ಕಡಿಮೆ ಬಜೆಟ್​ನಲ್ಲಿ ಹನಿಮೂನ್​ ಆಚರಿಸಲು ಹೇಳಿ ಮಾಡಿಸಿದ ವಿದೇಶಿ ತಾಣಗಳು

ಮದುವೆ ಸೀಸನ್​ ಆರಂಭವಾಗಿದೆ. ನವದಂಪತಿಗಳು ಮಧುಚಂದ್ರಕ್ಕೆ ತೆರಳಲು ಯಾವ ಸ್ಥಳ ಸೂಕ್ತ ಎಂಬ ಲೆಕ್ಕಚಾರದಲ್ಲಿ ತೊಡಗಿರುತ್ತಾರೆ. ಕನ್ಯಾಕುಮಾರಿಯಿಂದ ಕಾಶ್ಮೀರದವರೆಗೂ ಅನೇಕ ರಮಣೀಯ ಸ್ಥಳಗಳು ಭಾರತದಲ್ಲಿದ್ದರೂ, ಹನಿಮೂನ್​ ವಿದೇಶದಲ್ಲಿ ಆಚರಿಸಲು ಹೆಚ್ಚಿನ ದಂಪತಿಗಳು ಬಯಸುತ್ತಾರೆ. ಅಂತದ್ರಲ್ಲಿ ಕಡಿಮೆ ವೆಚ್ಚದಲ್ಲಿ ನಿಮ್ಮ ಮಧುಚಂದ್ರದ ಅನುಭವವನ್ನು ಹೆಚ್ಚಿಸುವ ಕೆಲ ಸುಂದರ ದೇಶಗಳ ಪಟ್ಟಿಯನ್ನು ಇಲ್ಲಿ ನೀಡಲಾಗಿದೆ.

ಅಗ್ಗದ ಮತ್ತು ಸುಂದರ ದೇಶಗಳಲ್ಲಿ ಪಟ್ಟಿಯಲ್ಲಿ ಥಾಯ್ಲೆಂಡ್​ ಹೆಸರು ಮೊದಲಿರುತ್ತದೆ. ಕಡಲತೀರವನ್ನು ಒಳಗೊಂಡಿರುವ ಥಾಯ್ಲೆಂಡ್​ ಹನಿಮೂನ್​ ಪ್ರವಾಸಕ್ಕೆ ಹೇಳಿ ಮಾಡಿಸಿದ ಸ್ಥಳ. ಇಲ್ಲಿನ ಮೌಂಟೇನ್​ ರಿಟ್ರೀಟ್ಸ್​, ಬೀಚ್​ಗಳು, ಫನ್​ ಸಿಟಿ ಲೈಫ್​, ಅನಿಮಲ್​ ಸೆಂಚುರಿ ತಾಣಗಳು ನವಜೋಡಿಯನ್ನು ಮೋಡಿ ಮಾಡುವುದರಲ್ಲಿ ಸಂಶಯವಿಲ್ಲ.

ಕಡಿಮೆ ಬಜೆಟ್​ನಲ್ಲಿ ತೆರಳಬಹುದಾದ ಮತ್ತೊಂದು ಸುಂದರ ದೇಶವೆಂದರೆ ಮಾಲ್ಡೀವ್ಸ್​. ವಿಶ್ವದ ಅತ್ಯಂತ ಸುಂದರ ಕಡಲತೀರಗಳನ್ನು ಒಳಗೊಂಡಿರುವ ದೇಶ ಎಂದು ಕೂಡ ಮಾಲ್ಡೀವ್ಸ್​ ಅನ್ನು ಕರೆಯಲಾಗುತ್ತದೆ. ಈ ದೇಶಕ್ಕೆ 2 ಲಕ್ಷಕ್ಕಿಂತಲೂ ಕಡಿಮೆ ಬಜೆಟ್​ನಲ್ಲಿ ತೆರಳಿ ಮಧುಚಂದ್ರವನ್ನು ಆನಂದಿಸಬಹುದು.

ನೀವು ದ್ವೀಪಗಳಲ್ಲಿ ಹನಿಮೂನ್ ಆಚರಿಸಬೇಕೆಂದು ಬಯಸಿದ್ದರೆ, ಸ್ಯಾಂಟೊರಿನಿ ಮತ್ತು ಅಥೆನ್ಸ್​ಗೆ ಭೇಟಿ ನೀಡುವುದು ಉತ್ತಮ. ತುಂಬಾ ರಮಣೀಯ ಸ್ಥಳಗಳನ್ನೊಳಗೊಂಡಿರುವ ಈ ದ್ವೀಪಗಳು ನವಜೋಡಿಗಳ ಬಾಂಧವ್ಯವನ್ನು ಮತ್ತಷ್ಟು ಗಟ್ಟಿಗೊಳಿಸಲಿದೆ. ಅಕ್ಟೋಬರ್​ನಿಂದ ಮೇ ತಿಂಗಳ ಒಳಗೆ ಈ ದ್ವೀಪಗಳಿಗೆ ಭೇಟಿ ನೀಡುವುದು ಉತ್ತಮ ಎನ್ನಲಾಗಿದೆ.

ಬಾಲಿ ವಿಶ್ವದ ಅತ್ಯಂತ ಸುಂದರ ತಾಣಗಳಲ್ಲಿ ಇದು ಒಂದು. ಇಂಡೋನೇಷ್ಯಾದಲ್ಲಿರುವ ಈ ದ್ವೀಪ ಕೂಡ ಕಡಿಮೆ ಖರ್ಚಿನಲ್ಲಿ ಮಧುಚಂದ್ರಕ್ಕೆ ತೆರಳಲು ಹೇಳಿ ಮಾಡಿಸಿದ ತಾಣವಾಗಿದೆ. ಹನಿಮೂನ್​ ಆಚರಿಸಲೆಂದೇ ಪ್ರತಿವರ್ಷ ಲಕ್ಷಾಂತರ ಪ್ರವಾಸಿಗರು ಬಾಲಿಗೆ ಭೇಟಿ ನೀಡುತ್ತಾರೆ. ಪ್ರಕೃತಿ ರಮಣೀಯ ಸ್ಥಳಗಳೊಂದಿಗೆ ಇಲ್ಲಿನ ಬೀಚ್​ಗಳು ಕೂಡ ಆಕರ್ಷಕವಾಗಿದೆ. ಕಡಲತಡಿಯ ರೆಸ್ಟೋರೆಂಟ್​​ಗಳು ಕೂಡ ನವವಿವಾಹಿತರಿಗೆ ಹೊಸ ಅನುಭವವನ್ನು ಒದಗಿಸಲಿದೆ.