ಜಿಮ್​ ಇಲ್ಲಾ ಅನ್ನೋ ಚಿಂತೆನಾ?; ಈ ಆಹಾರ ಸೇವಿಸಿ ಬೊಜ್ಜು ಕರಗಿಸಿ

ದೇಹದ ತೂಕ ಜಾಸ್ತಿ ಇದ್ದರೆ ಸಾಕಷ್ಟು ಸಮಸ್ಯೆಗಳು ಎದುರಾಗುತ್ತವೆ. ಹೃದಯಾಘಾತ ಉಂಟಾಗಲೂ ದೇಹದ ಕೊಲೆಸ್ಟ್ರಾಲ್​ ಕಾರಣವಾಗಬಹುದು.

ಕೆಲವರು ಜಿಮ್​ಗೆ ಹೋಗುವ ಮೂಲಕ ದೇಹದ ತೂಕ ಇಳಿಸಿ ಕೊಳ್ಳುತ್ತಾರೆ.

ಅದರಲ್ಲೂ ಸೆಲೆಬ್ರಿಟಿಗಳು ಫಿಟ್​ನೆಸ್​ ಕಾಯ್ದುಕೊಳ್ಳಲು ಜಿಮ್​ ತೆರಳುತ್ತಾರೆ.

ಇದಕ್ಕಾಗಿಯೇ ಸೆಲೆಬ್ರಿಟಿಗಳು ಸಾಕಷ್ಟು ಹಣ ವ್ಯಯಿಸುತ್ತಾರೆ.

ನಾವು ತಿನ್ನುವ ಆಹಾರ ಕೂಡ ನಮ್ಮ ದೇಹದ ತೂಕವನ್ನು ನಿರ್ಧರಿಸುತ್ತದೆ.

ಜಂಕ್​ ಫುಡ್​ಗಳನ್ನು ಹೆಚ್ಚಾಗಿ ತಿಂದರೆ ದೇಹದಲ್ಲಿ ಬೊಜ್ಜು ಕಾಣಿಸಿಕೊಳ್ಳುತ್ತದೆ.

ಜಂಕ್​ಫುಡ್, ದೇಹಕ್ಕೆ ಸೂಕ್ತ ವ್ಯಾಯಾಮದ ಕೊರತೆ, ಒಂದೇ ಕಡೆ ಕುಳಿತು ಕೆಲಸ ಮಾಡುವುದು ಇವೆಲ್ಲ ನಮ್ಮ ದೇಹದಲ್ಲಿ ಕಾಣಿಸಿಕೊಳ್ಳುವ ಬೊಜ್ಜಿಗೆ ಮುಖ್ಯ ಕಾರಣಗಳು.

ನಿಮ್ಮ ದೇಹದ ತೂಕವನ್ನು ಇಳಿಸಲು ಇಲ್ಲಿವೆ ಸಿಂಪಲ್​ ಟಿಪ್ಸ್​ಗಳು.

ಕ್ಯಾರೆಟ್​ ನಿಮ್ಮ ದೇಹದ ತೂಕವನ್ನು ನಿಯಂತ್ರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ.

100 ಗ್ರಾಂ ಕ್ಯಾರೆಟ್​ನಲ್ಲಿ 41 ಕ್ಯಾಲರಿ ನಿಮ್ಮ ದೇಹಕ್ಕೆ ಸಿಗಲಿದೆ. ಫೈಬರ್​, ವಿಟಾಮಿನ್​ ಎ, ವಿಟಾಮಿನ್​ ಸಿ, ವಿಟಾಮಿನ್​ ಕೆ ನಿಮ್ಮ ದೇಹಕ್ಕೆ ಸಿಗಲಿದೆ.

ರಾತ್ರಿ ವೇಳೆ ಊಟದ ಬದಲು ಕ್ಯಾರೆಟ್​ ತಿಂದು ಮಲಗಿದರೆ ಉತ್ತಮ.

ಸೆಲರಿ ಹೆಸರಿನ ಸೊಪ್ಪು ಕೂಡ ನಿಮ್ಮ ದೇಹದ ತೂಕ ಇಳಿಸಲು ಸಹಕಾರಿ. ಆದರೆ, ಇದು ಭಾರತದ ಆಹಾರವಲ್ಲ. ಹಾಗಾಗಿ ಇದರ ಲಭ್ಯತೆ ಇಲ್ಲಿ ಕಡಿಮೆ.

ಟೊಮ್ಯಾಟೋ ಕೂಡ ದೇಹದ ತೂಕವನ್ನು ನಿಯಂತ್ರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ.

100 ಗ್ರಾಂ ಟೋಮ್ಯಾಟೋದಲ್ಲಿ ಕೇವಲ 19 ಕ್ಯಾಲೋರಿ ಸಿಗಲಿದೆ.

ಕೊಬ್ಬು ಹೆಚ್ಚದಂತೆ ನೋಡಿಕೊಳ್ಳಲು ಕಲ್ಲಂಗಡಿ ಹಣ್ಣು ಕೂಡ ಪ್ರಮುಖ ಆಹಾರ.

ಹೀಗಾಗಿ ರಾತ್ರಿ ನಿದ್ರಿಸುವಾಗ ಕಲ್ಲಂಗಡಿ ಜ್ಯೂಸ್​, ಕಲ್ಲಂಗಡಿ ಹಣ್ಣು ತಿನ್ನುವುದು ಉತ್ತಮ.

ಕೋಸುಗಡ್ಡೆ ಕೂಡ ನಿಮ್ಮ ದೇಹದಲ್ಲಿ ಕೊಬ್ಬು ಹೆಚ್ಚದಂತೆ ನೋಡಿಕೊಳ್ಳುತ್ತದೆ.

ಹೀಗಾಗಿ ರಾತ್ರಿ ಊಟದಲ್ಲಿ ಈ ಆಹಾರವೂ ಇರುವಂತೆ ನೋಡಿಕೊಳ್ಳುವುದು ಉತ್ತಮ.