Skin Care: ಬೇಸಿಗೆಯಲ್ಲಿ ನೀವು ಮಾಡೋ ಈ ತಪ್ಪುಗಳೇ ಮುಖದ ಮೇಲಿನ ಮೊಡವೆಗಳಿಗೆ ಕಾರಣ!

ಬೇಸಿಗೆಯು ನಿಮ್ಮ ಚರ್ಮದ ಮೇಲೆ ಹಾನಿಯನ್ನುಂಟುಮಾಡುತ್ತದೆ. ತೀವ್ರವಾದ ಸೂರ್ಯನ ಬೆಳಕು ಮತ್ತು ತೇವಾಂಶವು ಅನೇಕ ಚರ್ಮದ ಸಮಸ್ಯೆಗಳನ್ನು ಉಂಟುಮಾಡಬಹುದು.
ಅದರಲ್ಲಿಯೂ ನಾವು ಮಾಡುವ ಕೆಲವು ತಪ್ಪುಗಳು ಮೊಡವೆಗಳ ಸಮಸ್ಯೆಗೆ ಕಾರಣವಾಗಬಹುದು.

ರಂಧ್ರಗಳನ್ನು ನಿರ್ಬಂಧಿಸುತ್ತೆ: ಬೇಸಿಗೆ ವೇಳೆ ನಾವು ಹೊರಗೆ ಹೋದಾಗ ಬೆವರು ಮತ್ತು ಧೂಳು ಮುಖಕ್ಕೆ ಹೆಚ್ಚಾಗಿ ಅಂಟಿಕೊಳ್ಳುತ್ತದೆ. ಇದು ರಂಧ್ರಗಳನ್ನು ನಿರ್ಬಂಧಿಸುತ್ತದೆ. ಚರ್ಮದ ಒಳಗೆ ಹೆಚ್ಚು ಎಣ್ಣೆ ಇರುತ್ತದೆ. ಇದು ಮೊಡವೆಗಳಿಗೆ ಕಾರಣವಾಗುತ್ತದೆ.

ಬೆವರು ಒರೆಸಿಕೊಳ್ಳದೇ ಇರುವುದು: ಬೇಸಿಗೆಯಲ್ಲಿ ಹೊರಗೆ ಹೋದಾಗ, ಮುಖದ ಮೇಲೆ ಬೆವರು ಉಳಿಯುತ್ತದೆ. ಬೆವರು ಮುಖದ ಮೇಲೆ ದೀರ್ಘಕಾಲ ಇದ್ದರೆ, ಅದು ಅನೇಕ ಚರ್ಮದ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಎಣ್ಣೆಯುಕ್ತ ಚರ್ಮ ಹೊಂದಿರುವ ಜನರು ವಿಶೇಷವಾಗಿ ಮೊಡವೆಗಳಿಗೆ ಗುರಿಯಾಗುತ್ತಾರೆ.

ಆಗಾಗ್ಗೆ ಮುಖ ತೊಳೆಯುವುದು : ಬೇಸಿಗೆಯಲ್ಲಿ ಅತಿಯಾದ ಶಾಖ ಅಥವಾ ಬೆವರಿನಿಂದಾಗಿ ಜನರು ಆಗಾಗ್ಗೆ ತಮ್ಮ ಮುಖವನ್ನು ತೊಳೆಯುತ್ತಾರೆ. ಆದರೆ ಈ ರೀತಿ ಮಾಡುವುದರಿಂದ ತ್ವಚೆಯಲ್ಲಿ ಮೊಡವೆಗಳ ಸಮಸ್ಯೆ ಉಂಟಾಗುತ್ತದೆ. ಮುಖ ತೊಳೆಯುವುದರಿಂದ ಚರ್ಮದಲ್ಲಿ ಹೆಚ್ಚು ಶುಷ್ಕತೆ ಉಂಟಾಗುತ್ತದೆ. ಇದು ಚರ್ಮದ ಕಿರಿಕಿರಿಯನ್ನು ಉಂಟುಮಾಡುತ್ತದೆ ಮತ್ತು ಮೊಡವೆಗಳು ಕಾಣಿಸಿಕೊಳ್ಳಲಾರಂಭಿಸುತ್ತವೆ.

ಸೂರ್ಯನಿಗೆ ಒಡ್ಡಿಕೊಳ್ಳುವುದು: ದೀರ್ಘಕಾಲದವರೆಗೆ ಸೂರ್ಯನಿಗೆ ಒಡ್ಡಿಕೊಳ್ಳುವುದರಿಂದ ಮೊಡವೆಗಳು ಉಂಟಾಗಬಹುದು. ಏಕೆಂದರೆ ಬೆವರಿನ ನಂತರ ಕೊಳೆಯೂ ಅಂಟಿಕೊಳ್ಳುತ್ತದೆ ಮತ್ತು ಚರ್ಮವು ಈ ಕೊಳೆಯನ್ನು ಸುಲಭವಾಗಿ ಹೀರಿಕೊಳ್ಳುತ್ತದೆ. ಇದು ಮೊಡವೆಗಳನ್ನು ಉಂಟುಮಾಡುತ್ತದೆ.

ಮುಖವನ್ನು ಸ್ವಚ್ಛವಾಗಿಡಲು ಸ್ಕ್ರಬ್ಬಿಂಗ್ ಮಾಡಬೇಕು. ಆದರೆ ಆಗಾಗ್ಗೆ ಫೇಸ್ ವಾಶ್ ಮೂಲಕ ನಿಮ್ಮ ಮುಖವನ್ನು ಸ್ವಚ್ಛಗೊಳಿಸುವುದನ್ನು ನಿಲ್ಲಿಸಿ. ಮುಲ್ತಾನಿ ಮಿಟಿಯನ್ನು ಬಳಸಿ ಚರ್ಮವನ್ನು ಸ್ವಚ್ಛಗೊಳಿಸಿದರೆ ಉತ್ತಮವಾಗಿರುತ್ತದೆ. ಬೇಸಿಗೆಯಲ್ಲಿ ಬೆವರು ಒರೆಸಲು ಸ್ವಚ್ಛವಾದ ಬಟ್ಟೆ ಅಥವಾ ಟಿಶ್ಯೂ ಪೇಪರ್ ಬಳಸಿ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)