Cockroaches: ಬೇಸಿಗೆಯಲ್ಲಿ ಜಿರಳೆ ಕಾಟ ಹೆಚ್ಚಾಗಿದ್ಯಾ? ಈ ಹೋಂ ಟಿಪ್ಸ್ ಟ್ರೈ ಮಾಡಿ

ಯಾವುದಕ್ಕೂ ಹೆದರದ ಕೆಲವರು ಜಿರಳೆಗೆ ಭಯ ಪಡುತ್ತಾರೆ. ಅದರಲ್ಲಿಯೂ ಜಿರಳೆ ಅಂದ್ರೆ ಸಾಕು ಹೆಣ್ಮಕ್ಕಳಂತೂ ಎದ್ದು, ಬಿದ್ದು ಓಡಿ ಹೋಗ್ತಾರೆ. ಮೈ ಮೇಲೆ ಜಿರಣೆ ಹರಿಯುತ್ತಿದ್ದಂತೆಯೇ ಅದನ್ನು ಸಾಯಿಸಲು ಪೊರಕೆಯೊ, ಕಡ್ಡಿಯೊ ಎತ್ತಿಕೊಳ್ಳುತ್ತಾರೆ.

ಆಹಾರ ಪದಾರ್ಥಗಳನ್ನು ಮಾತ್ರವಲ್ಲ, ಮನುಷ್ಯರ ಆರೋಗ್ಯವನ್ನು ಹಾಳು ಮಾಡುವ ಈ ಜಿರಳೆಗಳ ಅಸ್ತಿತ್ವವು ಇತಿಹಾಸಪೂರ್ವ ಯುಗಕ್ಕೆ ಸೇರಿದ್ದು. ಸುಮಾರು 70 ದಶಲಕ್ಷ ವರ್ಷಗಳ ಹಿಂದೆ ಜಿರಳೆಗಳು ಪರಮಾಣು ಸ್ಫೋಟದಿಂದ ಬದುಕುಳಿದ ಏಕೈಕ ಜೀವಿಗಳು ಎಂದು ನಂಬಲಾಗಿದೆ.

ಇನ್ನೂ ಬೇಸಿಗೆ ಕಾಲ ಬಂತು ಅಂದ್ರೆ ಸಾಕು ಜಿರಳೆಗಳ ಕಾಟ ಶುರು ಅಂತನೇ ಅರ್ಥ. ಮಳೆಗಾಲ, ಚಳಿಗಾಲದಲ್ಲಿ ಅವಿತುಕೊಂಡಿದ್ದ ಜಿರಳೆಗಳು ಬೇಸಿಗೆಯಲ್ಲಿ ಶಾಖ ತಡೆದುಕೊಳ್ಳಲಾಗದೇ ತನ್ನ ಗೂಡಿನಿಂದ ಹೊರಗೆ ಕಾಲಿಡುತ್ತೆ. ಅದರಲ್ಲಿಯೂ ಜಿರಳೆಗಳು ಮನೆಯ ಅನೇಕ ಸ್ಥಳಗಳಲ್ಲಿ ಮತ್ತು ಮೂಲೆ, ಮೂಲೆಗಳಲ್ಲಿ ಕಂಡುಬರುತ್ತವೆ.

ಇನ್ನೂ ಈ ಜಿರಳೆಗಳನ್ನು ಮನೆಯಿಂದ ತೊಡೆದು ಹಾಕಲು ಅದೆಷ್ಟೋ ಮಂದಿ ಹರಸಹಾಸವನ್ನೇ ಮಾಡುತ್ತಾರೆ. ಹೀಗಿದ್ದರೂ ಜಿರಳೆ ಕಾಟ ಮಾತ್ರ ಅವರಿಗೆ ತಪ್ಪುವುದಿಲ್ಲ. ಅಡ್ಡಾದಿಡ್ಡಿ ಮನೆಯ ತುಂಬಾ ಓಡಾಡುತ್ತದೆ. ಅಷ್ಟೇ ಅಲ್ಲದೇ ತಿನ್ನುವ ಪದಾರ್ಥಗಳ ಮೇಲೂ ಹರಿದಾಡುತ್ತದೆ. ಇದರಿಂದ ಅನೇಕ ಸಾಮಖ್ರಾಮಿಕ ರೋಗಗಳು ಹರಡುತ್ತದೆ. ಆದರೆ ಈ ಕೆಲವು ಮನೆಮದ್ದುಗಳ ಟ್ರೈ ಮಾಡಿದ್ರೆ ಜಿರಳೆಗಳನ್ನು ತೊಡೆದುಹಾಕಬಹುದು. ಅವು ಯಾವುದು ಅಂತೀರಾ ಹಾಗಾದ್ರೆ ಈ ಸ್ಟೋರಿ ಓದಿ.

ಕಾಫಿ ಪೌಡರ್ರನ್ನು ಮನೆ ಸಂಧಿಗಳಲ್ಲಿ , ಮೂಲೆಗಳಲ್ಲಿ ಸಿಂಪಡಿಸಿ. ಬೆಳಗ್ಗೆ ಮನೆ ಸ್ವಚ್ಛಮಾಡಿ. ಹೀಗೆ ಮೂರು ನಾಲ್ಕು ದಿನ ಮಾಡಿದರೆ ಜಿರಳೆಗಳು ಬರುವುದಿಲ್ಲ. ಸಕ್ಕರೆ, ಮೈದಾ, ಬೋರಿಕ್ ಪೌಡರ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಚಿಕ್ಕ ಉಂಡೆಗಳನ್ನು ಮಾಡಿ ಮನೆಯ ಮೂಲೆಗಳಲ್ಲಿ ಜಿರಳೆ ಹೆಚ್ಚಿರುವ ಜಾಗದಲ್ಲಿ ಇಟ್ಟರೆ ಜಿರಳೆಗಳು ಬರುವುದಿಲ್ಲ.

ಬಿರಿಯಾನಿ ಎಲೆಗಳನ್ನು ಚೆನ್ನಾಗಿ ಪುಡಿ ಮಾಡಿ ಜಿರಳೆ ಹೆಚ್ಚಿರುವ ಜಾಗದಲ್ಲಿ ಹಾಗೂ ಮನೆಯ ಎಲ್ಲಾ ಕಡೆ ಹಾಕುವುದರಿಂದ ಇದರ ವಾಸನೆಗೆ ಜಿರಳೆಗಳು ಬರುವುದಿಲ್ಲ.

ಸೌತೆಕಾಯಿಯನ್ನು ಸಿಪ್ಪೆ ಸಮೇತ ದುಂಡಗೆ ಕತ್ತರಿಸಿ ಮನೆಯ ಮೂಲೆಗಳಲ್ಲಿ ಇಡಿ. ಇದನ್ನು ವಾರಕ್ಕೊಮ್ಮೆ ಬದಲಾಯಿಸುತ್ತಿದ್ದರೆ ಜಿರಳೆಗಳ ಕಾಟ ತಪ್ಪುತ್ತದೆ.

ಬೆಳ್ಳುಳ್ಳಿ ಅಥವಾ ಈರುಳ್ಳಿ ರಸವನ್ನು ಒಂದು ಲೋಟ ನೀರಿಗೆ ಹಾಕಿ ಮಿಕ್ಸ್ ಮಾಡಿ ಸ್ಪ್ರೇ ಬಾಟಲಿಗೆ ಹಾಕಿ ಮನೆಯ ಎಲ್ಲಾ ಕಡೆ ಸ್ಪ್ರೇ ಮಾಡಿದರೆ ಜಿರಳೆಗಳು ಮನೆಯಿಂದ ಆಚೆ ಹೋಗುತ್ತವೆ.