Kidney Cleaning Juices: ಈ ಪಾನೀಯಗಳನ್ನು ಕುಡಿದ್ರೆ ಸಾಕು ನಿಮ್ಮ ಕಿಡ್ನಿ ಫುಲ್ ಕ್ಲೀನ್ ಆಗುತ್ತೆ!

ಮೂತ್ರಪಿಂಡವು ನಮ್ಮ ದೇಹದಿಂದ ಎಲ್ಲಾ ರೀತಿಯ ಹಾನಿಕಾರಕ ವಿಷಗಳನ್ನು ಮೂತ್ರದ ಮೂಲಕ ತೆಗೆದುಹಾಕುತ್ತದೆ. ಆದರೆ, ಹಾನಿಕಾರಕ ವಿಷದ ಪ್ರಮಾಣವು ಹೆಚ್ಚಾದಾಗ ಅಥವಾ ಕೆಲವು ಕಾರಣಗಳಿಂದ ಮೂತ್ರಪಿಂಡವು ದುರ್ಬಲಗೊಳ್ಳಲು ಪ್ರಾರಂಭಿಸಿದಾಗ, ಮೂತ್ರಪಿಂಡವನ್ನು ಶುದ್ಧೀಕರಿಸುವುದು ಅವಶ್ಯಕ. (Image: Canva)

ಕಿಡ್ನಿಯನ್ನು ಸ್ವಚ್ಛಗೊಳಿಸದಿದ್ದರೆ ಕಿಡ್ನಿ ಸರಿಯಾಗಿ ಕಾರ್ಯನಿರ್ವಹಿಸುವುದಿಲ್ಲ. ಕಿಡ್ನಿ ಸರಿಯಾಗಿ ಕಾರ್ಯನಿರ್ವಹಿಸದಿದ್ದರೆ, ದೇಹದಲ್ಲಿ ತಯಾರಾದ ಖನಿಜಾಂಶಗಳು, ರಾಸಾಯನಿಕಗಳು, ಸೋಡಿಯಂ, ಕ್ಯಾಲ್ಸಿಯಂ, ನೀರು, ರಂಜಕ, ಪೊಟ್ಯಾಶಿಯಂ, ಗ್ಲುಕೋಸ್ ಮೊದಲಾದ ಅಧಿಕ ಪದಾರ್ಥಗಳು ಹೊರ ಹೋಗುವುದಿಲ್ಲ. ಇದು ದೊಡ್ಡ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. (Image: Canva)

ಆದರೆ ಕೆಲವು ಆಹಾರಗಳನ್ನು ಸೇವಿಸುವ ಮೂಲಕ ನೀವು ಮೂತ್ರಪಿಂಡದ ಕಾರ್ಯವನ್ನು ಸರಿಪಡಿಸಬಹುದು. ಇಲ್ಲದಿದ್ದರೆ ಈ ಜ್ಯೂಸ್ ಅಥವಾ ಪಾನೀಯಗಳನ್ನು ಕೂಡ ಕುಡಿಯಬಹುದು. ಹಾಗಾದರೆ ಮೂತ್ರಪಿಂಡಗಳನ್ನು ನಿರ್ವಿಷಗೊಳಿಸಲು ಇರುವ ಪಾನೀಯಗಳು ಯಾವುವು? ಅದು ಹೇಗೆ ಕೆಲಸ ಮಾಡುತ್ತವೆ ಎಂಬುದನ್ನು ತಿಳಿದುಕೊಳ್ಳೋಣ ಬನ್ನಿ. (Image: Canva)

ವಾಟರ್-ಹೆಲ್ತ್ಲೈನ್ ನ್ಯೂಸ್ ಪ್ರಕಾರ, ಮೂತ್ರಪಿಂಡದ ಆರೋಗ್ಯಕ್ಕೆ ನೀರು ಕುಡಿಯುವುದು ಬಹಳ ಮುಖ್ಯವಾಗಿದೆ. ನಮ್ಮ ದೇಹದ ಶೇಕಡಾ 60 ಕ್ಕಿಂತ ಹೆಚ್ಚು ನೀರು ಇರುವುದರಿಂದ, ಮೆದುಳಿನಿಂದ ಯಕೃತ್ತಿನವರೆಗೆ ಪ್ರತಿಯೊಂದು ಅಂಗಕ್ಕೂ ನೀರಿನ ಅಗತ್ಯವಿದೆ. ದೇಹದ ಎಲ್ಲಾ ಕಾರ್ಯಗಳಿಗೆ ನೀರು ಅವಶ್ಯಕ. ನೀವು ಹೆಚ್ಚು ನೀರು ಕುಡಿದರೆ ದೇಹದಲ್ಲಿ ಉತ್ಪತ್ತಿಯಾಗುವ ವಿಷಕಾರಿ ಅಂಶಗಳು ಮೂತ್ರದ ಮೂಲಕ ಬೇಗನೆ ಹೊರಹಾಕಲ್ಪಡುತ್ತವೆ. ಕಡಿಮೆ ನೀರು ಕುಡಿದರೆ ಮೂತ್ರ ಕಡಿಮೆಯಾಗುತ್ತದೆ. ಕಡಿಮೆ ಮೂತ್ರ ವಿಸರ್ಜನೆಯು ಮೂತ್ರಪಿಂಡದ ವೈಫಲ್ಯಕ್ಕೆ ಮುಖ್ಯ ಕಾರಣವಾಗಿದೆ. (Image: Canva)

ದ್ರಾಕ್ಷಿ ಜ್ಯೂಸ್: ದ್ರಾಕ್ಷಿ ಹಣ್ಣಿನ ಜ್ಯೂಸ್ ಮೂತ್ರಪಿಂಡಗಳಿಗೆ ತುಂಬಾ ಉಪಯುಕ್ತವಾಗಿದೆ. ಮೂತ್ರಪಿಂಡಗಳನ್ನು ನಿರ್ವಿಷಗೊಳಿಸಲು ಇದು ಉತ್ತಮ ಮಾರ್ಗವಾಗಿದೆ. ದ್ರಾಕ್ಷಿಯಲ್ಲಿ ರೆಸ್ವೆರಾಟ್ರೊಲ್ ಎಂಬ ಸಂಯುಕ್ತವಿದೆ. ಇದು ಎಲ್ಲಾ ರೀತಿಯ ಮೂತ್ರಪಿಂಡದ ಉರಿಯೂತವನ್ನು ಗುಣಪಡಿಸುತ್ತದೆ. (Image: Canva)

ಕ್ರ್ಯಾನ್ಬೆರಿ ಜ್ಯೂಸ್: ಕ್ರ್ಯಾನ್ಬೆರಿ ಎಲ್ಲಾ ರೀತಿಯ ಮೂತ್ರಕೋಶ ಸಂಬಂಧಿತ ಸಮಸ್ಯೆಗಳಿಗೆ ರಾಮಬಾಣವಾಗಿದೆ. ನ್ಯೂಟ್ರಿಷನ್ ಜರ್ನಲ್ ಪ್ರಕಾರ, ಪ್ರತಿದಿನ ಕ್ರ್ಯಾನ್ಬೆರಿ ಜ್ಯೂಸ್ ಕುಡಿಯುವುದರಿಂದ ಮೂತ್ರನಾಳದ ಸೋಂಕನ್ನು ಗುಣಪಡಿಸಬಹುದು. (Image: Canva)

ಹಣ್ಣಿನ ಜ್ಯೂಸ್: ಹಣ್ಣಿನ ಜ್ಯೂಸ್ನಲ್ಲಿ, ನಿಂಬೆ, ಕಿತ್ತಳೆ ಮತ್ತು ಕಲ್ಲಂಗಡಿ ಜ್ಯೂಸ್ ಮೂತ್ರಪಿಂಡವನ್ನು ಶುದ್ಧೀಕರಿಸಲು ತುಂಬಾ ಪರಿಣಾಮಕಾರಿಯಾಗಿದೆ. ಈ ಹಣ್ಣುಗಳ ಜ್ಯೂಸ್ ಕಿಡ್ನಿ ಸ್ಟೋನ್ ಆಗುವುದನ್ನು ತಡೆಯುತ್ತದೆ. ಜೊತೆಗೆ, ಇದು ಇಡೀ ದೇಹದಲ್ಲಿನ ತೇವಂಶವನ್ನು ಸಮತೋಲನಗೊಳಿಸುತ್ತದೆ. (Image: Canva)

ಹೈಡ್ರೇಂಜ ಚಹಾ: ಹೈಡ್ರೇಂಜವು ಲ್ಯಾವೆಂಡರ್, ಗುಲಾಬಿ, ನೀಲಿ ಮತ್ತು ಬಿಳಿ ಹೂವುಗಳಿಂದ ತಯಾರಿಸುವ ಒಂದು ರೀತಿಯ ಚಹಾವಾಗಿದೆ. ಸಂಶೋಧನೆಯ ಪ್ರಕಾರ, ಹೈಡ್ರೇಂಜ ಮೂತ್ರಪಿಂಡದ ಹಾನಿಯಿಂದ ಮೂತ್ರಪಿಂಡಗಳನ್ನು ರಕ್ಷಿಸುತ್ತದೆ. ಇದರಲ್ಲಿರುವ ಆ್ಯಂಟಿಆಕ್ಸಿಡೆಂಟ್ಗಳು ಮೂತ್ರಪಿಂಡದಲ್ಲಿ ಉರಿಯೂತವನ್ನು ಉಂಟುಮಾಡುವುದಿಲ್ಲ. (Image: Canva)