Children Food: ಮಕ್ಕಳಿಗೆ ಅಪ್ಪಿತಪ್ಪಿಯೂ ಈ ಆಹಾರಗಳನ್ನು ಕೊಡಲೇಬೇಡಿ, ಕೊಟ್ಟರೆ ಅಪಾಯ ಗ್ಯಾರಂಟಿ!

ಕಾಲಕ್ಕೆ ತಕ್ಕಂತೆ ನಮ್ಮ ಆಹಾರ ಪದ್ಧತಿಗಳೂ ಬದಲಾಗುತ್ತಲೇ ಇರುತ್ತವೆ. ಇದನ್ನು ಈಗಿನ ಪೋಷಕರು ಸರಿಯಾಗಿ ತಿಳಿದುಕೊಳ್ಳಬೇಕು. ಆಗ ಮಾತ್ರ ಮಕ್ಕಳ ಆರೋಗ್ಯ ಉತ್ತಮವಾಗಿ ಇರುವಂತೆ ನೋಡಿಕೊಳ್ಳಬಹುದು.

ಮಕ್ಕಳಿಗೆ ಆರೋಗ್ಯವಂತ ಆಹಾರ ಕೊಡುವ ಭರಾಟೆಯಲ್ಲಿ ನಾವು ತಿಳಿಯದೇ ನಾನಾ ಬಗೆಯ ಪ್ರಾಸೆಸ್ಡ್ ಆಹಾರವನ್ನು ಕೊಡುತ್ತೇವೆ. ಇದು ಮಕ್ಕಳ ಆರೋಗ್ಯದ ಮೇಲೆ ಬಹಳ ದೊಡ್ಡ ದುಷ್ಪರಿಣಾಮ ಬೀರುತ್ತದೆ. ಮಕ್ಕಳಿಗೆ ಯಾವುದೇ ಆಹಾರ ಕೊಡುವ ಮುನ್ನ ಚೆನ್ನಾಗಿ ಆಲೋಚಿಸಿ ತಿಳಿದು ನೀಡಬೇಕು.

ಕೆಲವು ಆಹಾರಗಳನ್ನು ಮಕ್ಕಳೀಗೆ ಬಹಳ ಪ್ರಯೋಜನಕಾರಿ ಎಂದು ಜಾಹೀರಾತು ನೀಡಿ ತಿಳಿಸಲಾಗುತ್ತದೆ. ಆದರೆ ಅವುಗಳಿಂದ ಮಕ್ಕಳಿಗೆ ಹಾನಿಯಾಗುವ ಸಾಧ್ಯತೆಯೇ ಹೆಚ್ಚು. ನಾವು ಮಕ್ಕಳಿಗೆ ಒಳ್ಳೆಯದು ಎಂದುಕೊಳ್ಳುವ ನಾನಾ ಆಹಾರಗಳು ಖಾಯಿಲೆ ತಂದೊಡ್ಡಬಹುದು. ಯಾವು ಆ ಆಹಾರ ಪದಾರ್ಥಗಳು? ಬನ್ನಿ ನೋಡೋಣ

ಮಕ್ಕಳಿಗೆ ತಿನ್ನೋಕೆ ಏನಾದ್ರೂ ಕೊಡೋದು ಅಂದ್ರೆ ಮೊದಲು ನೆನಪಾಗೋದೇ ಚಾಕೊಲೇಟ್. ಮಕ್ಕಳಿಗೆ ಇಷ್ಟ ಆಗ್ಲಿ ಅಂತಲೇ ಚಾಕೊಲೇಟ್ ಗಳಲ್ಲಿ ಬಗೆಗೆಯ ಸಿಹಿಯನ್ನು ಬೆರೆಸಿರುತ್ತಾರೆ. ಜೊತೆಗೆ ಮಿಲ್ಕ್ ಸಾಲಿಡ್ಸ್ ಕೂಡಾ ಇರುತ್ತದೆ. ಆದ್ರೆ ಡಾರ್ಕ್ ಚಾಕೊಲೇಟ್ ಮಾತ್ರ ಒಳ್ಳೆಯದು ಅಂತಾರೆ ತಜ್ಞರು.

ಬಹುಶಃ ಎಲ್ಲಾ ಮಕ್ಕಳು ಇಷ್ಟಪಟ್ಟು ತಿನ್ನೋ ತಿಂಡಿ ಅಂದ್ರೆ ಆಲೂಗೆಡ್ಡೆ ಚಿಪ್ಸ್. ಆದ್ರೆ ಈ ಚಿಪ್ಸ್ ನಲ್ಲಿ ಉಪಯೋಗವಾಗುವಂಥಾ ಯಾವ ಅಂಶವೂ ಇಲ್ಲ. ಎಣ್ಣೆ, ಉಪ್ಪು ಮತ್ತು ಆಲೂಗೆಡ್ಡೆಯ ಕಾರ್ಬೊಹೈಡ್ರೇಟ್ ಗಳು ಯಥೇಚ್ಛವಾಗಿ ಇರೋ ಚಿಪ್ಸ್ ಖಂಡಿತಾ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಅದರ ಬದಲು ಮನೆಯಲ್ಲೇ ಮಾಡಿದ ಪಾಪ್​ಕಾರ್ನ್ ಅಥವಾ ಸುಮ್ಮನೇ ಬೇಯಿಸಿದ ಆಲೂಗೆಡ್ಡೆ ಕೊಟ್ಟರೂ ಆದೀತು.

ಕ್ಯಾಂಡಿ ಮತ್ತು ಈ ಬಗೆಯ ತಿಂಡಿಗಳಂತೂ ಸಕ್ಕರೆ ಬಿಟ್ಟರೆ ಬೇರೆ ಏನೂ ಇರಲ್ಲ. ಪೋಷಕಾಂಶಗಳಂತೂ ಸ್ವಲ್ಪವೂ ಇಲ್ಲದಂಥಾ ವಸ್ತುಗಳಿವು. ಇವುಗಳನ್ನು ನೀಡೋ ಬದಲು ಮಕ್ಕಳಿಗೆ ಹಣ್ಣುಗಳನ್ನು ಕೊಡೋದು ಉತ್ತಮ.

ಮಕ್ಕಳಲ್ಲಿ ಸಣ್ಣ ವಯಸ್ಸಿಗೇ ಬೊಜ್ಜು ಬರೋದಿಕ್ಕೆ ಏನೆಲ್ಲಾ ಬೇಕೋ ಅದೆಲ್ಲವೂ ಈ ಫ್ರೈಡ್ ಫೂಡ್ ನಲ್ಲಿದೆ. ಪಿಜ್ಜಾ, ಬರ್ಗರ್, ಫ್ರೆಂಚ್ ಫ್ರೈಸ್ ಮಕ್ಕಳಿಗೆ ಬಹಳ ರುಚಿಯಾದ ತಿನಿಸು ಎನಿಸುತ್ತದೆ, ಆದರೆ ಇವು ಆರೋಗ್ಯದ ಮೇಲೆ ಬಹಳ ವ್ಯತಿರಿಕ್ತ ಪರಿಣಾಮ ಬೀರುತ್ತವೆ. ಹಾಗಾಗಿ ಜಂಕ್ ಫುಡ್ ನಿಂದ ಮಕ್ಕಳನ್ನು ದೂರ ಇಡಿ.

ಕೆಚಪ್ ಮಕ್ಕಳ ಆರೋಗ್ಯಕ್ಕೆ ಬಹಳ ಹಾನಿಕಾರಕ ವಸ್ತು. ಕೆಚಪ್ ಹಾಳಾಗದಂತೆ ಕಾಪಾಡಲು ನಾನಾ ಬಗೆಯ ರಾಸಾಯನಿಕಗಳನ್ನು ಅದಕ್ಕೆ ಹಾಕಿರುತ್ತಾರೆ. ಇವೆಲ್ಲವೂ ಮಕ್ಕಳ ಆರೋಗ್ಯದ ಮೇಲೆ ದೀರ್ಘಕಾಲದವರಗೆ ಡ್ಯಾಮೇಜ್ ಉಂಟುಮಾಡುತ್ತವೆ. ಇದರ ಬದಲು ಮನೆಯಲ್ಲೇ ಟೊಮ್ಯಾಟೋ ಚಟ್ನಿ ಮಾಡಿಕೊಡುವುದು ಒಳ್ಳೆಯದು.

ಪ್ಯಾಕ್ ಮಾಡಿರುವ ಯಾವುದೇ ಫ್ರೂಟ್ ಜ್ಯೂಸ್ ಅಥವಾ ಸ್ಪೋರ್ಟ್ಸ್ ಡ್ರಿಂಕ್ಸ್ ಗಳಲ್ಲಿ ಸಕ್ಕರೆಯ ಅಂಶ ಅಧಿಕವಾಗಿಯೇ ಇರುತ್ತದೆ, ಇದು ಮಕ್ಕಳ ಹಲ್ಲುಗಳನ್ನು ಹಾಳು ಮಾಡುತ್ತದೆ. ಹಾಗಾಗಿ ರೆಡಿಮೇಡ್ ಜ್ಯೂಸ್ ಗಿಂತ ಮನೆಯಲ್ಲೇ ಹಣ್ಣಿನ ಜ್ಯೂಸ್ ಮಾಡಿಕೊಡುವುದು ಅಥವಾ ಎಳನೀರು ನೀಡುವುದು ಬಹಳ ಉತ್ತಮ.