Travel: ಬೇಸಿಗೆಯಲ್ಲಿ ಗೋವಾ ಟ್ರಿಪ್ ಹೋಗ್ತಿದ್ದೀರಾ? ಈ ಪ್ಲೇಸ್​​ಗೂ ಮಿಸ್ ಮಾಡ್ದೇ ವಿಸಿಟ್ ಕೊಡಿ!

ಟ್ರಿಪ್ಗೆ ಹೋಗಬೇಕೆಂದು ನಿಮ್ಮ ಫ್ರೆಂಡ್ಸ್ ಜೊತೆ ಪ್ಲ್ಯಾನ್ ಮಾಡುವಾಗ ಮೊದಲು ಕೇಳಿಬರುವ ಹೆಸರೇ ಗೋವಾ. ಈ ಹೆಸರು ಕೇಳಿದ ತಕ್ಷಣ ಎಲ್ಲರ ಮನಸ್ಸು ಉತ್ಸಾಹದಿಂದ ತುಂಬಿರುತ್ತದೆ. ಕೊನೆಗೆ ನಾವು ಗೋವಾ ಪ್ರವಾಸಕ್ಕೆ ಹೋಗುತ್ತಿವೋ, ಇಲ್ಲವೋ ಆದ್ರೆ ಎಲ್ಲರ ಮನಸ್ಸಿನಲ್ಲಿ ಒಂದಷ್ಟು ಕಲ್ಪನೆಗಳು ಮಾತ್ರ ಇದ್ದೇ ಇರುತ್ತದೆ.

ಅನೇಕ ಮಂದಿ ಗೋವಾ ಪ್ರವಾಸೋದ್ಯಮ ಕುರಿತಂತೆ ಒಂದಷ್ಟು ಟ್ರಾವೆಲ್ ವಿಡಿಯೋಗಳನ್ನು ಮಾತ್ರ ನೋಡಿರುತ್ತಾರೆ. ಇದರಲ್ಲಿ ಕಂಡು ಬರುವ ಬೀಚ್​ಗಳು, ಕ್ಯಾಸಿನೊ ಆಟಗಳು ಮತ್ತು ಮನರಂಜನೆಯ ತಾಣಗಳು ಎಲ್ಲರ ಮನಸ್ಸಿನಲ್ಲೂ ಒಮ್ಮೆಯಾದರೂ ಗೋವಾಗೆ ಹೋಗಬೇಕು ಎಂಬ ಆಸೆಯನ್ನು ಮೂಡಿಸುತ್ತದೆ.

ಸದ್ಯ ಈಗ ಹೇಗಿದ್ದರೂ ಬೇಸಿಗೆ ಮನಸ್ಸು ಮಾಡಿದರೆ ಈ ಸಮಯದಲ್ಲಿ ನೀವು ಗೋವಾಗೆ ಭೇಟಿ ನೀಡಬಹುದು. ಒಂದು ವೇಳೆ ಗೋವಾ ಪ್ರವಾಸಕ್ಕೆ ಹೋದರೆ ಈ 5 ಸ್ಥಳಗಳಿಗೆ ತಪ್ಪದೇ ಭೇಟಿ ನೀಡಿ. ಇವು ಖಂಡಿತ ನಿಮ್ಮ ಕಣ್ಮನ ಸೆಳೆಯುತ್ತದೆ.

ಇಮ್ಯಾಕ್ಯುಲೇಟ್ ಕಾನ್ಸೆಪ್ಶನ್ ಚರ್ಚ್: ಚರ್ಚ್ ಆಫ್ ಅವರ್ ಲೇಡಿ ಆಫ್ ದಿ ಇಮ್ಯಾಕ್ಯುಲೇಟ್ ಕಾನ್ಸೆಪ್ಶನ್ ಅನ್ನು 1541 ರಲ್ಲಿ ಪೋರ್ಚುಗೀಸ್ ಆಡಳಿತಗಾರರು ನಿರ್ಮಿಸಿದರು. ಅಂದರೆ, ಇದು ಸುಮಾರು 6 ಶತಮಾನಗಳಷ್ಟು ಹಳೆಯದಾದ ಚರ್ಚ್. ಈ ಚರ್ಚ್ ಅನ್ನು ಪೋರ್ಚುಗೀಸ್ ಬರೋಕ್ ವಾಸ್ತುಶಿಲ್ಪ ಶೈಲಿಯಲ್ಲಿ ನಿರ್ಮಿಸಲಾಗಿದೆ. ಈ ಸ್ಥಳವನ್ನು ನಾವು ಸಾಕಷ್ಟು ಸಿನಿಮಾಗಳಲ್ಲಿ ನೋಡಿರುತ್ತೇವೆ.

ಬೆಸಿಲಿಕಾ: 'ದಿ ಬೆಸಿಲಿಕಾ ಆಫ್ ಬರ್ನ್ ಜೀಸಸ್' ಎಂಬ ಸ್ಮಾರಕವನ್ನು 1605 ರಲ್ಲಿ ನಿರ್ಮಿಸಲಾಯಿತು. ಇದನ್ನು ಕೂಡ ಸ್ಥಾಪಿಸಿ 5 ಶತಕಗಳಾಗಿದೆ. ಸೇಂಟ್ ಫ್ರಾನ್ಸಿಸ್ ಕ್ಸೇವಿಯರ್ ಅವರ ಸ್ಮಾರಕ ಮನೆ ಎಂದು ಪರಿಗಣಿಸಲಾಗಿದೆ, ಇದು ವಿಶ್ವ ಪರಂಪರೆಯ ತಾಣಗಳ ಪಟ್ಟಿಯಲ್ಲಿದೆ.

ಪೋರ್ಚುಗೀಸ್ ಕೋಟೆ: ಅರಬ್ಬಿ ಸಮುದ್ರದ ಮೇಲೆ 17 ನೇ ಶತಮಾನದಲ್ಲಿ ನಿರ್ಮಿಸಲಾದ ಈ ಕೋಟೆಯು ಗೋವಾಕ್ಕೆ ಭೇಟಿ ನೀಡುವ ಪ್ರವಾಸಿಗರ ನೆಚ್ಚಿನ ಆಯ್ಕೆಯಾಗಿದೆ. ಪೋರ್ಚುಗೀಸ್ ಆಡಳಿತಗಾರರು ಯುದ್ಧದಲ್ಲಿ ಡಚ್ ಆಡಳಿತಗಾರರ ಮೇಲೆ ತಮ್ಮ ವಿಜಯದ ನೆನಪಿಗಾಗಿ ಈ ಕೋಟೆಯನ್ನು ನಿರ್ಮಿಸಿದರು.

ವೆಜಿಟಾರ್ ಬೀಚ್: ವೆಜಿಟಾರ್ ಬೀಚ್ ಮರಳು ಮತ್ತು ಅಪ್ಪಳಿಸುವ ಅಲೆಗಳಿಂದ ಕೂಡಿದ ಒಂದು ರಮಣೀಯ ತಾಣವಾಗಿದೆ. ಬೀಚ್ ಪಾರ್ಟಿಗಳು ಮತ್ತು ಸಂಗೀತ ಕಚೇರಿಗಳನ್ನು ಏರ್ಪಡಿಸಲು ಇದು ಜನಪ್ರಿಯವಾಗಿದೆ. ನಿರ್ದಿಷ್ಟವಾಗಿ ಹೇಳುವುದಾದರೆ, ಇಲ್ಲಿ ರಾತ್ರಿ ಹೊತ್ತು ಹೆಚ್ಚಾಗಿ ಪಾರ್ಟಿಯನ್ನು ಏರ್ಪಡಿಸಲಾಗುತ್ತದೆ.

ಮಾಗೋಸ್ ಕೋಟೆ: ಇದು ಪೋರ್ಚುಗೀಸ್ ರಾಜರು ನಿರ್ಮಿಸಿದ ಕೋಟೆಯಾಗಿದೆ. ಇದನ್ನು 1551 ರಲ್ಲಿ ನಿರ್ಮಿಸಲಾಯಿತು. 19ನೇ ಶತಮಾನದ ವೇಳೆಗೆ, ಇದು ಹಾಳಾಗುವುದು ಹೆಚ್ಚಾಯಿತು. ಈ ವೇಳೆ, 1993 ರಲ್ಲಿ ಗೆರಾರ್ಡ್ ಡ ಕ್ಯಾನ್ಹಾ ಎಂಬ ವಾಸ್ತುಶಿಲ್ಪಿ ಅದನ್ನು ನವೀಕರಿಸುವ ಕಾರ್ಯವನ್ನು ಕೈಗೊಂಡರು. ಇದು ಈಗ ಅನೇಕ ಪ್ರವಾಸಿಗರ ನೆಚ್ಚಿನ ತಾಣವಾಗಿದೆ.