Panipuri Benefits: ಪಾನಿಪುರಿ ತಿನ್ನೋದರಿಂದ ಆಗೋ ಲಾಭಗಳೇನು?

ಪಾನಿಪುರಿಯನ್ನ ಗೋಲ್​ಗಪ್ಪಾ ಎಂದು ಕರೆಯಲಾಗುತ್ತದೆ. ರಸ್ತೆ ಬದಿಯಲ್ಲಿ ಮಾರಾಟವಾಗುವ ಈ ಪಾನಿಪುರಿಗೆ ಎಲ್ಲಿಲ್ಲದ ಬೇಡಿಕೆ.

ಬಹುತೇಕರು ಪಾನಿಪುರಿ ತಿನ್ನೋದರಿಂದ ಯಾವುದೇ ಆರೋಗ್ಯಕರ ಲಾಭಗಳಿಲ್ಲ ಎಂದು ಹೇಳುತ್ತಾರೆ. ಪಾನಿಪುರಿ ಕೇವಲ ಬಾಯಿ ರುಚಿಗೆ ಮಾತ್ರ ಎಂದು ಹಲವರು ಹೇಳುತ್ತಿರುತ್ತಾರೆ.

ಪಾನಿಪುರಿ ತಿನ್ನೋದರಿಂದಲೂ ಕೆಲವು ಆರೋಗ್ಯಕರ ಲಾಭಗಳಿವೆ. ಆರೋಗ್ಯಕರ ಲಾಭಗಳಿವೆಯೆಂದು ಪ್ರತಿದಿನ ತಿಂದ್ರೆ ಸಮಸ್ಯೆಗಳನ್ನು ಆಹ್ವಾನಿಸಿದಂತೆ ಎಂಬುದನ್ನು ಮರೆಯಬೇಡಿ.

ಪಾನಿಪುರಿ ತಿನ್ನೋದರಿಂದ ಆಗುವ ಲಾಭಗಳು

1.ಪಾನಿಪುರಿಯನ್ನು ಮಧುಮೇಹಿಗಳು ತಿನ್ನಬಹುದು. ಡಯಾಬಿಟಿಸ್ ಸಮಸ್ಯೆ ಇರೋರಿಗೆ ಸಿಹಿ ಪದಾರ್ಥದಿಂದ ದೂರ ಇರುವಂತೆ ಸಲಹೆ ನೀಡಲಾಗಿರುತ್ತದೆ. ಕಡಿಮೆ ಕ್ಯಾಲೋರಿ ಹೊಂದಿರುವ ಪಾನಿಪುರಿಯನ್ನು ಮಧುಮೇಹಿಗಳು ತಿನ್ನಬಹುದು.

2.ಸಂಜೆ ಲಘು ಆಹಾರ ಸೇವನೆಗೆ ಮೊದಲ ಆದ್ಯತೆ ನೀಡಬೇಕು. ಪಿಜ್ಜಾ, ಬರ್ಗರ್ ಅಂತಹ ಆಹಾರ ಹೆಚ್ಚು ಕ್ಯಾಲೋರಿ ಹೊಂದಿರುತ್ತವೆ. ಲಘು ಆಹಾರ ಇಷ್ಟಪಡೋರು ಪಾನಿಪುರಿಯನ್ನು ಆಯ್ಕೆ ಮಾಡಿಕೊಳ್ಳಬಹುದು.

3.ಪಾನಿಪುರಿಯಲ್ಲಿ ಮೆಗ್ನೀಸಿಯಮ್, ಪೊಟ್ಯಾಸಿಯಮ್, ಫೋಲೇಟ್ ಮತ್ತು ವಿಟಮಿನ್ ಎ, ಬಿ -6, ಬಿ -12, ಸಿ ಮತ್ತು ಡಿ ಅಂಶಗಳನ್ನು ಹೊಂದಿರುತ್ತದೆ. ಹಾಗಾಗಿ ಮಿತವಾಗಿ ಪಾನಿಪುರಿ ತಿನ್ನಬಹುದು.

4.ಪಾನಿಪುರಿಯಲ್ಲಿ ಜೀರಿಗೆ, ಓಂಕಾಳು, ಪುದಿನಾ ಮತ್ತು ಧನಿಯಾ ಪುಡಿಯನ್ನು ಬಳಸಲಾಗುತ್ತದೆ. ಈ ಮಿಶ್ರಣದ ಪಾನಿಯನ್ನು ಕುಡಿಯುವದಿಂದ ಬಾಯಿಯಲ್ಲಿ ಹುಣ್ಣುಗಳು (ಗುಳ್ಳೆ) ಕಡಿಮೆ ಆಗುತ್ತವೆ ಎಂದು ಸಂಶೋಧನಾ ವರದಿಯೊಂದರಲ್ಲಿ ಪ್ರಕಟಾವಾಗಿದೆ.

5.ಪಾನಿಪುರಿಯಲ್ಲಿ ಹಸಿ ಮಾವಿನ ಹುಳಿ, ಕರಿಮೆಣಸು, ಕಪ್ಪು ಉಪ್ಪು ಬಳಕೆ ಮಾಡಲಾಗುತ್ತದೆ. ಈ ಪದಾರ್ಥಗಳು ಅಸಿಡಿಟಿ ಸಮಸ್ಯೆಯನ್ನು ದೂರ ಮಾಡುತ್ತವೆ.

(Disclaimer:ಮೇಲಿನ ಲೇಖನದ ವರದಿಯೂ ಅಂತರ್ಜಾಲದಲ್ಲಿ ಲಭ್ಯವಿರೋ ಮಾಹಿತಿಯನ್ನು ಆಧರಿಸಿದೆ.  ಇದನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)