Rusk: ರಸ್ಕ್ ಅಂದ್ರೆ ತುಂಬಾ ಇಷ್ಟನಾ? ಹಾಗಾದ್ರೆ ಹುಷಾರ್ ಹಳಸಿದ ಬ್ರೇಡ್​ನಿಂದಲೂ ತಯಾರಿಸ್ತಾರಂತೆ!

ಅನೇಕ ಮಂದಿ ಬೆಳಗಿನ ತಿಂಡಿಗೆ ರಸ್ಕ್ ತಿನ್ನಲು ಇಷ್ಟಪಡುತ್ತಾರೆ. ಸಾಮಾನ್ಯವಾಗು ರಸ್ಕ್ ಎಲ್ಲರಿಗೂ ತುಂಬಾ ಇಷ್ಟವಾಗುತ್ತದೆ. ಅಲ್ಲದೇ ರಸ್ಕ್ ಬೆಲೆ ತುಂಬಾ ಅಗ್ಗವಾಗಿದೆ ಮತ್ತು ತಿನ್ನಲು ಸುಲಭವಾಗಿದೆ. ಹಾಗಾಗಿ ಬೆಳಗ್ಗೆ ಕೆಲಸಕ್ಕೆ ಹೋಗುವಾಗ ಚಹಾದೊಂದಿಗೆ ರಸ್ಕ್ ತಿನ್ನಲು ಇಷ್ಟಪಡುತ್ತಾರೆ. ಇದು ಹೊಟ್ಟೆಯನ್ನು ಸಹ ತುಂಬಿಸುತ್ತದೆ.

ಬ್ರೆಡ್ಗಿಂತ ಬೇಗ ಜೀರ್ಣಿಸಿಕೊಳ್ಳಲು ಸುಲಭ ಎಂದು ಭಾವಿಸಲಾಗಿದೆ. ಆದರೆ ಇದರ ಬಗ್ಗೆ ನಿಮಗೆ ಗೊತ್ತಿಲ್ಲದ ಕೆಲವು ವಿಷಯಗಳಿವೆ. ರಸ್ಕ್ ಅನ್ನು ಸಾಮಾನ್ಯವಾಗಿ ಹಿಟ್ಟು, ಸಕ್ಕರೆ, ಯೀಸ್ಟ್ ಮತ್ತು ತುಪ್ಪದಿಂದ ತಯಾರಿಸಲಾಗುತ್ತದೆ. ಆದರೆ, ಅನೇಕ ಮಂದಿ ಇದನ್ನು ಹಳಸಿದ ಬ್ರೆಡ್‌ನಿಂದ ತಯಾರಿಸುತ್ತಾರೆ. ಇದು ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಅಲ್ಲದೇ ಅಲರ್ಜಿ ಆಗುವ ಸಾಧ್ಯತೆ ಕೂಡ ಹೆಚ್ಚಾಗಿರುತ್ತದೆ. ಹಾಗಾದರೆ ರಸ್ಕ್ನಿಂದ ಆರೋಗ್ಯದ ಮೇಲೆ ಬೀರುವ ಪರಿಣಾಮಗಳನ್ನು ತಿಳಿಯೋಣ.

ರಸ್ಕ್ ತಿನ್ನುವುದರಿಂದ ಆಗುವ ಅನಾನುಕೂಲಗಳೇನು?: ಲೈವ್‌ಸ್ಟ್ರಾಂಗ್ ಪ್ರಕಾರ ಬ್ರೆಡ್ ಟೋಸ್ಟ್ ಒಂದು ರಾಸಾಯನಿಕ ಕ್ರಿಯೆಯಾಗಿದ್ದು, ಈ ಸಮಯದಲ್ಲಿ ಅಣುಗಳು ಒಡೆಯುತ್ತವೆ. ಈ ಪ್ರಕ್ರಿಯೆಯಲ್ಲಿ ಬ್ರೆಡ್ನ ತೇವಾಂಶವು ಕಡಿಮೆಯಾಗುತ್ತದೆ. ಕ್ಯಾಲೋರಿಗಳು ಸಹ ಕಡಿಮೆಯಾಗುತ್ತದೆ. ರಸ್ಕ್ ತಿನ್ನುವುದರಿಂದ ಆಗುವ ಅನಾನುಕೂಲತೆಗಳು ಈ ಕೆಳಗಿನಂತಿವೆ.

ಹೃದಯಕ್ಕೆ ಹಾನಿಕಾರಕ: ರಸ್ಕ್ ಅನ್ನು ಹೆಚ್ಚು ಹಿಟ್ಟು, ಎಣ್ಣೆ ಮತ್ತು ಸಕ್ಕರೆಯಿಂದ ತಯಾರಿಸಿದರೆ, ಅದು ಹೃದಯದ ನರಗಳನ್ನು ದುರ್ಬಲಗೊಳಿಸುತ್ತದೆ. ಇದು ಹೃದಯಾಘಾತದಂತಹ ಹೃದ್ರೋಗಗಳ ಅಪಾಯವನ್ನೂ ಹೆಚ್ಚಿಸುತ್ತದೆ.

ಜೀರ್ಣಾಂಗ ವ್ಯವಸ್ಥೆಯ ತೊಂದರೆಗಳು: ರಸ್ಕ್ಗಳು ಜೀರ್ಣಾಂಗ ವ್ಯವಸ್ಥೆಗೆ ಹಾನಿಕಾರಕವೆಂದು ಭಾವಿಸಲಾಗಿದೆ. ರಸ್ಕ್ ಜೀರ್ಣಿಸಿಕೊಳ್ಳಲು ಕಷ್ಟವಾಗಬಹುದು. ಇದು ಹೊಟ್ಟೆಗೆ ಸಂಬಂಧಿಸಿದ ಅನೇಕ ರೋಗಗಳಿಗೆ ಕಾರಣವಾಗುತ್ತದೆ.

ಪೋಷಕಾಂಶಗಳಲ್ಲಿ ಕಡಿಮೆ: ರಸ್ಕ್‌ಗಳನ್ನು ತಿನ್ನುವುದರಿಂದ ಕಡಿಮೆ ಪೋಷಕಾಂಶಗಳು ದೊರೆಯುತ್ತವೆ. ಇದನ್ನು ತಿನ್ನುವುದರಿಂದ ಹೊಟ್ಟೆ ತುಂಬುತ್ತದೆ. ಆದರೆ ಯಾವುದೇ ಆರೋಗ್ಯ ಪ್ರಯೋಜನಗಳಿಲ್ಲ.

ಹೈ ಬ್ಲಡ್ ಶುಗರ್: ರಸ್ಕ್ಗಳನ್ನು ಹೆಚ್ಚಾಗಿ ಸೇವಿಸುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸಬಹುದು. ರಕ್ತದಲ್ಲಿನ ಸಕ್ಕರೆಯ ಹೆಚ್ಚಳದಿಂದಾಗಿ, ಮಧುಮೇಹವನ್ನು ಹೊರತುಪಡಿಸಿ, ಹೃದ್ರೋಗಗಳು, ಹೃದಯಾಘಾತ ಮುಂತಾದ ಅನೇಕ ಸಮಸ್ಯೆಗಳ ಅಪಾಯವೂ ಹೆಚ್ಚಾಗುತ್ತದೆ.