 ದಿನಗಳ ಪ್ರವಾಸಕ್ಕೆ ಪ್ಲ್ಯಾನ್ ಮಾಡಬಹುದು.

ಹವಾಮಾನಕ್ಕೆ ತಕ್ಕಂತೆ ಬಟ್ಟೆ ಹಾಕಿ
ಯಾವಾಗಲೂ ಟ್ರಿಪ್ ಹೋಗುವಾಗ ಹವಾಮಾನಕ್ಕೆ ತಕ್ಕಂತೆ ಬಟ್ಟೆಯನ್ನು ಧರಿಸುವುದು ಬಹಳ ಉತ್ತಮ. ಚಳಿ ಇದ್ದರೆ ಸ್ವೆಟ್ಟರ್, ಸಾಕ್ಸ್ ಹೀಗೆ ಹಾಗೆ ಮಳೆ ಇದ್ದರೆ ರೈನ್ ಕೋಟ್ ಇಟ್ಟುಕೊಂಡಿರಬೇಕು. ಈ ರೀತಿ ಸೂಕ್ತವಾದ ಬಟ್ಟೆ ಇಟ್ಟುಕೊಂಡರೆ ಅನಗತ್ಯ ಖರ್ಚು ಹಾಗೂ ಸಮಸ್ಯೆ ಆಗುವುದಿಲ್ಲ.

ಮೊದಲೇ ಪ್ಲ್ಯಾನ್ ಮಾಡಿ
ಟ್ರಿಪ್ ಹೋಗುವಾಗ ಮೊದಲೇ ಆ ಸ್ಥಳದ ಬಗ್ಗೆ ಮಾಹಿತಿ ಇಟ್ಟುಕೊಂಡಿರುವುದು ಬಹಳ ಉತ್ತಮ. ಇದರಿಂದ ಯಾವುದೇ ಗೊಂದಲ ಆಗುವುದಿಲ್ಲ. ಹಾಗೆಯೇ, ಆ ಸ್ಥಳಕ್ಕೆ ಮೊದಲು ಯಾರಾದರೂ ಹೋಗಿದ್ದರೆ ಅವರ ಬಳಿ ಹೆಚ್ಚಿನ ಮಾಹಿತಿ ಪಡೆಯಿರಿ.

ಆಹಾರ
ಪ್ರವಾಸಕ್ಕೆ ಹೋಗುವಾಗ ನಾವು ಆಹಾರದ ವಿಚಾರದಲ್ಲಿ ಸಹ ಮುನ್ನೆಚ್ಚರಿಕೆ ವಹಿಸಬೇಕು. ಟ್ರಾವೆಲ್ ಮಾಡುವಾಗ ಹಾಗೂ ಸ್ಥಳದಲ್ಲಿ ಸಹ ಆರೋಗ್ಯಕರ ಆಹಾರವನ್ನು ಆಯ್ಕೆ ಮಾಡಿ. ನಾಲಿಗೆ ರುಚಿಗೆ ಸಿಕ್ಕ ಸಿಕ್ಕ ಆಹಾರ ಸೇವನೆ ಮಾಡಿದರೆ, ಆರೋಗ್ಯ ಸಮಸ್ಯೆ ಉಂಟಾಗುತ್ತದೆ.