Tomatoes: ಅತಿಯಾಗಿ ಟೊಮಾಟೋ ಸೇವನೆ ಮಾಡ್ತೀರಾ? ಈ 4 ರೋಗಗಳು ನಿಮ್ಮನ್ನು ಬಾಧಿಸುಬಹುದು

ಅಡುಗೆ ಅಥವಾ ಸಲಾಡ್ ಆಗಿರಲಿ ಟೊಮಾಟೋಗಳನ್ನು ಎಲ್ಲೆಡೆ ಬಳಸಲಾಗುತ್ತದೆ. ಖಾದ್ಯಗಳ ರುಚಿಯನ್ನು ಹೆಚ್ಚಿಸುವ ಪ್ರಮುಖ ತರಕಾರಿಗಳಲ್ಲಿ ಟೊಮಾಟೋ ಸಹ ಒಂದಾಗಿದೆ. ಎಲ್ಲಾ ಋತುವಿನಲ್ಲಿಯೂ ಟೊಮಾಟೋ ಸಿಗುವ ತರಕಾರಿಯಾಗಿದೆ. (ಸಾಂದರ್ಭೀಕ ಚಿತ್ರ)

ಅಡುಗೆಯಲ್ಲಿ ಹಲವು ವಿಧಗಳಲ್ಲಿ ಟೊಮಾಟೋ ಬಳಕೆ ಮಾಡಲಾಗುತ್ತದೆ. ಟೊಮಾಟೋ ರುಚಿಯ ಜೊತೆ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಸಹ ಹೊಂದಿದೆ. ಅತಿಯಾದ ಟೊಮಾಟೋ ಸೇವನೆ ಹಾನಿಯನ್ನುಂಟು ಮಾಡಬಹುದು. (ಸಾಂದರ್ಭಿಕ ಚಿತ್ರ)

ಟೊಮಾಟೋ ಆಮ್ಲಿಯ ಗುಣ ಹೊಂದಿರುವ ಕಾರಣ ಕೆಲವು ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡುವ ಸಾಧ್ಯತೆಗಳಿವೆ. ಇದರ ಅತಿಯಾದ ಸೇವನೆ ಆಸಿಡ್ ರಿಫ್ಲಕ್ಸ್, ಜೀರ್ಣಕಾರಿ ಸಮಸ್ಯೆಗಳು, ಅಲರ್ಜಿಗಳು ಮತ್ತು ಇತರ ಹಲವು ಸಮಸ್ಯೆಗಳಿಗೆ ಕಾರಣವಾಗಬಹುದು. (ಸಾಂದರ್ಭಿಕ ಚಿತ್ರ)

ನೀವು ಆಸಿಡ್ ರಿಫ್ಲಕ್ಸ್ ಸಮಸ್ಯೆಯಿಂದ ಬಳಲುತ್ತಿದ್ರೆ, ಟೊಮ್ಯಾಟೊ ಆಸಿಡ್ ರಿಫ್ಲಕ್ಸ್ ಅನ್ನು ಉಲ್ಬಣಗೊಳಿಸಬಹುದು. ಟೊಮೆಟೊದಲ್ಲಿರುವ ಆಮ್ಲೀಯ ಅಂಶವು ಹೊಟ್ಟೆಯಲ್ಲಿ ಹೆಚ್ಚುವರಿ ಗ್ಯಾಸ್ಟ್ರಿಕ್ ಆಮ್ಲವನ್ನು ಬಿಡುಗಡೆ ಮಾಡುತ್ತದೆ. ಇದು ಚಡಪಡಿಕೆ ಮತ್ತು ಎದೆಯುರಿ ಉಂಟುಮಾಡುತ್ತದೆ. (ಸಾಂದರ್ಭಿಕ ಚಿತ್ರ)

ಊಟದ ಬಳಿಕ ನಿಮಗೆ ಹೊಟ್ಟೆ ಉಬ್ಬರಿಸಿದಂತೆ ಆಗುತ್ತಿದ್ರೆ ಟೊಮಾಟೋ ಸೇವನೆ ನಿಯಂತ್ರಿಸಿ. ಅತಿಯಾಗಿ ಟೊಮಾಟೋ ಸೇವನೆ ಕರುಳಿನ ಸಮಸ್ಯೆಗೂ ಕಾರಣ ಆಗಬಹುದು. ಜೀರ್ಣಕ್ರಿಯೆ ಸಮಸ್ಯೆ ಇರುವವರು ಟೊಮ್ಯಾಟೊ ಕಡಿಮೆ ತಿನ್ನಬೇಕು.(ಸಾಂದರ್ಭಿಕ ಚಿತ್ರ)

ಟೊಮೆಟೊದಲ್ಲಿರುವ ಹಿಸ್ಟಮೈನ್ ಎಂಬ ಸಂಯುಕ್ತವು ಅಲರ್ಜಿಯನ್ನು ಉಂಟುಮಾಡಬಹುದು. ಟೊಮೆಟೊವನ್ನು ಅತಿಯಾಗಿ ಸೇವಿಸುವುದರಿಂದ ಕೆಮ್ಮು, ಸೀನುವಿಕೆ, ಎಸ್ಜಿಮಾ, ಗಂಟಲಿನ ಕಿರಿಕಿರಿ, ಮುಖ, ಬಾಯಿ ಮತ್ತು ನಾಲಿಗೆಯ ಊತದಂತಹ ಸಮಸ್ಯೆಗಳು ಉಂಟಾಗಬಹುದು. ನಿಮಗೆ ಈಗಾಗಲೇ ಅಲರ್ಜಿ ಇದ್ದರೆ, ಟೊಮೆಟೊಗಳನ್ನು ತಿನ್ನಬೇಡಿ. (ಸಾಂದರ್ಭಿಕ ಚಿತ್ರ)

ಕ್ಯಾಲ್ಸಿಯಂ ಮತ್ತು ಆಕ್ಸಲೇಟ್‌ನಲ್ಲಿ ಸಮೃದ್ಧವಾಗಿರುವ ಟೊಮೆಟೋಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದರಿಂದ ಮೂತ್ರಪಿಂಡದ ಕಲ್ಲುಗಳು ಉಂಟಾಗಬಹುದು. ಇದು ಮೂತ್ರಪಿಂಡದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಮೂತ್ರಪಿಂಡದ ಕಲ್ಲುಗಳನ್ನು ತಡೆಗಟ್ಟಲು ಹೆಚ್ಚು ಟೊಮೆಟೊಗಳನ್ನು ಸೇವಿಸುವುದನ್ನು ತಪ್ಪಿಸಿ. (ಸಾಂದರ್ಭಿಕ ಚಿತ್ರ)

ಟೊಮೆಟೋದಲ್ಲಿರುವ ಹಿಸ್ಟಮೈನ್ ಮತ್ತು ಸೊಲನೈನ್ ನಂತಹ ಸಂಯುಕ್ತಗಳು ದೇಹದಲ್ಲಿ ಕ್ಯಾಲ್ಸಿಯಂ ಕೊರತೆಯನ್ನು ನಿರ್ಮಿಸುತ್ತವೆ, ಇದು ಸಾಮಾನ್ಯವಾಗಿ ಕೀಲುಗಳಲ್ಲಿ ಉರಿಯೂತಕ್ಕೆ ಕಾರಣವಾಗುತ್ತದೆ. ಸಂಧಿವಾತ ಸಮಸ್ಯೆಗೂ ಇದು ಕಾರಣವಾಗಬಹುದು. (ಸಾಂದರ್ಭಿಕ ಚಿತ್ರ)