Tamarind Chutney: ಜ್ವರ ಬಂದು ಬಾಯಿಗೆ ಏನೂ ರುಚಿಸುತ್ತಿಲ್ವಾ? ಹಾಗಾದ್ರೆ ಇದನ್ನು ಟ್ರೈ ಮಾಡಿ

ನೀವು ಜ್ವರ ಬಂದು ಬಾಯಿಗೆ ಏನೂ ರುಚಿಸುತ್ತಿಲ್ಲ ಎನ್ನುವ ಸಂದರ್ಭದಲ್ಲಿ ಏನಾದರು ಹುಳಿ, ಖಾರ ಮತ್ತು ಉಪ್ಪು ಹೆಚ್ಚಿರುವ ಪದಾರ್ಥ ತಿನ್ನಬೇಕು ಎಂದುಕೊಳ್ಳುತ್ತೀರಿ.

ಅಂತ ಸಂದರ್ಭದಲ್ಲಿ ತಿನ್ನಲು ತುಂಬಾ ರುಚಿಕರವಾದ ಮತ್ತು ಯೋಗ್ಯವಾದ ಈ ಹುಣಸೆ ಗೊಜ್ಜನ್ನು ನೀವು ಮನೆಯಲ್ಲಿ ಹೇಗೆ ತಯಾರಿಸಬಹುದು ಎಂಬ ಮಾಹಿತಿ ಇಲ್ಲಿ ನೀಡಲಾಗಿದೆ ಗಮನಿಸಿ.

ಇದಕ್ಕೆ ಬೆಳ್ಳುಳ್ಳಿ ಮತ್ತು ಹುಣಸೆ ಹಣ್ಣು ಬಹು ಮುಖ್ಯ ಪದಾರ್ಥವಾಗಿರುತ್ತದೆ. ನೀವು ಯಾವ ಪ್ರಮಾಣದಲ್ಲಿ ಈ ಗೊಜ್ಜು ಮಾಡಲು ಬಯಸುತ್ತೀರೋ ಅಷ್ಟು ಪ್ರಮಾಣದಲ್ಲಿ ಇದನ್ನು ತೆಗೆದಿಟ್ಟುಕೊಳ್ಳಿ.

ಮತ್ತೆ ಇದಕ್ಕೆ ಒಗ್ಗರಣೆ ಮಾಡಬೇಕಾಗುತ್ತದೆ. ಅದಕ್ಕೆ ಬೇಕಾಗಿರುವ ಎಣ್ಣೆ, ಸಾಸಿವೆ, ಜೀರಿಗೆ, ಹಸಿ ಮೆಣಸು, ಕರಿ ಬೇವು, ದೊಡ್ಡ ಚಿಟಿಕೆ ಅರಶಿನ ಪುಡಿ ಇವೆಲ್ಲವನ್ನೂ ತೆಗೆದಿಟ್ಟುಕೊಳ್ಳಿ.

ಮಾಡುವ ವಿಧಾನವನ್ನು ಗಮನಿಸುವುದಾದರೆ ಹುಣಸೆ ಹಣ್ಣನ್ನು ನೀರಿನಲ್ಲಿ ನೆನೆಸಿಡಿ ನಂತರ ಅದರಿಂದ ಪೇಸ್ಟ್​ ತಯಾರಿಸಿ. ಅಥವಾ ಅದನ್ನು ನುಣ್ಣಗೆ ರುಬ್ಬಿ. ಅದಕ್ಕೆ ಮೇಲಿನ ಪದಾರ್ಥಗಳನ್ನು ಹಾಕಿ ಒಗ್ಗರಣೆ ಹಾಕಿ.

ಇದರಿಂದ ನೆನಸಿದ ನೀರನ್ನು ಬಳಸಿಕೊಂಡು ನೀವು ಸಾರನ್ನು ಮಾಡಬಹದು. ನೆನಸಿದಾಗ ಬರುವ ಹುಳಿ ನೀರಿಗೆ ಉಪ್ಪು ಹಾಕಿ, ಚೂರು ಬೆಲ್ಲ ಹಾಕಿ. ಗೊಜ್ಜಿಗೂ ಸಕ್ಕರೆ ಮತ್ತು ಉಪ್ಪು ಹಾಕಿ

ನೋಡುತ್ತಿದ್ದಂತೆ ಬಾಯಲ್ಲಿ ನೀರೂರುವ ಈ ಗೊಜ್ಜನ್ನು ನೀವು ನಿಮ್ಮ ಮನೆಯಲ್ಲಿ ತಯಾರಿಸಿ ಯಾರಿಗೆಲ್ಲಾ ಬಾಯಿ ರುಚಿ ಬೇಕೆನಿಸುತ್ತದೆಯೋ ಅವೆಲ್ಲ ಇದನ್ನು ತಿನ್ನಬಹುದು.