Microwave: ಮೈಕ್ರೊವೇವ್​ನಲ್ಲಿ ಬಿಸಿ ಮಾಡೋ ಈ ಆಹಾರಗಳು ವಿಷಕ್ಕೆ ಸಮಾನ ಹುಷಾರ್​!

ಪ್ರತಿಯೊಬ್ಬರೂ ಆಹಾರವನ್ನು ತ್ವರಿತವಾಗಿ ಬಿಸಿಮಾಡಲು ಮೈಕ್ರೋವೇವ್ ಅನ್ನು ಅವಲಂಬಿಸಿದ್ದಾರೆ. ನೀವು ಕೂಡ ಮೈಕ್ರೋವೇವ್ ಅನ್ನು ಬಳಸುತ್ತಿದ್ದೀರಾ? ಆದರೆ ಮೈಕ್ರೋವೇವ್​ನಲ್ಲಿ ಎಲ್ಲಾ ಆಹಾರವನ್ನು ಬಿಸಿಮಾಡುವುದು ಅನಾರೋಗ್ಯವನ್ನುಂಟುಮಾಡುತ್ತದೆ ಎಂದು ನಿಮಗೆ ತಿಳಿದಿದ್ಯಾ? ಮೈಕ್ರೊವೇವ್​ನಲ್ಲಿ ಬಿಸಿಮಾಡಿದಾಗ ಪೌಷ್ಟಿಕಾಂಶದ ಮೌಲ್ಯವನ್ನು ಕಳೆದುಕೊಂಡು ಕೆಲವು ಆಹಾರಗಳು ವಿಷಕಾರಿಯಾಗುತ್ತದೆ. ಅವು ಯಾವುದು ಎಂದು ತಿಳಿದುಕೊಳ್ಳೋಣ ಬನ್ನಿ.

ಪಿಜ್ಜಾ ಬಿಸಿಬಿಸಿಯಾಗಿ ತಿಂದರೆ ರುಚಿಕರವಾಗಿರುತ್ತದೆ. ಆದರೆ ಎರಡನೇ ಬಾರಿ ಪಿಜ್ಜಾವನ್ನು ಮತ್ತೆ ಬಿಸಿ ಮಾಡುವುದರಿಂದ ಅದರ ಹಳೆಯ ರುಚಿ ನಾಶವಾಗುತ್ತದೆ. ಮೊದಲು ಪಿಜ್ಜಾ ಬ್ರೆಡ್ ಗಟ್ಟಿಯಾಗುತ್ತದೆ. ಅಲ್ಲದೇ, ಪಿಜ್ಜಾದಲ್ಲಿರುವ ಚೀಸ್, ಆಲಿವ್​​ಗಳು ಎಲ್ಲದರ ರುಚಿಯನ್ನು ಕೆಡಿಸುತ್ತವೆ. ಅದರಲ್ಲೂ ಹಾಲಿನಿಂದ ಮಾಡಿದ ಯಾವುದೇ ಆಹಾರವನ್ನು ಮತ್ತೆ ಬಿಸಿ ಮಾಡಬಾರದು.

ಮೊಟ್ಟೆಯ ಪದಾರ್ಥ ಬಿಸಿ ಮಾಡುವ ಮೊದಲು ಜಾಗರೂಕರಾಗಿರಿ. ಮೊಟ್ಟೆಯಲ್ಲಿ ಮಿಶ್ರಣವಿರುವುದಿಲ್ಲ. ಆದರೆ ಮೊಟ್ಟೆಯೊಂದಿಗೆ ಯಾವುದೇ ಆಹಾರವನ್ನು ಮೈಕ್ರೋವೇವ್ ಬಿಸಿ ಮಾಡಬೇಡಿ. ಆದರೆ ಕೇಕ್ ಅನ್ನು ಮಾತ್ರ ಬಿಸಿ ಮಾಡಬಹುದು. ಮೈಕ್ರೊವೇವ್ನಲ್ಲಿ ಡೆವಿಲ್ಡ್ ಎಗ್​ಗಳು, ಎಗ್ ರೋಲ್​ಗಳು ಅಥವಾ ಸ್ಕ್ರ್ಯಾಂಬಲ್ಡ್ ಎಗ್​ಗಳನ್ನು ಎಂದಿಗೂ ಬಿಸಿ ಮಾಡಬೇಡಿ.

ಬ್ರೆಡ್ ತಯಾರಿಸಿದಾಗ ಅದು ಚೆನ್ನಾಗಿ ಟೋಸ್ಟ್ ಆಗುತ್ತದೆ, ಬರ್ಗರ್​ಗಳನ್ನು ಟೋಸ್ಟ್ ಮಾಡಿದ ಬ್ರೆಡ್​ನಿಂದ ತಯಾರಿಸಲಾಗುತ್ತದೆ. ಆದರೆ ತಯಾರಾಗಿರುವ ಬರ್ಗರ್ ಅನ್ನು ಮನೆಗೆ ತಂದು ಮತ್ತೆ ಬಿಸಿ ಮಾಡಿದರೆ ಗಟ್ಟಿಯಾಗುತ್ತದೆ. ಬರ್ಗರ್​ಗಳನ್ನು ಪದೇ ಪದೇ ಬಿಸಿ ಮಾಡುವುದರಿಂದ ಬರ್ಗರ್​ನಲ್ಲಿರುವ ಬೆಣ್ಣೆ, ಮಾಂಸ ಮತ್ತು ಲೆಟಿಸ್​ನ ಪೌಷ್ಟಿಕಾಂಶದ ಮೌಲ್ಯವನ್ನು ನಾಶಪಡಿಸುತ್ತದೆ.

ಮೀನಿನ ಬಗ್ಗೆ ನೆನಪಿಡಬೇಕಾದ ಒಂದು ವಿಚಾರವೆಂದರೆ, ಮೀನು ಬೇಯಿಸಿದ ದಿನವೇ ತಿನ್ನಬೇಕು. ಆ ದಿನ ತಿನ್ನದಿದ್ದರೂ, ನೀವು ಅದನ್ನು ಗ್ಯಾಸ್ನಲ್ಲಿ ಬಿಸಿ ಮಾಡಬಹುದು. ಆದರೆ ಮೈಕ್ರೋವೇವ್ನಲ್ಲಿ ಎಂದಿಗೂ ಬಿಸಿ ಮಾಡಬೇಡಿ. ಈ ಕಾರಣದಿಂದಾಗಿ, ಮೀನಿನ ಆಹಾರದ ಗುಣಮಟ್ಟವು ಸಂಪೂರ್ಣವಾಗಿ ನಾಶವಾಗುತ್ತದೆ. ತಾಜಾ ಮೀನುಗಳನ್ನು ಬೇಯಿಸಿ ತಿನ್ನಿರಿ. ಯಾವುದೇ ಆವಿಯಿಂದ ಬೇಯಿಸಿದ ಮೀನುಗಳನ್ನು ಮೈಕ್ರೊವೇವ್ನಲ್ಲಿ ಬೇಯಿಸಬಹುದು. ಆದರೆ ರಾತ್ರಿ ಹೊತ್ತು ಮೈಕ್ರೊವೇವ್ನಲ್ಲಿ ಬಿಸಿ ಮಾಡಬೇಡಿ.

ಯಾವುದೇ ಹಾಲಿನ ಪದಾರ್ಥಗಳನ್ನು ಮೈಕ್ರೋವೇವ್​ನಲ್ಲಿ ಬಿಸಿ ಮಾಡಬೇಡಿ. ಅಲ್ಲದೇ, ಮೈಕ್ರೊವೇವ್​ನಲ್ಲಿ ಫ್ರೈಡ್​ಗಳು, ಚೀಸ್-ಬೆಣ್ಣೆ ಅಥವಾ ಮಿಲ್ಕ್​ಶೇಕ್​ಗಳನ್ನು ಎಂದಿಗೂ ಬಿಸಿ ಮಾಡಬೇಡಿ. ಇದು ವ್ಯತಿರಿಕ್ತವಾಗಿ ಪರಿಣಾಮ ಬೀರುತ್ತದೆ. ಜೊತೆಗೆ ಆಹಾರ ಕೂಡ ಹಾಳಾಗಬಹುದು.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)