Winter Wedding: ಡಿಸೆಂಬರ್ ಚಳಿಯಲ್ಲಿ ಮದುವೆಯಾಗೋ ಪ್ಲಾನ್ ಇದ್ಯಾ? ಈ ಸ್ಥಳಗಳು ಇದಕ್ಕೆ ಹೇಳಿ ಮಾಡಿಸಿದಂತಿದೆ ನೋಡಿ

ಕೇರಳ : ದೇವರ ನಾಡು ಕೇರಳ ಎಲ್ಲ ಪ್ರವಾಸಿಗರ ನೆಚ್ಚಿನ ಸ್ಥಳವಾಗಿದೆ. ಇಲ್ಲಿಯ ಪ್ರಕೃತಿ ಸೌಂದರ್ಯ ಅನೇಕ ಪ್ರವಾಸಿಗರು ಮಾರು ಹೋಗುತ್ತಾರೆ. ಮುನ್ನಾರ್‌ನಲ್ಲಿನ ಚಹಾ ತೋಟಗಳು, ವರ್ಕಲಾ ಮತ್ತು ಕೋವಲಂನಲ್ಲಿನ ಬೀಚ್, ಅಲೆಪ್ಪಿಯಲ್ಲಿರುವ ರೋಮ್ಯಾಂಟಿಕ್ ಹಿನ್ನೀರು ಪ್ರೇಮಿಗಳನ್ನು ಮತ್ತಷ್ಟು ಹತ್ತಿರ ಸೆಳೆಯುತ್ತದೆ.

ಖಜುರಹೋ, ಮಧ್ಯಪ್ರದೇಶ - ವಿವಾಹವಾಗುವ ಪ್ರೇಮಿಗಳಿಗೆ ಖಜುರಹೋ ಸ್ಥಳ ಕೂಡ ಒಂದು. ಮಧ್ಯಪ್ರದೇಶದ ಬುಂದೇಲ್‌ಖಂಡ್ ಪ್ರದೇಶದ ಖಜುರಾಹೊ ಭಾರತದ ವಸ್ತು ಶಿಲ್ಪತೆಗೆ ಹೆಸರುವಾಸಿಯಾಗಿದೆ. ಮಧ್ಯಕಾಲೀನ ಹಿಂದೂ ದೇವಾಲಯಗಳ ಅತಿ ದೊಡ್ಡ ಗುಂಪು. ಇದು ಇಲ್ಲಿನ ಶೃಂಗಾರಮಯ ಶಿಲ್ಪಕಲೆಗಳಿಗೆ ಹೆಸರುವಾಸಿಯಾಗಿದೆ.

ಋಷಿಕೇಶ, ಉತ್ತರಾಖಂಡ : ಪವಿತ್ರ ಗಂಗಾ ನದಿಯೊಂದಿಗೆ ನಿಮ್ಮ ಪ್ರೇಮಿ ಜೊತೆ ಪ್ರತಿಜ್ಞೆಗಳನ್ನು ವಿನಿಮಯ ಮಾಡಿಕೊಳ್ಳುವುದಕ್ಕಿಂತ ಹೆಚ್ಚಿನ ಆಧ್ಯಾತ್ಮಿಕ ಬೇರೊಂದಿಲ್ಲ. ಸಂಪ್ರದಾಯದ ರೀತಿಯಲ್ಲಿ ಮದುವೆಯಾಗಲು ಋಷಿಕೇಶ ಒಳ್ಳೆಯ ಜಾಗ ಎಂದರೆ ತಪ್ಪಾಗಲಾರದು.

ಶಿಮ್ಲಾ, ಹಿಮಾಚಲ ಪ್ರದೇಶ- ಹಿಮದಿಂದ ಆವೃತವಾದ ಪರ್ವತ ಶ್ರೇಣಿಗಳು ಮತ್ತು ರಮಣೀಯ ಭೂದೃಶ್ಯಗಳೊಂದಿಗೆ, ಶಿಮ್ಲಾ ಭಾರತದಲ್ಲಿ ಜನಪ್ರಿಯ ಚಳಿಗಾಲದ ತಾಣವಾಗಿದೆ. ಸುಂದರವಾದ ಪರ್ವತ ಶ್ರೇಣಿಗಳು ಬೇರೆಯೇ ಅನುಭವ ನೀಡುತ್ತದೆ.

ಗೋವಾ : ಗೋವಾ ಪ್ರವಿಸಿಗರ ನೆಚ್ಚಿನ ತಾಣಗಳಲ್ಲಿ ಒಂದು. ಅನೇಕರು ಗೋವಾಗೆ ಭೇಟಿ ನೀಡುತ್ತಾರೆ. ಸಮುದ್ರ ಕಿನಾರೆ ಬಳಿ ಎಂಜಾಯ್​ ಮಾಡುತ್ತಾರೆ. ಅದರಲ್ಲೂ ವಿವಾಹವಾಗಲು ಮುಂದಾಗುವ ಪ್ರೇಮಿಗಳಿಗೆ ಗೋವಾ ಪ್ರವಾಸಿ ತಾಣ ಬೆಸ್ಟ್.

ಜೋಧಪುರ್, ರಾಜಸ್ಥಾನ : ವಿವಾಹವಾಗಲು ಸೂಕ್ತವಾದ ಸ್ಥಳಗಳಲ್ಲಿ ರಾಜಸ್ಥಾನದ ಜೋಧಪುರ್ ಒಂದು. ಉಮೈದ್ ಭವನ, ರಣಬಂಕಾ ಎಂಬ ಐಷಾರಾಮಿ ಹೋಟೆಲ್‌ ಗಳಿದ್ದು, ಅಲ್ಲಿನ ವಾತಾವರಣದ ಜತೆಗೆ ರುಚಿಕರವಾದ ರಾಜಸ್ಥಾನಿ ಪಾಕಪದ್ಧತಿಯೊಂದಿಗೆ ರಾಜಮನೆತನದ ರೀತಿಯಲ್ಲಿ ವಿವಾಹವಾಗಬಹುದು.