Relationship: ನಿಮ್ಮ ಸಂಗಾತಿಯಿಂದ ನಿಮಗೆ ಮೋಸವಾಗ್ತಿದ್ಯಾ? ಪ್ರೀತಿ ಇದೆಯಾ, ಇಲ್ವಾ ಅಂತ ಕಂಡು ಹಿಡಿಯೋದು ಹೇಗೆ?

ಹದಗೆಟ್ಟ ಸಂಬಂಧವನ್ನು ಮುಂದುವರಿಸುವುದರಲ್ಲಿ ಅರ್ಥವಿಲ್ಲ. ಇದರಿಂದ ಜೀವನ ಹೆಚ್ಚು ಹಾಳಾಗುತ್ತದೆ. ರಿಲೇಷನ್ ಶಿಪ್ನಲ್ಲಿ ಹೇಗೆ ಮೋಸ ಹೋಗುತ್ತಿದ್ದೇವೆ ಎಂಬುವುದನ್ನು ಅರ್ಥ ಮಾಡಿಕೊಳ್ಳುವುದು ಹೇಗೆ? ಇದಕ್ಕೆ ಯಾವುದೇ ನಿಶ್ಚಿತ ಮಾನದಂಡಗಳಿಲ್ಲ. ಸಾಮಾನ್ಯವಾಗಿ ಯಾವುದೇ ಸಂಬಂಧದಲ್ಲಿ ಅದರಲ್ಲಿಯೂ ಲವ್ ರಿಲೇಷನ್ ಶಿಪ್ನಲ್ಲಿ ಟೆನ್ಷನ್ ಇದ್ದೆ ಇರುತ್ತದೆ. ನಿಮ್ಮ ಸಂಗಾತಿ ನಿಮಗೆ ಮೋಸ ಮಾಡುತ್ತಿದ್ದಾರೆ ಎಂದು ಯಾವಾಗಲೂ ಅರ್ಥವಾಗುವುದಿಲ್ಲ. ನಿಮ್ಮ ಸಂಗಾತಿ ನಿಮ್ಮನ್ನು ನೋಯಿಸಿದಾಗ, ನಿಮ್ಮನ್ನು ಅಗೌರವಿಸಿದಾಗ ಇದು ನಿಮಗೆ ಸೆನ್ಸ್ ಆಗುತ್ತದೆ.

ರಿಲೇಷನ್ ಶಿಪ್ನಲ್ಲಿ ವೈಯಕ್ತಿಕ ಗಡಿಗಳನ್ನು ಹೊಂದಿರುವುದು ಬಹಳ ಮುಖ್ಯ. ನೀವು ರಾಜಿ ಮಾಡಿಕೊಳ್ಳಲು ಸಾಧ್ಯವಾಗದಿದ್ದಾಗ, ನಿಮಗೆ ನಿಮ್ಮ ವೈಯಕ್ತಿಕ ಬಲ ಏನು ಎಂಬುವುದು ನಿಮಗೆ ತಿಳಿಯುತ್ತದೆ. ಹಾಗೆಯೇ ನಿಮ್ಮ ಸಂಗಾತಿಯ ವೈಯಕ್ತಿಕ ಗಡಿಗಳನ್ನು ಕೂಡ ಗೌರವಿಸಿ. ಅವರ ಮೇಲೆ ಅಧಿಕಾರ ಚಲಾಯಿಸಬೇಡಿ.

ಸಂಗಾತಿಯು ನಿಮ್ಮನ್ನು ತಪ್ಪಾಗಿ ಅರ್ಥಮಾಡಿಕೊಂಡರೆ, ನೀವು ಸಂಬಂಧದಲ್ಲಿ ಎಡವಿದ್ದೀರಿ ಎಂದರ್ಥ. ನಿಮ್ಮನ್ನು ನಿರಂತರವಾಗಿ ಕೀಳು ದೃಷ್ಟಿಯಲ್ಲಿ ನೋಡುವ ವ್ಯಕ್ತಿಯ ಜೊತೆಗೆ ಸಂಬಂಧವನ್ನು ಹೊಂದಿರಬೇಡಿ. ಬದಲಾಗಿ ನಿಮ್ಮ ಸಂಗಾತಿ ನಿಮ್ಮನ್ನು ಬೆಂಬಲಿಸಿದರೆ ಅಂತಹವರನ್ನು ಸಂತೋಷದಿಂದ ನೋಡಿಕೊಳ್ಳಿ. ಅವರನ್ನು ಕಡೆಗಣಿಸಬೇಡಿ. ಪಾಲುದಾರ ಯಾವಾಗಲೂ ನಿಮ್ಮನ್ನು ಪ್ರೇರೇಪಿಸುತ್ತಾನೆ. ನಿಮ್ಮ ಸಂತೋಷವನ್ನು ನೋಡಿಕೊಳ್ಳಿ.

ರಿಲೇಷನ್ಶಿಪ್ಗೆ ಕಮಿಟ್ ಆಗಲು ಆತುರಪಡಬೇಡಿ. ನಿಮಗೆ ಬೇಕಾದಷ್ಟು ಸಮಯ ತೆಗೆದುಕೊಂಡು ನಿಮ್ಮ ಸಂಗಾತಿಯನ್ನು ಆಯ್ಕೆ ಮಾಡಿಕೊಳ್ಳಿ. ಕಹಿ ಅನುಭವಗಳನ್ನು ನಿಮ್ಮ ಮನಸ್ಸಿನಲ್ಲಿ ಹೆಚ್ಚು ನೆಲೆಗೊಳ್ಳಲು ಬಿಡಬೇಡಿ. ಹಾಗಾಂತ ಮರೆಯಲು ಬೇಡಿ, ಬದಲಾಗಿ ಆದ ತಪ್ಪುಗಳಿಂದ ಪಾಠ ಕಲಿಯಿರಿ.

ಹಕ್ಕುತ್ಯಾಗ: ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ವಿವರವಾದ ಮಾಹಿತಿ ಬೇಕಾದರೆ ಯಾವುದಾದರೂ ತಜ್ಞರ ಸಲಹೆಯನ್ನು ಪಡೆಯಿರಿ.