Graham Bell Birthday: ಟೆಲಿಫೋನ್ ಕಂಡು ಹಿಡಿದ ವಿಜ್ಞಾನಿಗೆ ಕಿವಿಯೇ ಕೇಳುತ್ತಿರಲಿಲ್ಲ! ಆತನ ಬಗ್ಗೆ Interesting Facts ತಿಳ್ಕೊಳಿ

ಅಲೆಕ್ಸಾಂಡರ್ ಗ್ರಹಾಂ ಬೆಲ್ ಮಗನಾಗಿ ಸ್ಕಾಟ್ಲೆಂಡ್ನ ಎಡಿನ್ ಬರ್ಗ್ನಲ್ಲಿ ಮಾರ್ಚ್ 03, 1847ರಲ್ಲಿ ಮೆಲ್ವಿಲ್ಲೆ ಬೆಲ್ ಮತ್ತು ಎಲಿಜಾ ಗ್ರೇಸ್ ಸೈಮಂಡ್ ಬೆಲ್ ದಂಪತಿಗಳ ಜನಿಸಿದರು.

ಗ್ರಹಾಂ ಬೆಲ್ ತನ್ನ ಸ್ಕಾಟ್ಲೆಂಡ್ನ ರಾಯಲ್ ಹೈಸ್ಕೂಲ್ನಲ್ಲಿ ತನ್ನ ಶಿಕ್ಷಣವನ್ನು ಮುಗಿಸಿದ. ನಂತರ ತನ್ನ 16ನೇ ವಯಸ್ಸಿನಲ್ಲಿ ಸ್ಕಾಟ್ಲೆಂಡ್ನ ಮೋರೆಯ ಎಲ್ಜಿನ್ ನಲ್ಲಿರುವ ವೆಸ್ಟನ್ ಹೌಸ್ ಅಕಾಡಮಿಯಲ್ಲಿ ಗೋಚರ ಭಾಷಣ ಮತ್ತು ಸಂಗೀತ ವಿಷಯಗಳಗೆ ಓರ್ವ ವಿದ್ಯಾರ್ಥಿ ಶಿಕ್ಷಕನಾಗಿ ಕೆಲಸ ಮಾಡಿದರು.

ಅಲೆಕ್ಸಾಂಡರ್ ಗ್ರಹಾಂ ಬೆಲ್ ನ ತಾಯಿ ಮತ್ತು ಹೆಂಡತಿ ಇಬ್ಬರೂ ಕಿವುಡರಾಗಿದ್ದರು. ಇದು ಅಕೌಸ್ಟಿಕ್ಸ್ ನ ತತ್ವಗಳೊಂದಿಗೆ ಹಾಗೂ ತಂತಿಗಳ ಮೂಲಕ ಧ್ವನಿಯ ತರಂಗಗಳನ್ನು ರವಾನಿಸುವ ಪ್ರಯೋಗ ಆರಂಭಿಸಲು ಬೆಲ್ ಗೆ ಪ್ರಾಭಾವಿಸಿತು.

1876ರಲ್ಲಿ ಮೊದಲ ಬಾರಿಗೆ ಗ್ರಹಾಂ ಬೆಲ್ ದೂರವಾಣಿ ಕಂಡುಹಿಡಿದರು. ಗ್ರಹಾಂಬೆಲ್ 1876ರ ಮಾರ್ಚ್ 10ರಂದು ಬೆಲ್ ಪಕ್ಕದ ಕೋಣೆಯಲ್ಲಿದ್ದ ತನ್ನ ಸ್ನೇಹಿತ ಥೋಮಸ್ ವಾಟ್ಸನ್ ನೋಡನೆ ಮೊದಲ ಬಾರಿಗೆ ದೂರವಾಣಿ ಮೂಲಕ ಮಾತನಾಡುವ ಮೂಲಕ ದೂರವಾಣಿಯ ಆವಿಷ್ಕಾರವಾಯಿತು.

ಬೆಲ್ 1877ರಲ್ಲಿ ಟಿಲಿಫೋನ್ ಕಂಪನಿಯನ್ನು ಸ್ಥಾಪಿಸಿದರು. ಆದರೆ ಎಲಿಷಾ ಗ್ರೆ ಎನ್ನು ಮತ್ತೋರ್ವ ವಿಜ್ಞಾನಿ ದೂರವಾಣಿ ರೀತಿಯ ಇನ್ನೊಂದು ಸಾಧನವನ್ನು ಕಂಡುಹಿಡಿದನು. ಆಗ ಇವರಿಬ್ಬರೂ ಪೇಟೆಂಟ್ಗಾಗಿ ಅರ್ಜಿ ಸಲ್ಲಿಸಿದರು. ಆದರೆ ಕೊನೆಯದಾಗಿ ಬೆಲ್ಗೆ ಇದರ ಪೇಟೆಂಟ್ ದೊರಕಿತು. ನಂತರದ 18 ವರ್ಷಗಳಲ್ಲಿ ಪೇಟೆಂಟ್ ಬಗ್ಗೆಯೇ ಬೆಲ್ 587 ಕೋರ್ಟ್ ಕೇಸ್ಗಳನ್ನು ಎದುರಿಸಬೇಕಾಯಿತು. ಆದರೂ ಎಲ್ಲದರಲ್ಲಿಯೂ ಅವರೇ ಗೆದ್ದಿದ್ದಾರೆ.

ದೂರವಾಣಿ ಆವಿಷ್ಕಾರದ ನಂತರ ಬೆಲ್ 1890ರ ದಶಕದಲ್ಲಿ ತಮ್ಮ ಗಮನವನ್ನು ವಾಯುಯಾನ ಪ್ರಯೋಗಗಳತ್ತ ಹರಿಸಿದರು. ಅದರ ಫಲವಾಗಿ 1898ರಲ್ಲಿ 4 ರೆಕ್ಕೆಗಳುಳ್ಳ ರೇಷ್ಮೆಯಿಂದ ಸುತ್ತುವರೆದ ಬಹು ಸಂಯುಕ್ತದ ಹಾರುವ ಯಂತ್ರವನ್ನು ಸಿದ್ಧಪಡಿಸಿದರು. ಈ 4 ರೆಕ್ಕೆಗಳಿಗೆ ಸಿಗ್ನೆಟ್ I, II ಮತ್ತು III ಎಂದು ಹೆಸರಿಸಿದರು.

ಬೆಲ್ ಹಾಗೂ ಆತನ ಸ್ನೇಹಿತ ಫ್ರೆಡೆರಿಕ್ 1908ರಲ್ಲಿ ಹೈಡ್ರೋಫಾಯಿಲ್ ಪ್ರಯೋಗ ಪರೀಕ್ಷೆಯನ್ನು ಆರಂಭಿಸಿದರು. ಅದರಂತೆ 1919ರ ಸೆಪ್ಟೆಂಬರ್ 9 ರಂದು, ಗಂಟೆಗೆ 70.86 ಮೈಲಿಗಳಷ್ಟು ವೇಗದಲ್ಲಿ ಸಾಗರದಲ್ಲಿ ಕ್ರಮಿಸುವ ಹೈಡ್ರೋಫಾಯಿಲ್ ಸಿದ್ಧಗೊಂಡಿತು. ಸಾಗರದಲ್ಲಿ ಇಷ್ಟು ವೇಗವಾಗಿ ಸಂಚರಿಸುವ ಈ ದಾಖಲೆಯು ಹತ್ತುವರ್ಷಗಳವರೆಗೆ ಅಚಲವಾಗಿತ್ತು.

ಆಗಸ್ಟ್ 2, 1922 ರಂದು ಗ್ರಹಾಂಬೆಲ್ ಕೆನಡಾದ ನೋವಾ ಸ್ಕಾಟಿಯಾದಲ್ಲಿ ನಿಧನರಾದರು. ಬೆಲ್ ಅವರನ್ನು ಸಮಾಧಿಗೆ ಇಳಿಸಿದಾಗ, ಯುಎಸ್ ಮತ್ತು ಕೆನಡಾದಲ್ಲಿ ಎಲ್ಲಾ ದೂರವಾಣಿ ಸೇವೆಗಳನ್ನು ಒಂದು ನಿಮಿಷಗಳ ಕಾಲ ಸ್ಥಗಿತಗೊಳಿಸುವ ಮೂಲಕ ಬೆಲ್ಗೆ ಗೌರವ ಸೂಚಿಸಲಾಗಿತ್ತು.