Health Tips: ಓದಿದ್ದು ನಿಮ್ಮ ಮಕ್ಕಳಿಗೆ ನೆನಪಾಗ್ತಿಲ್ವಾ? ಈ ಫುಡ್ ಫಾಲೋ ಮಾಡಿ ಜ್ಞಾಪಕ ಶಕ್ತಿ ಚುರುಕಾಗುತ್ತೆ!

ದೈಹಿಕ ಬೆಳವಣಿಗೆಯೊಂದಿಗೆ ಮಕ್ಕಳ ಮೆದುಳಿನ ಬೆಳವಣಿಗೆಯೂ ಬಹಳ ಮುಖ್ಯ. ಸರಿಯಾದ ಪೌಷ್ಠಿಕ ಆಹಾರ ಸೇವನೆಯು ನಿಮ್ಮನ್ನು ಆರೋಗ್ಯವಾಗಿರಿಸುವುದು ಮಾತ್ರವಲ್ಲದೇ ನಿಮ್ಮ ಮೆದುಳಿನ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಮಕ್ಕಳಿಗೆ ಜ್ಞಾಪಕಶಕ್ತಿ ಬಹಳ ಮುಖ್ಯ. ಮಕ್ಕಳು ತಮ್ಮ ಜ್ಞಾಪಕಶಕ್ತಿಯನ್ನು ಹೆಚ್ಚಿಸಲು ಈ ಪದಾರ್ಥಗಳನ್ನು ತಮ್ಮ ಆಹಾರದಲ್ಲಿ ಸೇವಿಸಬೇಕು. ಹಾಗಾದರೆ ತಡಮಾಡದೇ ಮೆದುಳಿನ ಜ್ಞಾಪಕಶಕ್ತಿ ಹೆಚ್ಚಿಸುವ ಕೆಲವು ಆಹಾರ ಪದಾರ್ಥಗಳ ಹೆಸರುಗಳನ್ನು ತಿಳಿದುಕೊಳ್ಳೋಣ.

ಮೊಟ್ಟೆ ಮತ್ತು ಮೀನಿನಲ್ಲಿ ಕಂಡುಬರುವ ಒಮೆಗಾ-3 ಕೊಬ್ಬಿನಾಮ್ಲಗಳಲ್ಲಿ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸುವುದು ಮೆದುಳನ್ನು ಚುರುಕಾಗಿಡಲು ಅತ್ಯಗತ್ಯವಾಗಿದೆ.

ಸಾಲ್ಮನ್ ಮತ್ತು ಸಾರ್ಡೀನ್ ಮುಂತಾದ ಮೀನುಗಳು ಸೇವಿಸಬೇಕು. ಕೇವಲ ಮೊಟ್ಟೆ ಮತ್ತು ಮೀನುಗಳಷ್ಟೇ ಅಲ್ಲ, ಆ್ಯಂಟಿಆಕ್ಸಿಡೆಂಟ್ಗಳಿಂದ ಸಮೃದ್ಧವಾಗಿರುವ ಟೊಮ್ಯಾಟೋಗಳನ್ನು ತಿಂದು ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು.

ಟೊಮ್ಯಾಟೋ ಮೆದುಳಿಗೆ ಹಾನಿ ಮಾಡುವ ಸ್ವತಂತ್ರ ರಾಡಿಕಲ್ಗಳನ್ನು ನಿವಾರಿಸುತ್ತದೆ ಮತ್ತು ಮಾನಸಿಕ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ಕುಂಬಳಕಾಯಿ ಬೀಜಗಳು ಮಕ್ಕಳಿಗೆ ಪೌಷ್ಟಿಕಾಂಶದ ಮೂಲವಾಗಿದೆ. ನೆನಪಿನ ಶಕ್ತಿ ಹೆಚ್ಚಿಸುವ ಎಲ್ಲ ಗುಣಗಳೂ ಈ ಬೀಜದಲ್ಲಿವೆ. ಕುಂಬಳಕಾಯಿ ಬೀಜಗಳಲ್ಲಿ ಮೆಗ್ನೀಸಿಯಮ್ ಮತ್ತು ವಿಟಮಿನ್ ಬಿ ಇರುತ್ತದೆ.

ಈ ಬೀಜವನ್ನು ತಿನ್ನುವುದರಿಂದ ಜ್ಞಾಪಕ ಶಕ್ತಿ ಹಾಗೂ ಆಲೋಚನಾ ಸಾಮರ್ಥ್ಯ ಹೆಚ್ಚುತ್ತದೆ. ಕುಂಬಳಕಾಯಿ ಬೀಜಗಳನ್ನು ಹುರಿದು ತಿನ್ನಬಹುದು. ಅಲ್ಲದೇ, ಕುಂಬಳಕಾಯಿ ಬೀಜಗಳನ್ನು ಬೆಣ್ಣೆಯಾಗಿ ಪುಡಿಮಾಡಬಹುದು. ಇದನ್ನು ಮಕ್ಕಳು ಸ್ಯಾಂಡ್ವಿಚ್ಗಳೊಂದಿಗೆ ತಿನ್ನಲು ಇಷ್ಟಪಡುತ್ತಾರೆ.

ಇದಲ್ಲದೇ, ಡ್ರೈ ಫ್ರೂಟ್ಸ್ಗಳು ಮೆದುಳನ್ನು ಫ್ರೆಶ್ ಆಗಿಡಲು ಸಹಾಯ ಮಾಡುತ್ತದೆ. ಉದಾಹರಣೆಗೆ, ವಾಲ್ನಟ್ಸ್ ಮತ್ತು ಕಡಲೆಕಾಯಿಗಳು. ವಿಟಮಿನ್ ಇ ಅದರಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಕಂಡುಬರುತ್ತದೆ. ಆದ್ದರಿಂದ ಮಕ್ಕಳು ತಮ್ಮ ಆಹಾರದಲ್ಲಿ ರೋಡ್ ಡ್ರೈ ಫ್ರೂಟ್ಸ್ ಇಟ್ಟುಕೊಳ್ಳಬೇಕು.