Food Habits: ಹಸಿವು ಅಂತ ಈ ಆಹಾರಗಳನ್ನು ತಿಂದ್ರೆ ಬೇಗ ವಯಸ್ಸಾಗುತ್ತಂತೆ ಹುಷಾರ್!

ಮೊದಲೆಲ್ಲಾ ಹಿರಿಯರು ನೂರುಕಾಲ ಸುಖವಾಗಿ ಬಾಳಿ ಎಂದು ಆಶೀರ್ವಾದಿಸುತ್ತಿದ್ದರು. ಆದರೀಗ ತಪ್ಪಾದ ಜೀವನ ಶೈಲಿ, ಆಹಾರ ಇವುಗಳಿಂದ ಜನ 60 ವರ್ಷ ಬದುಕುವುದೇ ಹೆಚ್ಚಾಗಿ ಹೋಗಿದೆ. ಸಾಮಾನ್ಯವಾಗಿ ವಯಸ್ಸಾಗುತ್ತಾ ಹೋದಂತೆ ದೇಹದ ಪ್ರತಿಯೊಂದು ಭಾಗಗಳಲ್ಲಿಯೂ ಬದಲಾವಣೆಗಳಾಗುತ್ತದೆ.

ಮೊದಲೆಲ್ಲಾ ವಯಸ್ಸಾದ ನಂತರ ಸುಕ್ಕುಗಳು ಕಾಣಿಸಿಕೊಳ್ಳುತ್ತಿದ್ದವು. ಆದರೀಗ ವಯಸ್ಸಾಗುವ ಮುನ್ನವೇ ಅನೇಕ ಮಂದಿಗೆ ಮುಖದಲ್ಲಿ ಸುಕ್ಕುಗಳು ಕಾಣಿಸಿಕೊಳ್ಳಲು ಆರಂಭವಾಗಿದೆ. 30 ವರ್ಷ ದಾಟಿದರೆ ಸಾಕು, ಚರ್ಮದ ಸಡಿಲತೆ ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಅಕಾಲಿಕ ಸುಕ್ಕುಗಳಿಂದ ವಯಸ್ಸಾದವರಂತೆ ನಿಮ್ಮ ತ್ವಚೆ ಕಾಣಬಹುದು. ನಾವು ದೇಹದ ಪ್ರತಿಯೊಂದು ಅಂಗಗಳನ್ನು ಹೇಗೆ ಕಾಳಜಿವಹಿಸುತ್ತೇವೋ ಅದೇ ರೀತಿ ಕೆಲವು ಬದಲಾಣೆಗಳನ್ನು ಮಾಡಿಕೊಳ್ಳುವ ಮೂಲಕ ಚರ್ಮದ ಸುಕ್ಕುಗಳಿಂದ ತಪ್ಪಿಸಿಕೊಳ್ಳಬೇಕು. ಅದು ಹೇಗೆ ಅಂತೀರಾ? ಹಾಗಾದ್ರೆ ಈ ಟಿಪ್ಸ್ ಫಾಲೋ ಮಾಡಿ.

ಪ್ರತಿದಿನ ಸಾಕಷ್ಟು ನೀರು ಕುಡಿಯಿರಿ. ನೀರು ಕುಡಿಯುವುದರಿಂದ ದೇಹದ ಅನೇಕ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ. ಅಷ್ಟೇ ಅಲ್ಲದೇ, ಯೌವನವನ್ನು ಕಾಪಾಡಿಕೊಳ್ಳಲು ನಿಯಮಿತವಾಗಿ ಯೋಗವನ್ನೂ ಕೂಡ ಮಾಡಬೇಕು.

ನಿಮಗೆ ಸ್ವೀಟ್ ಅಂದರೆ ತುಂಬಾ ಇಷ್ಟವಿರುತ್ತದೆ. ಆದರೆ ಅತಿಯಾಗಿ ಸಿಹಿ ತಿಂಡಿಗಳನ್ನು ತಿನ್ನಬೇಡಿ. ಏಕೆಂದರೆ ಅಧಿಕ ಸಕ್ಕರೆ ದೇಹಕ್ಕೆ ಒಳ್ಳೆಯದಲ್ಲ. ಹಾಗಾಗಿ ಅಂತಹ ಆಹಾರಗಳನ್ನು ತ್ಯಜಿಸುವುದು ಉತ್ತಮ.

ಅನೇಕ ಮಂದಿ ಹಸಿವಾದಾಗ ಪಿಜ್ಜಾ, ಬರ್ಗರ್, ಫ್ರೆಂಚ್ ಫ್ರೈಗಳನ್ನು ತಿನ್ನಲು ಇಷ್ಟಪಡುತ್ತಾರೆ. ಆದರೆ ಇಂತಹ ಆಹಾರಗಳನ್ನು ತಿನ್ನುವುದರಿಂದ ಆರೋಗ್ಯ ಸಮಸ್ಯೆಗಳು ಎದುರಾಗುವುದರ ಜೊತೆಗೆ, ವಯಸ್ಸು ಕೂಡ ಎರಡು ಪಟ್ಟು ಹೆಚ್ಚಾಗುತ್ತದೆ.

ತಪ್ಪು ಆಹಾರವು ನಮ್ಮನ್ನು ವೃದ್ಧಾಪ್ಯದತ್ತ ಕರೆದೊಯ್ಯುತ್ತಿದೆ. ಹಸಿವಾದಾಗ ನಾವು ಸೇವಿಸುವ ಆಹಾರ ಮತ್ತು ಕುಡಿಯುವ ಪಾನೀಯಗಳಿಂದ ಅಕಾಲಿಕವಾಗಿ ವಯಸ್ಸಾಗುತ್ತಿದೆ. ಜೊತೆಗೆ ಆಗಾಗ ಟೀ, ಕಾಫಿ ಕುಡಿಯುವುದನ್ನು ಕೂಡ ಜನ ಕಡಿಮೆ ಮಾಡಬೇಕು.

ವಯಸ್ಸಾದವರಂತೆ ಕಾಣುವುದನ್ನು ತಡೆಗಟ್ಟಲು ನಾವು ತಿನ್ನುವ ಮತ್ತು ಕುಡಿಯುವ ಪದಾರ್ಥಗಳತ್ತ ವಿಶೇಷ ಗಮನವನ್ನು ನೀಡಬೇಕು. ಉದಾಹರಣೆಗೆ, ನೀವು ಫಿಲ್ಟರ್ ಮಾಡಿದ ಎಣ್ಣೆಯಲ್ಲಿ ಕರಿದ ಆಹಾರವನ್ನು ತಿನ್ನುವುದನ್ನು ನಿಲ್ಲಿಸಬೇಕು ಇಲ್ಲದಿದ್ದರೆ ಸಮಸ್ಯೆ ಹೆಚ್ಚಾಗುತ್ತದೆ.

ಅನೇಕ ಮಂದಿ ಬೆಳಗ್ಗೆ ಬ್ರೇಕ್ಫಾಸ್ಟ್ ಆಗಿ ಬ್ರೇಡ್ ಅನ್ನು ತಿನ್ನುತ್ತಾರೆ. ಮೊದಲು ಈ ಅಭ್ಯಾಸವನ್ನು ಎಲ್ಲರೂ ಬಿಡಬೇಕು. ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಅಗತ್ಯವಿದ್ದರೆ ಬಿಳಿ ಬ್ರೇಡ್ ಬದಲಿಗೆ ಕಂದು ಬ್ರೆಡ್ ಅಥವಾ ಮಲ್ಟಿಗ್ರೇನ್ ಬ್ರೆಡ್ ಅನ್ನು ತಿನ್ನಬಹುದು. (Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)