Anxiety: ಈ ಆಹಾರಗಳನ್ನು ತಿಂದ್ರೆ ಒತ್ತಡ ಹೆಚ್ಚಾಗೋದು ಗ್ಯಾರಂಟಿ!

ನೀವು ಬಯಸಿದಂತೆ ಸಂತೋಷವಾಗಿರಲು ಸಾಧ್ಯವಾಗುತ್ತಿಲ್ಲವೇ? ಹಾಗಾದರೆ ನಿಮ್ಮ ದೇಹವು ಸಿರೊಟೋನಿನ್ ಹಾರ್ಮೋನ್ ಕೊರತೆಯನ್ನು ಹೊಂದಿರಬಹುದು. ಸಿರೊಟೋನಿನ್ ಅನ್ನು ಸಂತೋಷದ ಹಾರ್ಮೋನ್ ಎಂದೂ ಕೂಡ ಕರೆಯುತ್ತಾರೆ. ಸಿರೊಟೋನಿನ್ ಹಾರ್ಮೋನ್ ನಿಮ್ಮ ಮನಸ್ಥಿತಿ, ನಿದ್ರೆ, ಹಸಿವು ಮತ್ತು ಮೆಮೊರಿ ಕಾರ್ಯಗಳನ್ನು ನಿಯಂತ್ರಿಸುವ ಕೆಲಸ ಮಾಡುತ್ತದೆ.

ಸಿರೊಟೋನಿನ್ ಮೆದುಳಿನ ಒಂದು ರೀತಿಯ ರಾಸಾಯನಿಕವಾಗಿದೆ. ಇದರ ಕೊರತೆಯು ಮನಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ, ಖಿನ್ನತೆ, ಒತ್ತಡವನ್ನು ಉಂಟುಮಾಡುತ್ತದೆ. ಕೆಲವೊಂದು ಆಹಾರ ಪದಾರ್ಥಗಳನ್ನು ತಿಂದರೆ ಖಿನ್ನತೆ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ನೀವು ಸ್ವಲ್ಪ ಆತಂಕದಲ್ಲಿದ್ದರೆ ತಪ್ಪಿಸಬೇಕಾದ ಆಹಾರಗಳ ಬಗ್ಗೆ ತಿಳಿದುಕೊಂಡು ಅವುಗಳಿಂದ ದೂರವಿರುವುದು ಉತ್ತಮ.

ಸಕ್ಕರೆ: ಸಕ್ಕರೆಯು ಸಿರೊಟೋನಿನ್ ಮಟ್ಟವನ್ನು ಹೆಚ್ಚಿಸುತ್ತದೆ. ಸಾಮಾನ್ಯವಾಗಿ ಹೆಚ್ಚಿನ ಸಿರೊಟೋನಿನ್ ಮಟ್ಟವು ಆತಂಕವನ್ನು ಹೆಚ್ಚಿಸುತ್ತದೆ. ಕಡಿಮೆ ಸಕ್ಕರೆ ತಿನ್ನುವುದರಿಂದ ಆತಂಕವನ್ನು ಕಡಿಮೆ ಮಾಡಬಹುದು. ಅಲ್ಲದೇ, ಮಕ್ಕಳಲ್ಲಿ ಹೆಚ್ಚಿನ ಸಕ್ಕರೆ ಸೇವನೆಯು ಎಡಿಎಚ್ಡಿಗೆ ಸಂಬಂಧಿಸಿದೆ. ಆದ್ದರಿಂದ ಮಕ್ಕಳಿಗೆ ಸಕ್ಕರೆ ಮಿಠಾಯಿಗಳು, ಲಾಲಿಪಾಪ್ಗಳು ಮತ್ತು ಚಾಕೊಲೇಟ್ಗಳನ್ನು ಕೊಡಿಸುವುದನ್ನು ಕಡಿಮೆ ಮಾಡಿ.

ಕರಿದ ಆಹಾರ: ಕರಿದ ಆಹಾರಗಳಲ್ಲಿ ಕಂಡುಬರುವ ಟ್ರಾನ್ಸ್ ಕೊಬ್ಬುಗಳು ಖಿನ್ನತೆಗೆ ಕಾರಣವಾಗಬಹುದು. ಈ ಆಹಾರವನ್ನು ಆತಂಕ ಉಂಟುಮಾಡುವ ಕೆಟ್ಟ ಆಹಾರ ಎಂದು ವಿವರಿಸಲಾಗಿದೆ. ಆಹಾರದ ಡ್ರೆಸ್ಸಿಂಗ್, ಕೆಚಪ್, ಫ್ರಾಸ್ಟಿಂಗ್ ನಿಂದ ದೂರವಿರಿ.

ಕಾಫಿ ಅಥವಾ ಟೀ : ಕಾಫಿ, ಟೀ, ಚಾಕೊಲೇಟ್ ಅಥವಾ ಎನರ್ಜಿ ಡ್ರಿಂಕ್ ನಿಮ್ಮ ಇಂದ್ರಿಯಗಳನ್ನು ಶಮನಗೊಳಿಸಲು ಉತ್ತಮ ಆಯ್ಕೆಯಂತೆ ಕಾಣಿಸಬಹುದು. ಆದರೆ ಇವುಗಳನ್ನು ಸೇವಿಸಿದರೆ ಹಲವು ಆರೋಗ್ಯ ಸಮಸ್ಯೆಗಳು ಎದುರಾಗುವ ಸಾಧ್ಯತೆ ಇದೆ. ಕೆಫೀನ್ ಸೇವನೆಯು ಅನಿಯಮಿತ ಹೃದಯ ಬಡಿತಗಳು, ಚಡಪಡಿಕೆ ಮತ್ತು ತಲೆನೋವುಗಳನ್ನು ಉಂಟುಮಾಡುವ ಮೂಲಕ ನಿಮ್ಮ ಆತಂಕದ ಮಟ್ಟವನ್ನು ಹೆಚ್ಚಿಸುತ್ತದೆ ಎಂದು ತಿಳಿದುಬಂದಿದೆ. ಸೋಡಾ, ಸಂಸ್ಕರಿಸಿದ ಹಣ್ಣಿನ ಜ್ಯೂಸ್, ಡಯಟ್ ಕೋಕ್ ಇತ್ಯಾದಿಗಳನ್ನು ತಪ್ಪಿಸಿ.

ಸಂಸ್ಕರಿಸಿದ ಮಾಂಸಗಳು, ಸಂಸ್ಕರಿಸಿದ ಧಾನ್ಯಗಳು, ಪೇಸ್ಟ್ರಿಗಳು, ಕೇಕ್ಗಳು ಮತ್ತು ಹೆಚ್ಚಿನ ಕೊಬ್ಬಿನ ಡೈರಿ ಉತ್ಪನ್ನಗಳನ್ನು ತಿನ್ನಬೇಡಿ. ನೀವು ಪ್ಯಾನಿಕ್ ಡಿಸಾರ್ಡರ್ ಅಥವಾ ಸಾಮಾನ್ಯ ಆತಂಕದಿಂದ ಬಳಲುತ್ತಿದ್ದರೆ, ಧಾನ್ಯಗಳು, ತಾಜಾ ಹಣ್ಣುಗಳು ಮತ್ತು ತರಕಾರಿಗಳನ್ನು ತಿನ್ನಲು ಪ್ರಾರಂಭಿಸಿ.

ಮತ್ತೊಂದೆಡೆ ಒತ್ತಡಕ್ಕೊಳಗಾದ ಜನರು ತಮ್ಮನ್ನು ತಾವು ರಕ್ಸಿಸಿಕೊಳ್ಳಲು ಮದ್ಯದ ಕಡೆಗೆ ವಾಲಬಹುದು. ಆದರೆ ಅಮೇರಿಕನ್ ಸೆಂಟರ್ ಆನ್ ಅಡಿಕ್ಷನ್ ಪ್ರಕಾರ, ಆಲ್ಕೋಹಾಲ್ ನಮ್ಮ ಆತಂಕದ ಮಟ್ಟದ ಮೇಲೆ ಪರಿಣಾಮ ಬೀರುತ್ತದೆ. ಮದ್ಯ ಸೇವಿಸುವವರಲ್ಲಿ ಆತಂಕ ಹೆಚ್ಚಾಗುತ್ತದೆ ಎಂದು ಅಧ್ಯಯನ ಮೂಲಕ ತಿಳಿದು ಬಂದಿದೆ.