New Technology: ಸುಳ್ಳು ಹೇಳಿ ಸಿಕ್ ಲೀವ್ ತೆಗೆದುಕೊಳ್ಳೋ ಮುಂಚೆ ಹುಷಾರ್; ನಿಮ್ಮನ್ನು ಸಿಕ್ಕಿಹಾಕಿಸುತ್ತೆ ಈ ಟೆಕ್ನಾಲಜಿ!

ಅನೇಕ ಮಂದಿ ಶೀತ, ನೆಗಡಿ, ಜ್ವರ ಅಂತೆಲ್ಲಾ ಸುಳ್ಳು ಹೇಳಿ, ಕಚೇರಿ, ಶಾಲಾ-ಕಾಲೇಜುಗಳಿಗೆ ಚಕ್ಕರ್ ಹಾಕುತ್ತಾರೆ. ಆದರೆ ಇನ್ನೂ ಮುಂದೆ ಸುಳ್ಳು ಹೇಳಿ ಸಿಕ್ ಲೀವ್ ತೆಗೆದುಕೊಳ್ಳುವ ಮುನ್ನ ಹುಷಾರ್ ಆಗಿರಿ. ಏಕೆಂದರೆ ಇದಕ್ಕೂ ಹೊಸ ತಂತ್ರಜ್ಞಾನ ಅಭಿವೃದ್ದಿ ಪಡಿಸಲಾಗುತ್ತದೆ. ಅಷ್ಟಕ್ಕೂ ಏನಪ್ಪಾ ಇದು ಹೊಸ ವಿಚಾರ ಅಂತ ಗೊಂದಲಕ್ಕೊಳಗಾಗಬೇಡಿ ಈ ಕುರಿತಂತೆ ಒಂದಷ್ಟು ಮಾಹಿತಿ ಈ ಕೆಳಗಿನಂತಿದೆ ನೋಡಿ.

ಹೌದು, ಹೊಸ ತಂತ್ರಜ್ಞಾನವೊಂದನ್ನು ಅಭಿವೃದ್ಧಿ ಪಡಿಸಲಾಗುತ್ತಿದ್ದು, ಇದು ನಮ್ಮ ಧ್ವನಿ ತರಂಗಗಳನ್ನು(ಸಿಗ್ನಲ್‌) ಬಳಸಿಕೊಂಡು ಶೀತ, ನೆಗಡಿ, ಜ್ವರದಂತಹ ಕಾಯಿಲೆಗಳನ್ನು ಸುಲಭವಾಗಿ ಪತ್ತೆ ಹಚ್ಚಲಿದೆ.

ಸೂರತ್ನ ಸರ್ದಾರ್ ವಲ್ಲಭಭಾಯಿ ಪಟೇಲ್ ರಾಷ್ಟ್ರೀಯ ತಂತ್ರಜ್ಞಾನ ಸಂಸ್ಥೆಯ ಸಂಶೋಧಕರು ಹಾಗೂ ಜರ್ಮನಿಯ ರೆನಿಶ್ ಅನ್ವಯಿಕ ವಿಜ್ಞಾನ ವಿಶ್ವವಿದ್ಯಾಲಯದ ಸಂಶೋಧಕರು ಕೃತಕ ಬುದ್ಧಿಮತ್ತೆ(ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್) ಬಳಸಿ ವ್ಯಕ್ತಿಗಳ ಧ್ವನಿ ಮೂಲಕ ಜ್ವರ, ಶೀತದಂತಹ ರೋಗಗಳನ್ನು ಪತ್ತೆಹಚ್ಚುವ ತಂತ್ರಜ್ಞಾನವನ್ನು ಅಭಿವೃದ್ಧಿ ಪಡಿಸಿದ್ದಾರೆ.

ಈ ಕುರಿತಂತೆ ಸೈನ್ಸ್ ಡೈರೆಕ್ಟ್‘ ಎಂಬ ವಿಜ್ಞಾನ ಮಾಸ ಪತ್ರಿಕೆಯಲ್ಲಿ ಸುದ್ದಿಯನ್ನು ಪ್ರಕಟಿಸಲಾಗಿದ್ದು, ಸುಮಾರು 635 ಜನರ ಧ್ವನಿ ಮಾದರಿ ಸಂಗ್ರಹಿಸಿ ಸಂಶೋಧಕರು ವಿಶ್ಲೇಷಣೆ ನಡೆಸಿದ್ದಾರೆ.

ಇದರಲ್ಲಿ 111 ಮಂದಿ ಶೀತದಿಂದ ಬಳಲುತ್ತಿರುವುದು ಪತ್ತೆಯಾಗಿದೆ. ಅನಾರೋಗ್ಯ ಹೊಂದಿರುವವರು ಮತ್ತು ಆರೋಗ್ಯ ಸರಿ ಇರುವವರ ಧ್ವನಿ ಮಾದರಿಗಳ ವ್ಯತ್ಯಾಸವನ್ನು ವಿಶ್ಲೇಷಣೆ ನಡೆಸಲಾಗಿತ್ತು. ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಮೂಲಕ ಇದನ್ನು ಪರೀಕ್ಷಿಸಲಾಗಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಪರೀಕ್ಷೆ ನಡೆಸುವ ವೇಳೆ ಸಂಶೋಧನೆಯಲ್ಲಿ ಪಾಲ್ಗೊಂಡವರಿಗೆ ಕೆಲವೊಂದು ಆದೇಶಗಳನ್ನು ಫಾಲೋ ಮಾಡುವಂತೆ ಸೂಚಿಸಿ, 1ರಿಂದ 40ರವರೆಗೆ ಎಣಿಸಲು ಹೇಳಲಾಯಿತು. ನಂತರ ಒಂದು ವಾರದಲ್ಲಿ ಅವರು ಮಾಡಿದ ಕೆಲಸದ ಬಗ್ಗೆ ವಿವರಿಸಲು ತಿಳಿಸಲಾಯಿತು. ಕೊನೆಗೆ ದಿ ನಾರ್ಥ್ ವಿಂಡ್ ಆಂಡ್ ಸನ್‘ ಎಂಬ ನೀತಿ ಕಥೆಯನ್ನು ಓದಲು ಸೂಚಿಸಲಾಯಿತು.

ಈ ಎಲ್ಲ ಅಂಶಗಳ ಮೂಲಕ ಹೊಸ ಎಐ ತಂತ್ರಜ್ಞಾನವು ಶೀತವಿರುವ ಮತ್ತು ಶೀತವಿಲ್ಲದವರ ಮಾತಿನ ನಡುವಿನ ವ್ಯತ್ಯಾಸವನ್ನು ಗುರುತಿಸಿದೆ. ಈ ಹೊಸ ತಂತ್ರಜ್ಞಾನ ಶೇಕಡ 70ರಷ್ಟು ನಿಖರವಾಗಿ ರೋಗ ಲಕ್ಷಣವನ್ನು ಗುರುತಿಸುವ ಸಾಮಾಥ್ರ್ಯವನ್ನು ಹೊಂದಿದೆ.

ಸಾಂಮುಂದಿನ ದಿನಗಳಲ್ಲಿ ಈ ತಂತ್ರಜ್ಞಾನವನ್ನು ಆವಿಷ್ಕಾರಗೊಳಿಸಲಾಗುತ್ತದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.