Chikkamagaluru Tourist Places: ಮಳೆಗಾಲದಲ್ಲಿ ಚಿಕ್ಕಮಗಳೂರಿಗೆ ಯಾಕೆ ಹೋಗಬೇಕು ಗೊತ್ತಾ?

ಪ್ರಕೃತಿ ಪ್ರಿಯರು, ಸಾಹಸ ಪ್ರಿಯರು, ಪ್ರವಾಸ ಪ್ರೇಮಿಗಳು, ಇತಿಹಾಸ ತಜ್ಞರು ಹೀಗೆ ಎಲ್ಲ ವರ್ಗದವರನ್ನು ಸಂತೃಪ್ತಿಪಡಿಸುವ ತಾಣ ಕರ್ನಾಟಕ ಎಂದು ಹೇಳಬಹುದು. ಅದರಲ್ಲೂ ಚಿಕ್ಕಮಗಳೂರು ಪ್ರಮುಖ ಪ್ರವಾಸಿ ತಾಣವಾಗಿದೆ. ಸದ್ಯ ಬೇಸಿಗೆ ಮುಗಿದು ಇನ್ನೊಂದು ತಿಂಗಳಿನಲ್ಲಿ ಮಳೆಗಾಲ ಆರಂಭವಾಗುತ್ತಿದೆ. ಈಗಾಗಲೇ ಕರ್ನಾಟಕದ ಕೆಲವು ಭಾಗಗಳಲ್ಲಿ ಮಳೆರಾಯ ಆಗಮಿಸಿದ್ದಾನೆ. ಈ ನಡುವೆ ಮೊದಲೇ ನೀವು ಪ್ರವಾಸ ಕೈಗೊಳ್ಳಬೇಕಾದರೆ ಚಿಕ್ಕಮಗಳೂರು ಚೂಸ್ ಮಾಡುವುದು ಬೆಸ್ಟ್.

ಚಳಿಯೊಂದಿಗೆ ಒಂದು ಲೋಟ ಬಿಸಿ ಕಾಫಿ ಕುಡಿಯುವುದರಲ್ಲಿ ಸಿಗುವ ಖುಷಿಯೇ ಬೇರೆ. ಚಿಕ್ಕಮಗಳೂರು ಕಾಫಿ ತೋಟಗಳಿಗೆ ಹೆಸರುವಾಸಿಯಾಗಿದೆ. ಇದು ದೇಶದ ಕೆಲವು ಅತ್ಯುತ್ತಮ ಕಾಫಿ ಎಸ್ಟೇಟ್ಗಳಿಗೆ ನೆಲೆಯಾಗಿದೆ. ಇಲ್ಲಿನ ಕಾಫಿ ತೋಟಗಳ ಕಾಫಿ ಬೀಜಗಳಿಂದಲೇ ನಮ್ಮ ಮನೆಯ ಕಪ್ಗಳಿಗೆ ಕಾಫಿ ಬರುತ್ತದೆ. ಅಲ್ಲದೇ ನಾವು ಇಲ್ಲಿಗೆ ಭೇಟಿ ನೀಡಿದಾಗ ವಿವಿಧ ಬಗೆಯ ಕಾಫಿಯನ್ನೂ ಸವಿಯಬಹುದು.

ಚಿಕ್ಕಮಗಳೂರು ತನ್ನ ಭವ್ಯವಾದ ನೈಸರ್ಗಿಕ ಸೌಂದರ್ಯಕ್ಕೆ ಹೆಸರುವಾಸಿಯಾಗಿದೆ. ಸುತ್ತಲೂ ಹಸಿರು ಬೆಟ್ಟಗಳು, ಜಲಪಾತಗಳು. ಚಿಕ್ಕಮಗಳೂರಿನಲ್ಲಿ ಹೆಪ್ಪೆ ಫಾಲ್ಸ್, ಝರಿ ಫಾಲ್ಸ್ ಮತ್ತು ಕಲ್ಹಟ್ಟಿ ಫಾಲ್ಸ್ ಸೇರಿದಂತೆ ಹಲವು ಸುಂದರ ಜಲಪಾತಗಳಿವೆ.

ಮಕ್ಕಳು ಪ್ರಾಣಿಗಳನ್ನು ಹತ್ತಿರದಿಂದ ನೋಡಲು ಇಷ್ಟಪಡುತ್ತಾರೆ. ಚಿಕ್ಕಮಗಳೂರಿನಲ್ಲಿ ಭದ್ರಾ ಅಭಯಾರಣ್ಯ ಮತ್ತು ಕುದುರೆಮುಖ ರಾಷ್ಟ್ರೀಯ ಉದ್ಯಾನವನ ಸೇರಿದಂತೆ ಹಲವಾರು ವನ್ಯಜೀವಿ ಅಭಯಾರಣ್ಯಗಳು ಮತ್ತು ರಾಷ್ಟ್ರೀಯ ಉದ್ಯಾನವನಗಳಿಗೆ ನೆಲೆಯಾಗಿದೆ. ಪ್ರವಾಸಿಗರು ಇಲ್ಲಿ ವಿವಿಧ ರೀತಿಯ ಪ್ರಾಣಿಗಳು ಮತ್ತು ಪಕ್ಷಿಗಳನ್ನು ನೋಡಬಹುದು.

ಕಾಡು, ಪರ್ವತಗಳೆಲ್ಲ ಬೇಡ. ಇದು ಭಕ್ತಿಯ ಅತೀಂದ್ರಿಯ ಸ್ಥಳವಾಗಿದೆ. ಚಿಕ್ಕಮಗಳೂರಿನಲ್ಲಿ ಅನೇಕ ಪುರಾತನ ದೇವಾಲಯಗಳು ಮತ್ತು ಐತಿಹಾಸಿಕ ಸ್ಥಳಗಳಿವೆ. ವೀರಭದ್ರ ದೇವಸ್ಥಾನ, ಶೃಂಗೇರಿ ಶಾರದಾ ಪೀಠ ಮತ್ತು ಬೆಳವಾಡಿ ದೇವಸ್ಥಾನಗಳು ಅತ್ಯಂತ ಪ್ರಸಿದ್ಧವಾದವು.

ಚಿಕ್ಕಮಗಳೂರು ಪಶ್ಚಿಮ ಘಟ್ಟಗಳಲ್ಲಿ ಟ್ರೆಕ್ಕಿಂಗ್ ಮಾಡಲು ಕೆಲವು ಅತ್ಯುತ್ತಮ ಸ್ಥಳಗಳಿದೆ. ಕೆಲವು ಫೇಮಸ್ ಪ್ಲೇಸ್​ಗಳಲ್ಲಿ ಮುಳ್ಳಯ್ಯನಗಿರಿ , ಕುದುರೆಮುಖ ಟ್ರೆಕ್ ಮತ್ತು ಬಾಬಾ ಬುಡನಗಿರಿ ಕೂಡ ಒಂದು. ನಿಮ್ಮನ್ನು ಪರ್ವತಗಳಿಗೆ ಕರೆದೊಯ್ಯಲು ಹಲವು ಖಾಸಗಿ ಟ್ರೆಕ್ಕಿಂಗ್ ಗುಂಪುಗಳಿದೆ. ಒಬ್ಬರೇ ಹೋಗಿ ಕೂಡ ಅರಣ್ಯ ಇಲಾಖೆಯಿಂದ ಅನುಮತಿ ಪಡೆದು, ಪ್ರಕೃತಿ ಸೌಂದರ್ಯವನ್ನು ಕಣ್ತುಂಬಿಕೊಳ್ಳಬಹುದು.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)