Weight Loss Tips: ಒಂದೇ ತಿಂಗಳಲ್ಲಿ ತೂಕ ಇಳಿಸಲು ಹೀಗೆ ಮಾಡಿ

ತೂಕ ಇಳಿಸಲು ಉತ್ತಮವಾದ ಆ್ಯಂಟಿ ಆಕ್ಸಿಡೆಂಟ್ಗಳು ಅಗತ್ಯ. ಅದು ಆಹಾರದ ಮೂಲಕ ಲಭಿಸುತ್ತದೆ. ಸಕ್ಕರೆ ಇಲ್ಲದ ಆಹಾರವನ್ನು ತಿನ್ನುವುದು ಕೊಬ್ಬನ್ನು ಕರಗಿಸಲು ಒಳ್ಳೆಯದು.

ನೀವು ತೂಕ ಇಳಿಸಿಕೊಳ್ಳಲು ಬಯಸಿದಾಗ ಮೊದಲು ನಿಮ್ಮ ಜೀವನಶೈಲಿಯಲ್ಲಿ ಕೆಲವು ಹೊಂದಾಣಿಕೆಗಳನ್ನು ಮಾಡಬೇಕಾಗುತ್ತದೆ. ತಿನ್ನುವಾಗ ನಿಯಂತ್ರಣ ಬಹಳ ಅಗತ್ಯ. ಆಹಾರದಲ್ಲಿ ಯಾವ ಪದಾರ್ಥಗಳನ್ನು ಸೇರಿಸಬೇಕು ಮತ್ತು ಯಾವುದನ್ನು ಹೊರಗಿಡಬೇಕು ಎಂಬುದನ್ನು ತಿಳಿದುಕೊಳ್ಳುವುದು ಮುಖ್ಯ.

ಸ್ಥೂಲಕಾಯತೆ, ತೂಕ ಹೆಚ್ಚಾಗುವುದು ಮತ್ತು ದೇಹದ ಕೊಬ್ಬಿನ ಶೇಖರಣೆಯಂತಹ ಆಕ್ಸಿಡೇಟಿವ್ ಹಾನಿಯನ್ನು ತಡೆಯಲು ಕ್ರಮ ತೆಗೆದುಕೊಳ್ಳಬೇಕು. ಆಹಾರಗಳನ್ನು ಸೇವನೆ ಮಾಡುವಾಗ ಎಚ್ಚರದಿಂದಿರಬೇಕು.

ಬೆಳಗ್ಗೆ ತಿಂಡಿಯಲ್ಲಿ ಹೆಚ್ಚು ಪ್ರೋಟೀನ್​ ಸೇವನೆ ಮಾಡಿ. ಅದು ನಿಮಗೆ ಬೇಗ ಹಸಿವಾಗುವುದನ್ನ ತಡೆಯುತ್ತದೆ. ಇದರಿಂದ ಜಂಕ್​ ಆಹಾರಗಳನ್ನು ತಿನ್ನುವುದನ್ನ ತಪ್ಪಿಸುತ್ತದೆ.

ಹಾಗೆಯೇ ತಿಂಡಿಯ ಸಮಯದಲ್ಲಿ ಸಾಧ್ಯವಾದರೇ ಸಲಾಡ್​ಗಳನ್ನು ಅಥವಾ ಓಟ್ಸ್​ಗಳನ್ನು ತಿನ್ನಿ. ಇದು ತೂಕ ಇಳಿಸಲು ಸಹಾಯ ಮಾಡುತ್ತದೆ.

ಕುಳಿತ ಜಾಗದಲ್ಲೇ ಕುಳಿತಿರಬಾರದು. ಸ್ವಲ್ಪ ಅತ್ತಿಂದಿತ್ತ ಓಡಾಡಬೇಕು. ಕಾಲು ಕೈಗೆ ಸ್ವಲ್ಪ ವ್ಯಾಯಾಮ ಮಾಡಿಸಿ. ಆಕ್ಟೀವ್​ ಆಗಿರುವುದು ಹೆಚ್ಚು ಪ್ರಯೋಜನಕಾರಿ.

ಬೆಳಗ್ಗೆ ಎದ್ದ ತಕ್ಷಣ ಒಂದು ಲೋಟ ಬಿಸಿ ನೀರಿಗೆ ನಿಂಬೆ ಹನಿ ಹಾಕಿ ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ. ಇದು ನಿಮ್ಮ ಬೊಜ್ಜು ಕರಗಿಸಲು ಸಹಾಯ ಮಾಡುತ್ತದೆ.

ರಾತ್ರಿ ಮಲಗುವ ಮುನ್ನ ಸ್ವಲ್ಪ ವಾಕಿಂಗ್ ಮಾಡಿ, ಹಾಗೆಯೇ ಬೇಗ ಊಟ ಮಾಡಿ, ಮಲಗುವ  2 ಗಂಟೆ ಮೊದಲಾದರೂ ಊಟ ಮಾಡುವುದು ಉತ್ತಮ.