Healthy Lifestyle: ಬೇಸಿಗೆಯಲ್ಲಿ ಮಾತ್ರ ಸಿಗುವ ಈ ಹಣ್ಣು, ನಿಮಗೆ ಎಷ್ಟೆಲ್ಲಾ ಆರೋಗ್ಯ ಪ್ರಯೋಜನ ನೀಡುತ್ತೆ ಗೊತ್ತಾ?

ತಾಟಿನಿಂಗು ಬೇಸಿಗೆಯಲ್ಲಿ ಸಿಗುವ ಫೇಮಸ್ ಹಣ್ಣಾಗಿದೆ. ಇದು ತಿನ್ನಲು ತುಂಬಾ ಸಿಹಿಯಾಗಿರುತ್ತದೆ ಉತ್ಕರ್ಷಣ ನಿರೋಧಕಗಳು, ವಿಟಮಿನ್ಗಳು, ಫೈಬರ್ ಮತ್ತು ಖನಿಜಗಳಿಂದ ಕೂಡಿದೆ. ಬೇಸಿಗೆಯಲ್ಲೂ ಕೂಡ ಈ ಹಣ್ಣು ಕೆಲವು ದಿನಗಳು ಮಾತ್ರ ಮಾರುಕಟ್ಟೆಯಲ್ಲಿ ಸಿಗುತ್ತದೆ. ತಜ್ಞರ ಪ್ರಕಾರ ತಾಟಿನಿಂಗು ಮತ್ತು ತಾಳೆ ಎಣ್ಣೆಯ ಗುಣಮಟ್ಟವು ಬಹುತೇಕ ಒಂದೇ ರೀತಿ ಇರುತ್ತದೆ.

ತೀವ್ರವಾದ ಶಾಖದಲ್ಲಿ ದೇಹವನ್ನು ತಂಪಾಗಿರಿಸಲು ತಾಟಿನಿಂಗು ಹೆಚ್ಚು ಸಹಾಯಕವಾಗಿದೆ. ಚಿಪ್ಪಿನೊಳಗೆ ಇರುವ ತಾಟಿನಿಂಗು ಮತ್ತು ಅದರೊಳಗಿರುವ ರುಚಿಕರವಾದ ನೀರು ಬಾಯಾರಿಕೆಯನ್ನು ನೀಗಿಸುತ್ತದೆ ಮತ್ತು ದೇಹಕ್ಕೆ ವಿಶ್ರಾಂತಿಯ ಭಾವನೆಯನ್ನು ಒದಗಿಸುತ್ತದೆ.

ಅಲ್ಲದೇ ಈ ಬೇಸಿಗೆಯಲ್ಲಿ ಅತಿಯಾದ ಉಷ್ಣತೆಯಿಂದ ಕೂದಲು ಉದುರುವಿಕೆ ಮತ್ತು ಒಣ ಚರ್ಮವನ್ನು ಕಡಿಮೆ ಮಾಡಲು ತಾಟಿ ನಿಂಗು ಸಹಾಯಕವಾಗಿದೆ. ಅತಿಯಾದ ಬೆವರುವಿಕೆಯಿಂದ ದೇಹದಿಂದ ಹೊರಹೋದ ನೀರನ್ನು ಪುನಃ ತುಂಬಿಸಲು ತಾಟಿನಿಂಗು ಸಹಾಯ ಮಾಡುತ್ತದೆ. ಅಲ್ಲದೇ ಇದರಲ್ಲಿ ಕಡಿಮೆ ಕ್ಯಾಲೋರಿಗಳಿರುವುದರಿಂದ ತೂಕ ನಷ್ಟಕ್ಕೆ ಸಹ ಪ್ರಮುಖ ಪಾತ್ರ ವಹಿಸುತ್ತದೆ. ತಾಟಿನಿಂಗು ಆಂಟಿ-ಆಕ್ಸಿಡೆಂಟ್ಗಳಲ್ಲಿ ಸಮೃದ್ಧವಾಗಿದೆ. ಇದು ನಮ್ಮ ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

ಇದಲ್ಲದೇ ಯಕೃತ್ತಿನ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಜೊತೆಗೆ ಆಂಟಿಆಕ್ಸಿಡೆಂಟ್ಗಳು ಕ್ಯಾನ್ಸರ್ನಂತಹ ಕಾಯಿಲೆಗಳನ್ನು ತಡೆಯಲು ಸಹ ಸಹಾಯ ಮಾಡುತ್ತದೆ. ತಾಟಿ ನಿಂಗಿನಲ್ಲಿ ಕ್ಯಾಲ್ಸಿಯಂ ಇರುವುದರಿಂದ ಇದು ಕೊಳೆತವನ್ನು ತಡೆಗಟ್ಟಲು ಮತ್ತು ನಮ್ಮ ಹಲ್ಲು ಮತ್ತು ಮೂಳೆಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ತಾಟಿ ನಿಂಗು ನಮ್ಮ ಹಲ್ಲುಗಳ ದಂತಕವಚವನ್ನು ಆರೋಗ್ಯಕರವಾಗಿರಿಸುತ್ತದೆ.

ದೇಹದ ಎಲುಬುಗಳನ್ನು ಬಲಪಡಿಸುವಲ್ಲಿ ತಾಟಿ ನಿಂಗು ತುಂಬಾ ಉಪಯುಕ್ತವಾಗಿದೆ. ಪೊಟ್ಯಾಸಿಯಮ್, ಕ್ಯಾಲ್ಸಿಯಂ, ಕಬ್ಬಿಣ, ಸಲ್ಫರ್, ಮ್ಯಾಂಗನೀಸ್, ತಾಮ್ರ ಮತ್ತು ಮೆಗ್ನೀಸಿಯಮ್ನಂತಹ ಪ್ರಯೋಜನಕಾರಿ ಅಂಶಗಳನ್ನು ತಾಟಿನಿಂಗು ಒಳಗೊಂಡಿದೆ. ಇದು ನಮ್ಮ ದೃಷ್ಟಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ವಿಶೇಷ ರೀತಿಯ ಕಾಯಿಲೆಯಾದ 'ನೈಟ್ ವಿಶನ್ ಡಿಸೀಸ್' ಜೊತೆಗೆ ಇತರ ಕಾಯಿಲೆಗಳಿಂದ ಕಣ್ಣುಗಳನ್ನು ರಕ್ಷಿಸಲು ತಾಟಿ ನಿಂಗು ತುಂಬಾ ಉಪಯುಕ್ತವಾಗಿದೆ. ಇಷ್ಟೇ ಅಲ್ಲದೇ ನಮ್ಮ ದೇಹದಲ್ಲಿನ ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.

ಇದನ್ನು ಸೇವಿಸುವುದರಿಂದ ನಮ್ಮ ದೇಹದಲ್ಲಿ ನೈಟ್ರೇಟ್ ಪ್ರಮಾಣ ಹೆಚ್ಚುತ್ತದೆ ಮತ್ತು ಆ ಮೂಲಕ ನೈಸರ್ಗಿಕವಾಗಿ ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ. ಅಲ್ಲದೇ, ಇದರಲ್ಲಿರುವ ಪೊಟ್ಯಾಸಿಯಮ್ ನಮ್ಮ ಪ್ಲಾಸ್ಮಾ ಮತ್ತು ಜೀವಕೋಶಗಳಿಗೆ ಬಹಳ ಮುಖ್ಯವಾದ ಅಂಶವಾಗಿದೆ. ಇದಲ್ಲದೇ, ನಮ್ಮ ದೇಹದಲ್ಲಿನ ಹೃದಯ ಬಡಿತವನ್ನು ನಿಯಂತ್ರಿಸಲು ತಾಟಿನಿಂಗು ಸಹಾಯ ಮಾಡುತ್ತದೆ. ದೇಹದಲ್ಲಿನ ರಕ್ತಹೀನತೆಯನ್ನು ಕಡಿಮೆ ಮಾಡಲು ನೀವು ಇದನ್ನು ಸಹ ತಿನ್ನಬಹುದು.