Protein Foods: ದೇಹಕ್ಕೆ ಹೆಚ್ಚು ಪ್ರೋಟೀನ್ ನೀಡುವ ಅತ್ಯುತ್ತಮ ಆಹಾರಗಳಿವು

ಪ್ರೋಟೀನ್ ಒಂದು ಪ್ರಮುಖ ಪೋಷಕಾಂಶವಾಗಿದ್ದು, ಅದು ದೇಹದಲ್ಲಿ ಜೀವಕೋಶಗಳನ್ನು ಉತ್ಪಾದಿಸಲು ಮತ್ತು ಸರಿಪಡಿಸಲು ಸಹಾಯ ಮಾಡುತ್ತದೆ. ಇದು ನಾನ್​ವೆಜ್​ ಮತ್ತು ವೆಜ್​ ಆಹಾರ ಎರಡರಲ್ಲೂ ಇರುತ್ತದೆ. ಇನ್ನು ಕೆಲವು ಆಹಾರಗಳಲ್ಲಿ ಪ್ರೋಟೀನ್ ನೈಸರ್ಗಿಕವಾಗಿ ಕಂಡುಬರುತ್ತದೆ. ಇದಕ್ಕಂತನೇ ಪ್ರೋಟೀನ್ ಪುಡಿಗಳು, ಬಾರ್‌ಗಳು ಮತ್ತು ಪ್ರೋಟೀನ್ ಶೇಕ್‌ಗಳಂತಹ ಉತ್ಪನ್ನಗಳು ಸಹ ಲಭ್ಯವಿದೆ. ಹಾಗಿದ್ರೆ ಪ್ರೋಟೀನ್ ಅಧಿಕವಾಗಿರುವ ಆಹಾರಗಳು ಯಾವುದೆಲ್ಲಾ ಎಂಬುದನ್ನು ಈ ಲೇಖನದಲ್ಲಿದೆ ಓದಿ.

ಚಿಕನ್: ಕೋಳಿ ಮಾಂಸವು ಪ್ರೋಟೀನ್‌ನ ಅತ್ಯುತ್ತಮ ಮೂಲವಾಗಿದೆ. ಪ್ರತಿ ಔನ್ಸ್‌ಗೆ 8.56 ಗ್ರಾಂ ಪ್ರೋಟೀನ್ ನೀಡುತ್ತದೆ. ಇದರಲ್ಲಿ ವಿಟಮಿನ್ ಬಿ12 ಮತ್ತು ಸತುವು ಕೂಡ ಇದೆ. ಇತರೆ ಮಾಂಸದ ಬದಲು ಚಿಕನ್ ತಿನ್ನುವುದರಿಂದ ದೇಹದಲ್ಲಿ ಗೌಟ್ ಬರುವುದಿಲ್ಲ. ಸಲಾಡ್‌ಗಳು, ಸ್ಯಾಂಡ್‌ವಿಚ್‌ಗಳು, ಸೂಪ್‌ಗಳು, ಸ್ಟಿರ್ ಫ್ರೈಸ್, ಪಾಸ್ಟಾ ಮತ್ತು ಇತರ ಭಕ್ಷ್ಯಗಳಿಗೆ ಚಿಕನ್ ಅನ್ನು ಸೇರಿಸಲಾಗುತ್ತದೆ.

ಮೊಟ್ಟೆಗಳು: ಪ್ರೋಟೀನ್‌ಗಾಗಿ ಮೊಟ್ಟೆಗಳನ್ನು ಆಗಾಗ ತೆಗೆದುಕೊಳ್ಳಬಹುದು. ಒಂದು ದೊಡ್ಡ ಮೊಟ್ಟೆಯು 6.24 ಗ್ರಾಂ ಪ್ರೋಟೀನ್ ಮತ್ತು 1.24 ಮೈಕ್ರೋಗ್ರಾಂಗಳಷ್ಟು ವಿಟಮಿನ್ ಡಿ ಅನ್ನು ಒದಗಿಸುತ್ತದೆ. ಇದರಲ್ಲಿ 0.84 ಮಿಲಿಗ್ರಾಂ ಕಬ್ಬಿಣಾಂಶವೂ ಇದೆ. ಆದ್ದರಿಂದ ಪ್ರೋಟೀನ್​ಗಾಗಿ ಮೊಟ್ಟೆ ಉತ್ತಮ ಆಹಾರವಾಗಿದೆ.

ಕಡಿಮೆ ಕೊಬ್ಬಿನ ಡೈರಿ ಉತ್ಪನ್ನಗಳು: ಹಾಲು, ಚೀಸ್, ಮೊಸರು ಮುಂತಾದ ಡೈರಿ ಉತ್ಪನ್ನಗಳು ಪ್ರೋಟೀನ್‌ನಲ್ಲಿ ಸಮೃದ್ಧವಾಗಿವೆ. ಮೊಸರು 20 ಗ್ರಾಂ ಪ್ರೋಟೀನ್ ಅನ್ನು ಹೊಂದಿರುತ್ತದೆ. ಮೊಸರು ಕ್ಯಾಲ್ಸಿಯಂ ಮತ್ತು ವಿಟಮಿನ್ ಬಿ 12 ಅನ್ನು ಸಹ ಹೊಂದಿದೆ. ಮೊಸರು ನಿಮ್ಮ ದೇಹದ ಮೂಳೆಗಳು ಮತ್ತು ನರಗಳನ್ನು ಆರೋಗ್ಯಕರವಾಗಿರಿಸುತ್ತಾರೆ. ಆದ್ದರಿಂದ ಮೊಸರು ನಿಮ್ಮ ಆಹಾರದಲ್ಲಿ ಸೇರಿಸೋದ್ರಿಂದ ದೇಹವನ್ನು ಆರೋಗ್ಯದಲ್ಲಿಟ್ಟುಕೊಳ್ಳಬಹುದು.

ಬೀನ್ಸ್, ಕಡಲೆ: ಒಂದು ಕಪ್ ಬೇಯಿಸಿದ ಬಿಳಿ ಬೀನ್ಸ್ 17 ಗ್ರಾಂ ಪ್ರೋಟೀನ್ ಅನ್ನು ಹೊಂದಿರುತ್ತದೆ. ಇವುಗಳಲ್ಲಿ ನಾರಿನಂಶ ಮತ್ತು ಪೊಟ್ಯಾಶಿಯಂ ಕೂಡ ಅಧಿಕವಾಗಿದೆ. ಬೀನ್ಸ್‌ನಲ್ಲಿರುವ ಆಂಟಿಆಕ್ಸಿಡೆಂಟ್‌ಗಳು ಉರಿಯೂತವನ್ನು ಕಡಿಮೆ ಮಾಡುತ್ತದೆ ಮತ್ತು ರೋಗವನ್ನು ತಡೆಯುತ್ತದೆ. ಬೀನ್ಸ್ ಮತ್ತು ಕಡಲೆಗಳನ್ನು ಉಪಹಾರ, ಸೂಪ್‌ಗಳು, ಸಲಾಡ್‌ಗಳು, ಐಸ್ ಕ್ರೀಮ್‌ನಂತಹ ಸಿಹಿತಿಂಡಿಗಳು ಸೇರಿದಂತೆ ಅನೇಕ ಪಾಕವಿಧಾನಗಳಿಗೆ ಸೇರಿಸಬಹುದು. ಇದರಿಂದ ನಿಮ್ಮ ದೇಹದ ಪ್ರೋಟೀನ್​ ಅನ್ನು ಹೆಚ್ಚಿಸಬಹುದು.

ಬೀಜಗಳು: ಚಿಯಾ, ಎಳ್ಳು, ಸೂರ್ಯಕಾಂತಿ, ಸೆಣಬಿನ, ಅಗಸೆ, ಕುಂಬಳಕಾಯಿ ಬೀಜಗಳು ಸಹ ಪ್ರೋಟೀನ್‌ನಲ್ಲಿ ಸಮೃದ್ಧವಾಗಿವೆ. ಕಾಲು ಕಪ್ ಕುಂಬಳಕಾಯಿ ಬೀಜಗಳಲ್ಲಿ 8.45 ಗ್ರಾಂ ಪ್ರೋಟೀನ್ ಇರುತ್ತದೆ. ಜೊತೆಗೆ 156 ಮಿಲಿಗ್ರಾಂ ಮೆಗ್ನೀಸಿಯಮ್, 2.17 ಮಿಲಿಗ್ರಾಂ ಸತುವು ಒಳಗೊಂಡಿದೆ. 

ಡ್ರೈಫ್ರೂಟ್ಸ್​: ಕಾಲು ಕಪ್ ಕಡಲೆಕಾಯಿ, ಬಾದಾಮಿ ಮತ್ತು ಪಿಸ್ತಾದಲ್ಲಿ ಬಹಳಷ್ಟು ಪ್ರೋಟೀನ್ ಇರುತ್ತದೆ. ಅವು 5.53 ಗ್ರಾಂ ಪ್ರೋಟೀನ್ ಅನ್ನು ಒದಗಿಸುತ್ತವೆ. ಅವು ಹೆಚ್ಚಿನ ಪ್ರಮಾಣದ ಕೊಬ್ಬನ್ನು ಸಹ ಹೊಂದಿರುತ್ತವೆ. ಈ ಬೀಜಗಳಲ್ಲಿ ವಿಟಮಿನ್ ಇ ಕೂಡ ಸಮೃದ್ಧವಾಗಿದೆ.

ಮೀನುಗಳು: ಮೀನುಗಳನ್ನು ಪ್ರೋಟೀನ್‌ನ ಅತ್ಯುತ್ತಮ ಮೂಲವೆಂದು ಪರಿಗಣಿಸಲಾಗಿದೆ. ಆದಾಗ್ಯೂ, ದೇಹಕ್ಕೆ ಲಭ್ಯವಿರುವ ಪ್ರೋಟೀನ್ ಪ್ರಮಾಣವು ಮೀನುಗಳ ಪ್ರಕಾರಗಳಿ ಅನುಗುಣಕ್ಕೆ ಅವಲಂಬಿಸಿರುತ್ತದೆ.ಇದನ್ನು ತಿನ್ನೋದ್ರಿಂದ ದೇಹದಲ್ಲಿ ಪ್ರೋಟೀನ್​ ಹೆಚ್ಚು ಉತ್ಪಾದನೆಯಾಗುತ್ತದೆ.