Travel Tips: ಟ್ರಿಪ್​​​ ಹೋಗ್ತಾ ಇದ್ದೀರಾ? ಹಾಗಾದ್ರೆ ನಿಮ್ಮ ಬ್ಯಾಗ್​ನಲ್ಲಿ ಈ ವಸ್ತುಗಳು ಇರಲೇಬೇಕು

ಟ್ರಿಪ್​ ಹೋಗೋದು ಸಾಮಾನ್ಯ. ಆದರೆ, ಅಡ್ವೆಂಚರ್​ಗಳಾದ ಟ್ರಿಪ್, ಟ್ರಕ್ಕಿಂಗ್​ಗಳನ್ನು ಎಲ್ರೂ ಮಾಡಲ್ಲ. ಅದರದ್ದೇ ಆದ ಕ್ರೇಜ್​ಗಳು ಇರಬೇಕು ಅಲ್ವಾ? ಇನ್ನೇನು ಬೇಸಿಗೆ ಕಾಲ ಆರಂಭವಾಯ್ತು. ಟ್ರಕ್ಕಿಂಗ್​ ಹೋಗೋ ಪ್ಲ್ಯಾನ್​ ನಿಮಗಿದ್ರೆ ಈ ಟಿಪ್ಸ್​ಗಳನ್ನು ಫಾಲೋ ಮಾಡ್ಲೇ ಬೇಕು.

ನೀವು ಟ್ರಕ್ಕಿಂಗ್​ ಹೋಗ್ತ ಕೆಲವೊಂದಷ್ಟು ವಸ್ತುಗಳನ್ನು ನಿಮ್ಮ ಬ್ಯಾಗ್​ನಲ್ಲಿ ಇರಲೇಬೇಕು. ಮೊದಲಿಗೆ ನೀವು ಹೊಸ ಜಾಗಕ್ಕೆ ಹೋಗುವಾಗ ಸರಿಯಾದ ಮ್ಯಾಪ್​, ದಿಗ್ಸೂಚಿ, ಜಿಪಿಎಸ್ ನಿಮ್ಮ ಬಳಿ ಇರಲೇಬೇಕು. ಯಾಕಂದ್ರೆ ದಾರಿ ತಪ್ಪಿದ್ರೆ ನಿಮಗೆ ಸರಿಯಾದ ದಾರಿ ಹಿಂತುರುಗಲು ಗೊತ್ತಾಗಬೇಕು. ಎಲ್ಲಾ ಕಡೆಯಲ್ಲಿಯೂ ನೆಟ್​ವರ್ಕ್​ ಇರೋಲ್ಲ. ಹಾಗಾಗಿ ಈ ಒಂದಷ್ಟು ವಸ್ತುಗಳು ನಿಮ್ಮ ಬಳಿ ಇರಲೇಬೇಕು.

ಬಿಸಿಲಿಗೆ ಟ್ಯಾನ್​ ಆಗೋದು ಕಾಮನ್​. ಹೀಗಾಗಿ ನೀವು ಸನ್​ ಗ್ಲಾಸ್​ ಮತ್ತು ಸನ್​ ಸ್ಕ್ರೀನ್​ ಲೋಷನ್​ಗಳನ್ನು ಹಚ್ಚಿಕೊಳ್ಳಬೇಕು. ಜೊತೆಗೆ ಹ್ಯಾಟ್​ ಕೂಡ ಇದ್ರೂ ಒಳ್ಳೆಯದು. ಟ್ರಕ್ಕಿಂಗ್​ನಲ್ಲಿ ಈ ವಸ್ತುಗಳು ಇರಲೇಬೇಕು.

ಮುಖ್ಯವಾಗಿ ನೀವು ಆದಷ್ಟು ನೀರಿನ ಬಾಟಲ್​ಗಳನ್ನು ಬಳಸಲೇ ಬೇಕು. ಯಾಕಂದ್ರೆ ಬೇಸಿಗೆಯಲ್ಲಿ ಬಾಯಾರಿಕೆ ಆಗೋದು ಕಾಮನ್​. ಹಾಗಂತ ನೀವು ಪ್ಲಾಸ್ಟಿಕ್​ ಬಾಟಲ್​ಗಳನ್ನು ತೆಗೆದುಕೊಂಡು ಹೋದಾಗ ಆ ಸ್ಥಳಗಳಲ್ಲಿಯೇ ಎಸೆದು ಬರಲೇ ಬಾರದು.

ಫಸ್ಟ್​ ಏಡ್​ ಕಿಟ್ ಜೊತೆಯಲ್ಲಿ ಇರಲೇಬೇಕು. ಯಾಕಂದ್ರೆ ಯಾವ ಸಮಯದಲ್ಲಿ ಯಾರಿಗೆ ಏನಾಗುತ್ತೆ ಅಂತ ಹೇಳಲು ಅಸಾಧ್ಯ. ಆ ಕಿಟ್​ನಲ್ಲಿ ಬ್ಯಾಂಡೇಜ್​, ಟಿಂಚರ್​ ಮತ್ತು ಗ್ಲೂಕೋಸ್​ಗಳಂತಹ ವಸ್ತುಗಳನ್ನು ಇಟ್ಟುಕೊಳ್ಳಲೇಬೇಕು.

ನೀವು ಅಲ್ಲೇ ಉಳಿಯುವುದಾದರೆ ಟೆಂಟ್​ ಇರಬೇಕು. ಕ್ರಿಮಿ ಕೀಟಗಳಿಂದ ರಕ್ಷಣೆ ಪಡೆಯಲು ಕ್ರೀಮ್​ಗಳು, ಟಾರ್ಚ್​, ರೈನ್ ಜಾಕೆಟ್​ ಮತ್ತು ಎಕ್ಷ್ಟ್ರಾ ಒಂದು ಹಗ್ಗ, ಬಟ್ಟೆಯನ್ನು ಇಟ್ಟುಕೊಂಡಿರಬೇಕು.

ನೀವು ಹೋಗಿರುವಂತಹ ಸ್ಥಳದ ಹತ್ತಿರದ ಪೊಲೀಸ್​ ಠಾಣೆಯ ನಂಬರ್​, ಆಸ್ಪತ್ರೆ, ಆಪ್ತರ ದೂರವಾಣಿಯನ್ನು ನೀವು ತೆಗೆದುಕೊಂಡಿರಬೇಕು. ಹಾಗೆಯೇ ಮುಖ್ಯವಾಗಿ ನೀವು ಪವರ್​ ಬ್ಯಾಂಕ್​ನ್ನು ಇಟ್ಟುಕೊಂಡಿರಿ. ನೆಟ್​ವರ್ಕ್​ ಸೀಗೋದಿಲ್ಲ ಅಂದ್ರು ಕೂಡ ನಿಮ್ಮ ಮೊಬೈಲ್​ನಲ್ಲಿ ಫುಲ್ ಚಾರ್ಜ್​ ಇರಲೇಬೇಕು.

ಜಾಗದ ಬಗ್ಗೆ ಹೆಚ್ಚಿನ ಮಾಹಿತಿಗಳನ್ನು ತಿಳಿದುಕೊಂಡು ಹೋಗಿ ಮತ್ತು ಕ್ಯಾಮಾರವನ್ನು ನಿಮ್ಮ ಬ್ಯಾಗ್​ನಲ್ಲಿ ಇಟ್ಟುಕೊಂಡಿರಬೇಕು. ಹುಡುಗಿಯರ ಬ್ಯಾಗ್​ನಲ್ಲಿ ಎಕ್ಷ್ಟ್ರಾ ಪ್ಯಾಡ್​ ಇರಬೇಕು. ಇಷ್ಟು ವಸ್ತುಗಳು ನೀವು ಟ್ರಕ್ಕಿಂಗ್​ ಹೋದಾಗ ನಿಮ್ಮ ಬ್ಯಾಗ್​ನಲ್ಲಿ ಇರಲೇಬೇಕು.