Tongue And Health: ನಿಮ್ಮ ನಾಲಿಗೆ ಈ ಬಣ್ಣದಲ್ಲಿದ್ರೆ ಆರೋಗ್ಯ ಸಮಸ್ಯೆ ಇದೆ ಎಂದರ್ಥ

ಮಾನವನ ವಿಕಾಸಕ್ಕೆ ಅನುಗುಣವಾಗಿ ಸುತ್ತಲಿನ ರೋಗಾಣುಗಳೂ ದಿನದಿಂದ ದಿನಕ್ಕೆ ಬೆಳೆಯುತ್ತಿವೆ. ಕೆಲವು ಸೂಕ್ಷ್ಮಜೀವಿಗಳು ನಾವು ನಿರೀಕ್ಷಿಸುವುದಕ್ಕಿಂತ ಹೆಚ್ಚು ಗಂಭೀರವಾಗಿರುತ್ತವೆ. ಕೆಲವು ರೋಗಾಣುಗಳು ನಮ್ಮ ದೇಹದ ಮೇಲೆ ದೊಡ್ಡ ಪ್ರಮಾಣದಲ್ಲಿ ಪರಿಣಾಮ ಬೀರುವುದಿಲ್ಲ.

ಆರೋಗ್ಯಕರ ಜೀವನವನ್ನು ನಡೆಸುವುದರಿಂದ, ಯಾವುದೇ ರೋಗ ಮತ್ತು ರೋಗಾಣುಗಳು ನಮಗೆ ತಗುಲುವುದನ್ನು ತಡೆಯಬಹುದು. ದೇಹದಲ್ಲಿ ಏನಾದರೂ ಸಮಸ್ಯೆಯಾದರೆ ತಕ್ಷಣ ವೈದ್ಯರ ಬಳಿ ಹೋಗಿ ಪರಿಹಾರ ಪಡೆಯಬಹುದು.

ನೀವು ವೈದ್ಯರ ಬಳಿ ಹೋದಾಗ ನಿಮ್ಮನ್ನ ಪರೀಕ್ಷಿಸುವಾಗ ನಿಮ್ಮ ಬಾಯಿ ಮತ್ತು ನಾಲಿಗೆಯನ್ನೂ ಪರೀಕ್ಷಿಸುತ್ತಾರೆ. ಇದನ್ನು ಅನೇಕರು ಗಮನಿಸಿರುತ್ತೇವೆ. ನಿಮ್ಮ ನಾಲಿಗೆಯಿಂದ ನೀವು ಏನನ್ನು ಕಂಡುಹಿಡಿಯಬಹುದು ಎಂದು ನಿಮಗೂ ಅನಿಸಿರುತ್ತದೆ.

ವಾಸ್ತವವಾಗಿ, ನಿಮ್ಮ ನಾಲಿಗೆಯ ಬಣ್ಣದಿಂದ ನಿಮಗೆ ಅನಾರೋಗ್ಯ ಉಂಟಾಗಲು ಕಾರಣವೇನು ಎಂದು ವೈದ್ಯರು ಹೇಳಬಹುದು. ನಿಮ್ಮ ನಾಲಿಗೆಯ ಬಣ್ಣವು ನಿಮ್ಮ ಆರೋಗ್ಯದ ಬಗ್ಗೆ ಏನು ಹೇಳುತ್ತದೆ ಎಂಬುದನ್ನು ಕಂಡು ಹಿಡಿಯುವುದು ಹೇಗೆ ಎಂಬುದು ಇಲ್ಲಿದೆ.

ಬಿಳಿ ತೇಪೆಗಳು
ನಾಲಿಗೆಯಲ್ಲಿ ಬಿಳಿ ತೇಪೆಗಳನ್ನು ಗಮನಿಸಬಹುದು. ನಿಮ್ಮ ನಾಲಿಗೆಯಲ್ಲಿ ಈ ಸ್ಥಿತಿಗೆ ಯೀಸ್ಟ್ ಸೋಂಕು ಒಂದು ಕಾರಣವಾಗಿದೆ. ಇದನ್ನು ಲ್ಯುಕೋಪ್ಲಾಕಿಯಾ ಎಂದು ಕರೆಯಲಾಗುತ್ತದೆ. ಈ ರೀತಿಯ ಬಿಳಿ ತೇಪೆಗಳು ವಿಶೇಷವಾಗಿ ಚಿಕ್ಕ ಮಕ್ಕಳು, ವೃದ್ಧರು ಮತ್ತು ದುರ್ಬಲ ರೋಗನಿರೋಧಕ ಶಕ್ತಿ ಹೊಂದಿರುವ ಜನರಲ್ಲಿ ಸಾಮಾನ್ಯವಾಗಿದೆ. ಅಲ್ಲದೆ ತಂಬಾಕು ಉತ್ಪನ್ನಗಳನ್ನು ಸೇವಿಸುವವರಿಗೆ ಈ ಲಿಗೋಪ್ಲಾಕಿಯಾ ಕಾಯಿಲೆ ಬರುತ್ತದೆ. ಕೆಲವರಿಗೆ ಈ ಬಿಳಿ ತೇಪೆಗಳು ತಾನಾಗಿಯೇ ಮಾಯವಾಗುತ್ತವೆ. ಕೆಲವರಿಗೆ ಇದು ದೇಹಕ್ಕೆ ದೊಡ್ಡ ಹಾನಿಯನ್ನುಂಟು ಮಾಡುತ್ತದೆ ಎಂದು ವೈದ್ಯರು ಹೇಳುತ್ತಾರೆ.

ಕೆಂಪು ನಾಲಿಗೆ
ಕೆಲವೊಮ್ಮೆ ನಾವು ನಮ್ಮ ನಾಲಿಗೆ ತುಂಬಾ ಕೆಂಪಾಗುವುದನ್ನು ನೋಡಿದ್ದೇವೆ. ದೇಹದಲ್ಲಿ ವಿಟಮಿನ್ ಡಿ, ವಿಟಮಿನ್ ಬಿ12 ಮತ್ತು ಫೋಲಿಕ್ ಆಮ್ಲ ಕಡಿಮೆಯಾದರೆ ನಮ್ಮ ನಾಲಿಗೆ ಕೆಂಪು ಹಣ್ಣಿನಂತೆ ಆಗುತ್ತದೆ. ಮಕ್ಕಳಲ್ಲಿ ಸ್ಕಾರ್ಲೆಟ್ ಜ್ವರದಂತಹ ಯಾವುದಾದರೂ ಕಾರಣದಿಂದ ಇದು ಉಂಟಾಗಬಹುದು. ಕೆಲವರಿಗೆ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಹೋದಾಗ ಅಲ್ಲಿನ ವಾತಾವರಣದ ಬದಲಾವಣೆಯಿಂದ ನಾಲಿಗೆ ಕೆಂಪಗಾಗಬಹುದು. ವಿಟಮಿನ್ ಕೊರತೆಯನ್ನು ಸಣ್ಣ ರಕ್ತ ಪರೀಕ್ಷೆಯಿಂದ ಕಂಡುಹಿಡಿಯಬಹುದು.

ಊದಿಕೊಂಡ ನಾಲಿಗೆ
ನಿಮ್ಮ ನಾಲಿಗೆಯ ಮೇಲೆ ಸಣ್ಣ ಊತವಿದ್ದರೆ, ಅದು ಆಕಸ್ಮಿಕವಾಗಿ ನಿಮ್ಮ ನಾಲಿಗೆಯನ್ನು ಕಚ್ಚುವುದರಿಂದ ಆಗಿರಬಹುದು. ತಂಬಾಕು ಸೇವನೆಯ ಚಟ ಇರುವವರಿಗೆ ಈ ರೀತಿ ನಾಲಿಗೆಯಲ್ಲಿ ಹುಣ್ಣು ಮತ್ತು ಊತ ಉಂಟಾಗಬಹುದು. ಇದು ದೀರ್ಘಕಾಲದವರೆಗೆ ಮುಂದುವರಿದರೆ, ಬಾಯಿ ಕ್ಯಾನ್ಸರ್ ಅಥವಾ ಬಾಯಿ ಹುಣ್ಣು ಆಗುವ ಸಾಧ್ಯತೆ ಹೆಚ್ಚು.

ಕಪ್ಪು ಮತ್ತು ಕೂದಲಿರುವ ನಾಲಿಗೆ
ಕೆಲವರ ನಾಲಿಗೆಯಲ್ಲಿ ಕಪ್ಪು ಕಲೆಗಳಿರುತ್ತವೆ. ಈ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ. ಬ್ಯಾಕ್ಟೀರಿಯಾದ ಸೋಂಕಿನಿಂದ ಕೆಲವರಿಗೆ ಇದು ಉಂಟಾಗುತ್ತದೆ. ಮಧುಮೇಹ ಇರುವವರು, ಕೀಮೋಥೆರಪಿಗೆ ಒಳಗಾಗುವ ಮತ್ತು ಪ್ರತಿಜೀವಕಗಳನ್ನು ತೆಗೆದುಕೊಳ್ಳುವವರೂ ಸಹ ಕಪ್ಪು ನಾಲಿಗೆಯನ್ನು ಹೊಂದಿರಬಹುದು.