Tea Making: ಈ ವಸ್ತುಗಳನ್ನು ಸೇರಿಸೋ ಮೂಲಕ ಟೀಯನ್ನ ಮತ್ತಷ್ಟು ರುಚಿಯಾಗಿಸಿ

ಮಾರುಕಟ್ಟೆಯಲ್ಲಿ ಬಗೆ ಬಗೆಯ ಚಹಾಪುಡಿ ಸಿಗುತ್ತದೆ. ಬಹುತೇಕರಿಗೆ ಯಾವ ಟೀ ಪೌಡರ್ ಬೆಸ್ಟ್​ ಅನ್ನೋ ಗೊಂದಲ ಸದಾ ಇರುತ್ತದೆ. ಟೀ ರುಚಿಯೂ ಸಹ ಮನೆಯಿಂದ ಮನೆಗೆ ಭಿನ್ನವಾಗಿರುತ್ತದೆ. ಇಂದು ನಾವು ನಿಮಗೆ ರುಚಿಯಾದ ಟೀ ಮಾಡಲು ಯಾವೆಲ್ಲಾ ಪದಾರ್ಥ ಸೇರಿಸಬೇಕು ಎಂದು ಹೇಳುತ್ತಿದ್ದೇವೆ.

ಸಾಮಾನ್ಯವಾಗಿ ಟೀ ಮಾಡಲು ಚಹಾಪುಡಿ, ಹಾಲು, ಸಕ್ಕರೆ ಇದ್ರೆ ಸಾಕು. ಆದರೆ ಅದರ ರುಚಿ ಹೆಚ್ಚಿಸಲು ಕೆಲವು ಪದಾರ್ಥಗಳನ್ನು ಸೇರಿಸಬೇಕಾಗುತ್ತದೆ.

1.ಏಲಕ್ಕಿ ಮತ್ತು ಶುಂಠಿ: ಟೀ ಮಾಡುವಾಗ ಏಲಕ್ಕಿ ಪುಡಿ ಮತ್ತು ಶುಂಠಿ ಮಿಕ್ಸ್​ ಮಾಡಿದ್ರೆ ಬೆಳಗ್ಗೆ ನೀವು ಕುಡಿಯುವ ಒಂದು ಕಪ್ ಚಹಾ ಇಡೀ ದಿನ ನಿಮ್ಮನ್ನು ಪ್ರೆಶ್​ ಆಗಿರಿಸುತ್ತದೆ. ಖಡಕ್ ರುಚಿಯ ಜೊತೆಗೆ ಒಳ್ಳೆಯ ಪರಿಮಳ ಸಹ ಏಲಕ್ಕಿಯಿಂದ ಸಿಗುತ್ತದೆ.

2.ದಾಲ್ಚಿನ್ನಿ: ಬಹುತೇಕರು ದಾಲ್ಚಿನ್ನಿಯನ್ನು ಕೇವಲ ಮಾಂಸಾಹಾರ ತಯಾರಿಕೆಗೆ ಬಳಸುತ್ತಾರೆ ಎಂದು ತಿಳಿದುಕೊಂಡಿರುತ್ತಾರೆ. ಟೀ ಪೌಡರ್ ಜೊತೆ ಅರ್ಧ ಇಂದು ದಾಲ್ಚಿನ್ನಿ ಸೇರಿಸುವದರಿಂದ ಚಹಾದ ರುಚಿಯನ್ನು ಹೆಚ್ಚಿಸುತ್ತದೆ.

3.ಕೇಸರಿ: ಇದು ಅತ್ಯಂತ ಆರೋಗ್ಯಕರ ಪದಾರ್ಥವಾಗಿದ್ದು, ಟೀಗೆ ಬಳಸುವ ಹಾಲಿಗೆ ಕೇಸರಿಯನ್ನು ಚೆನ್ನಾಗಿ ಕುದಿಸಬೇಕು. ಬ್ಲ್ಯಾಕ್​ ಟೀಗೆ ಕೇಸರಿ ಮಿಶ್ರಿತ ಹಾಲು ಸೇರಿಸೋದರಿಂದ ಚಹದ ರುಚಿ ಉತ್ಕೃಷ್ಟವಾಗುತ್ತದೆ.

4.ಪುದಿನಾ/ ಲಿಂಬೆ ಎಲೆ: ಇನ್ನು ದೊಡ್ಡ ದೊಡ್ಡ ಕಾರ್ಯಕ್ರಮಗಳಲ್ಲಿ ಟೀ ಮಾಡುವಾಗ ಅಲ್ಪ ಪ್ರಮಾಣದಲ್ಲಿ ಪುದಿನಾ ಅಥವಾ ಲಿಂಬೆ ಎಲೆಯನ್ನು ಬಳಸುತ್ತಾರೆ. ಇದರಿಂದ ಚಹ ಗಾಢವಾಗುತ್ತದೆ.

5.ಚಕ್ರಹೂ: ಚಹಾ ಮಾಡುವಾಗ ಹಾಲು ಸೇರಿಸುವ ಮುನ್ನ ಚಕ್ರಹೂ ಸೇರ್ಪಡೆ ಮಾಡಿ ಚೆನ್ನಾಗಿ ಕುದಿಸಬೇಕು. ಇದರಿಂದ ನಿಮ್ಮ ಚಹಾದ ಸ್ವಾದ ಹೆಚ್ಚಾಗುತ್ತದೆ .