Fridge Side Effects: ಬ್ರೆಡ್, ಜೇನುತುಪ್ಪವನ್ನು ಫ್ರಿಡ್ಜ್​ನಲ್ಲಿಟ್ಟು ತಿನ್ನುವುದು ಅಪಾಯಕಾರಿನಾ?

ಕೆಲವು ಆಹಾರ ಪದಾರ್ಥಗಳನ್ನು ಫ್ರಿಡ್ಜ್ ನಲ್ಲಿಟ್ಟರೆ ರುಚಿ ಬದಲಾಗುತ್ತದೆ, ಇದು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ. ಹಾಗಾದರೆ ನೀವು ಫ್ರಿಡ್ಜ್ ನಲ್ಲಿ ಇಡುವುದನ್ನು ತಪ್ಪಿಸಬೇಕಾದ 7 ವಸ್ತುಗಳ ಪಟ್ಟಿ ಇಲ್ಲಿದೆ.

ಬಾಳೆಹಣ್ಣು: ಹೆಚ್ಚಿನ ಜನರು ಬಾಳೆಹಣ್ಣುಗಳನ್ನು ಸಂಗ್ರಹಿಸಲು ಫ್ರಿಡ್ಜ್ ಸಹಾಯವನ್ನು ತೆಗೆದುಕೊಳ್ಳುತ್ತಾರೆ. ಆದರೆ ಫ್ರಿಡ್ಜ್ ನಲ್ಲಿಟ್ಟರೆ ಬಾಳೆಹಣ್ಣು ಬೇಗನೆ ಕಪ್ಪಾಗುತ್ತದೆ. ಅಷ್ಟೇ ಅಲ್ಲ, ಫ್ರಿಡ್ಜ್ ನಲ್ಲಿ ಬಾಳೆಹಣ್ಣನ್ನು ಇಡುವುದರಿಂದ ಎಥಿಲೀನ್ ಗ್ಯಾಸ್ ಬಿಡುಗಡೆಯಾಗುತ್ತದೆ, ಇದು ಫ್ರಿಡ್ಜ್ನಲ್ಲಿ ಇರಿಸಲಾದ ಇತರ ವಸ್ತುಗಳಿಗೆ ಹಾನಿಕಾರಕವಾಗಿದೆ.

ಕಲ್ಲಂಗಡಿ: ಕಲ್ಲಂಗಡಿಗಳನ್ನು ಫ್ರಿಜ್ನಲ್ಲಿ ಇಡುವುದನ್ನು ತಪ್ಪಿಸಿ, ವಿಶೇಷವಾಗಿ ಅವುಗಳನ್ನು ಕತ್ತರಿಸಿದ ನಂತರ. ಹೀಗೆ ಮಾಡುವುದರಿಂದ ಈ ಹಣ್ಣುಗಳಲ್ಲಿರುವ ಆ್ಯಂಟಿ ಆಕ್ಸಿಡೆಂಟ್ ಗಳು ನಾಶವಾಗುವುದರ ಜೊತೆಗೆ ಅವುಗಳ ರುಚಿಯೂ ಬದಲಾಗತೊಡಗುತ್ತದೆ.

ಜೇನುತುಪ್ಪ: ಇದನ್ನೂ ಫ್ರಿಡ್ಜ್ ನಲ್ಲಿ ಇಡುವುದನ್ನು ಸಹ ತಪ್ಪಿಸಬೇಕು. ಜೇನುತುಪ್ಪವನ್ನು ಫ್ರಿಡ್ಜ್ ನಲ್ಲಿ ಇಡುವುದರಿಂದ ಅದರ ಬಣ್ಣ ಬದಲಾಗುತ್ತದೆ. ಜೇನುತುಪ್ಪದಲ್ಲಿ ಹರಳುಗಳು ರೂಪುಗೊಳ್ಳಲು ಪ್ರಾರಂಭಿಸುತ್ತವೆ, ಇದು ಆರೋಗ್ಯಕ್ಕೆ ಯಾವುದೇ ರೀತಿಯಲ್ಲಿ ಪ್ರಯೋಜನಕಾರಿಯಲ್ಲ.

ಕಿತ್ತಳೆ-ನಿಂಬೆ: ಕಿತ್ತಳೆ ಮತ್ತು ನಿಂಬೆಯಂತಹ ಸಿಟ್ರಿಕ್ ಸ್ವಭಾವದ ಹಣ್ಣುಗಳನ್ನು ಸಹ ಫ್ರಿಜ್ ನಲ್ಲಿ ಸಂಗ್ರಹಿಸಬಾರದು. ಈ ವಸ್ತುಗಳು ಆಮ್ಲೀಯ ಗುಣವನ್ನು ಹೊಂದಿವೆ. ಇವುಗಳನ್ನು ಫ್ರಿಜ್ನಲ್ಲಿ ಇರಿಸುವುದರಿಂದ, ತಂಪಾದ ತಾಪಮಾನವು ಅವುಗಳನ್ನು ಬೇಗ ಹಾಳುಮಾಡುತ್ತದೆ.

ಬ್ರೆಡ್: ಮಾರುಕಟ್ಟೆಯಿಂದ ಬ್ರೆಡ್ ತಂದ ತಕ್ಷಣ, ಜನರು ಅದನ್ನು ಮೊದಲು ಫ್ರಿಡ್ಜ್ ನಲ್ಲಿ ಸಂಗ್ರಹಿಸುತ್ತಾರೆ. ಬ್ರೆಡ್ ಅನ್ನು ಫ್ರಿಜ್ ನಲ್ಲಿ ಇಡಬಾರದು. ಏಕೆಂದರೆ ಅದು ಬೇಗನೆ ಒಣಗಲು ಪ್ರಾರಂಭಿಸುತ್ತದೆ. ಇದರಿಂದಾಗಿ ಅದರ ರುಚಿಯೂ ಬದಲಾಗುತ್ತದೆ, ಆರೋಗ್ಯಕ್ಕೂ ಒಳ್ಳೆಯದಲ್ಲ.

ಟೊಮೆಟೊ: ಫ್ರಿಜ್ ನಲ್ಲಿ ಇರಿಸುವುದರಿಂದ ಟೊಮೆಟೊಗಳ ಮೇಲಿನ ಚರ್ಮವು ಕೊಳೆಯಲು ಪ್ರಾರಂಭಿಸುತ್ತದೆ. ಇದನ್ನು ತಿಂದರೆ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಆಲೂಗೆಡ್ಡೆ: ಅನೇಕ ಜನರು ಆಲೂಗಡ್ಡೆಯನ್ನು ಹೆಚ್ಚಿನ ಪ್ರಮಾಣದಲ್ಲಿ ಖರೀದಿಸಿ ಫ್ರಿಡ್ಜ್ ನಲ್ಲಿ ಸಂಗ್ರಹಿಸುತ್ತಾರೆ. ಆದರೆ ಆಲೂಗೆಡ್ಡೆಯನ್ನು ಫ್ರಿಡ್ಜ್ ನಲ್ಲಿ ಶೇಖರಿಸಿಡುವುದರಿಂದ ಅವುಗಳಲ್ಲಿರುವ ಪಿಷ್ಟವು ಕೊಳೆಯಲು ಕಾರಣವಾಗುತ್ತದೆ. ಇದರಿಂದಾಗಿ ಅದರ ರುಚಿ ತುಂಬಾ ಕೆಟ್ಟದಾಗಿರುತ್ತದೆ.