Relationship: ನಿಮ್ಮ ಸಂಬಂಧವನ್ನು ಸದೃಢ ಮಾಡುತ್ತೆ ನೀವಾಡುವ ಈ ಸಿಹಿ ಸುಳ್ಳುಗಳು

ಪ್ರೀತಿ ಮತ್ತು ವಿಶ್ವಾಸದ ಮೇಲೆ ಸಂಬಂಧ ನಿಲ್ಲುತ್ತದೆ. ಹಾಗಾಗಿ ಸಂಬಂಧವನ್ನು ಗಟ್ಟಿಯಾಗಿಸಿಕೊಳ್ಳಲು ಸತ್ಯ ಹೇಳಬೇಕು. ನಿಜವಾದ ಸಂಬಂಧದ ಅಡಿಪಾಯ ಸತ್ಯ, ವಿಶ್ವಾಸ ಮತ್ತು ನಂಬಿಕೆ ಆಗಿರುತ್ತದೆ. ಕೆಲವೊಮ್ಮೆ ನೀವಾಡುವ ಸತ್ಯ ನಿಮ್ಮ ಸಂಗಾತಿಗೆ ನೋವುಂಟು ಮಾಡಬಹುದು. (ಸಾಂದರ್ಭಿಕ ಚಿತ್ರ )

ಸಂಗಾತಿಯ ನಂಬಿಕೆ ಗಳಿಸಿಕೊಳ್ಳಲು ಬಹುತೇಕರು ಸತ್ಯ ಹೇಳಲು ಇಚ್ಛಿಸುತ್ತಾರೆ. ಸತ್ಯ ಸಂಬಂಧವನ್ನು ಗಟ್ಟಿಯಾಗಿಸುತ್ತೆ ಅನ್ನೋದು ನೂರಕ್ಕೆ ನೂರರಷ್ಟು ಸತ್ಯ. ಕೆಲವೊಮ್ಮೆ ಈ ಸತ್ಯಗಳೇ ಇಬ್ಬರ ಮುನಿಸಿಗೆ ಕಾರಣವಾಗಬಹುದು. ಆದ್ದರಿಂದ ಸಂಗಾತಿಗೆ ನೀವಾಡುವ ಸಿಹಿ ಸುಳ್ಳು ಆಕೆ ಅಥವಾ ಅವನಿಗೆ ಸಂತೋಷವನ್ನುಂಟು ಮಾಡಬಹುದು. (ಸಾಂದರ್ಭಿಕ ಚಿತ್ರ)

ಅಡುಗೆ
ಕೆಲವರು ತಮ್ಮ ಸಂಗಾತಿಯನ್ನು ಇಷ್ಟಪಡಿಸಲು ಅಡುಗೆ ಮಾಡಲು ಉತ್ಸುಕರಾಗಿರುತ್ತಾರೆ. ಆದ್ರೆ ಕೆಲವೊಮ್ಮೆ ಇಷ್ಟದಿಂದ ಕಷ್ಟಪಟ್ಟು ಮಾಡಿದ ಅಡುಗೆ ರುಚಿಯಲ್ಲಿ ವ್ಯತ್ಯಾಸ ಆಗಿರುತ್ತದೆ. ಈ ಸಮಯದಲ್ಲಿ ನೀವಾಡುವ ಸುಳ್ಳು ಸಂಗಾತಿಯ ಮುಖದಲ್ಲಿ ನಗು ಮೂಡಿಸುತ್ತದೆ. (ಸಾಂದರ್ಭಿಕ ಚಿತ್ರ)

ಉಡುಗೊರೆ
ಜೋಡಿಗಳು ತಮ್ಮ ಸಂಗಾತಿಯನ್ನು ಮೆಚ್ಚಿಸಲು ಸಪ್ರೈಸ್ ಗಿಫ್ಟ್ ಕೊಡುತ್ತಾರೆ. ಆರಂಭದ ದಿನಗಳಲ್ಲಿ ಯಾರಿಗೆ ಏನು ಇಷ್ಟ ಎಂಬುದರ ಬಗ್ಗೆ ಗೊತ್ತಿರಲ್ಲ. ಇಂತಹ ಸಮಯದಲ್ಲಿ ನಿಮ್ಮ ಸಂಗಾತಿ ನೀಡುವ ಉಡುಗೊರೆಯನ್ನು ಸಂತೋಷದಿಂದ ಸ್ವೀಕರಿಸಿದ್ರೆ ಇಬ್ಬರ ಸಂಬಂಧ ಮತ್ತಷ್ಟು ಸದೃಢವಾಗುತ್ತದೆ. ಉಡುಗೊರೆ ಸ್ವೀಕರಿಸಿದ ಅದರ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿ. (ಸಾಂದರ್ಭಿಕ ಚಿತ್ರ)

ಅಪಹಾಸ್ಯ ಬೇಡ
ಕೆಲವೊಮ್ಮೆ ನಿಮ್ಮ ಗಂಡ ಅಥವಾ ಹೆಂಡತಿ ಹೊಸದನ್ನು ಪ್ರಯತ್ನಿಸಲು ಮುಂದಾಗಿರುತ್ತಾರೆ. ಆದರೆ ಕೆಲವೊಮ್ಮೆ ಎಡವಟ್ಟುಗಳನ್ನು ಉಂಟು ಮಾಡುತ್ತದೆ. ಇದರಿಂದ ಆಕೆ ಅಥವಾ ಅವನು ಬೇಸರದಲ್ಲಿರುತ್ತಾರೆ. ಈ ಸಮಯದಲ್ಲಿ ನೀವು ನಿಮ್ಮ ಸಂಗಾತಿಯನ್ನು ಅಪಹಾಸ್ಯ ಮಾಡಬೇಡಿ. ಈ ವೇಳೆ ನೀವು ಸಂಗಾತಿಯ ಪರಿಶ್ರಮಕ್ಕೆ ಮೆಚ್ಚುಗೆ ಸೂಚಿಸಬೇಕು.

ಸಂಗಾತಿಯನ್ನು ಗೌರವಿಸಿ
ಸಂಗಾತಿಯ ನಿರ್ಧಾರಗಳನ್ನು ನಿಮ್ಮ ಕುಟುಂಬಸ್ಥರು ವಿರೋಧಿಸಬಹುದು. ಈ ಸಮಯದಲ್ಲಿ ನೀವು ಸಂಗಾತಿಯ ನಿರ್ಧಾರಗಳನ್ನು ಗೌರವಿಸಿ ಬೆಂಬಲವಾಗಿ ನಿಲ್ಲಬೇಕು. ನಂತರ ನಿರ್ಧಾರಗಳಲ್ಲಿರುವ ಲೋಪದೋಷಗಳ ಬಗ್ಗೆ ತಿಳಿಹೇಳಬೇಕು. (ಸಾಂದರ್ಭಿಕ ಚಿತ್ರ)

ಬಹು ಜನರ ವಿರೋಧದ ಮಧ್ಯೆಯಲ್ಲಿ ಚೆನ್ನಾಗಿದೆ ಎಂಬ ನಿಮ್ಮ ಸುಳ್ಳು ಆಕೆ/ಅವನನ್ನು ಸಂತೋಷವಾಗಿರಿಸುತ್ತದೆ. ಇಂತಹ ನಿರ್ಧಾರಗಳು ಸಂಬಂಧದಲ್ಲಿಯ ಆತ್ಮವಿಶ್ವಾಸವನ್ನ ಹೆಚ್ಚಿ ಸುತ್ತದೆ. (ಸಾಂದರ್ಭಿಕ ಚಿತ್ರ)