Tamannaah Bhatia: ಮಿಲ್ಕಿ ಬ್ಯೂಟಿಯ ಸೌಂದರ್ಯದ ರಹಸ್ಯ, ನಟಿ ತಮ್ಮನ್ನಾ ಬಳಸೋ ಮನೆಮದ್ದು ಇದು

ನಮಗೆ ವಯಸ್ಸಾದಂತೆ, ನಮ್ಮ ಚರ್ಮದ ಗುಣಮಟ್ಟವನ್ನು ಹೆಚ್ಚಿಸಲು ಸಲಹೆಗಳು ಮತ್ತು ಟಿಪ್ಸ್ಗಳನ್ನು ನಾವು ನಿರಂತರವಾಗಿ ಹುಡುಕುತ್ತೇವೆ. 21 ವರ್ಷ ವಯಸ್ಸಿನ ನಂತರ, ಚರ್ಮವು ಪ್ರತಿ ವರ್ಷ 1 ಪ್ರತಿಶತದಷ್ಟು ಕಾಲಜನ್ ಅನ್ನು ಕಳೆದುಕೊಳ್ಳಲು ಪ್ರಾರಂಭಿಸುತ್ತದೆ. ಅದಕ್ಕೆ ಸೂಕ್ತವಾದ ಆರೈಕೆ ಅಗತ್ಯ.

ವಯಸ್ಸು 30 ಆಗುತ್ತಿದ್ದಂತೆ ನಮ್ಮ ಚರ್ಮವು ಸ್ವಲ್ಪ ಮಸುಕಾಗಿ ಕಾಣುತ್ತದೆ. ಉತ್ತಮ ಪೋಷಣೆ ಮಾಡುವುದು ಮತ್ತು ಚರ್ಮದ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ಅದಕ್ಕೆ ತಮ್ಮನ್ನಾ ಅವರ ಈ ಟಿಪ್ಸ್ ಫಾಲೋ ಮಾಡಿ.

ನಟಿ ಕೆಲವು ಅದ್ಭುತವಾದ DIY ಮುಖದ ಮಾಸ್ಕ್ಗಳನ್ನು ಬಳಸುತ್ತಾರಂತೆ. ಇತ್ತೀಚೆಗೆ ನೀಡಿದ ಸಂದರ್ಶನದಲ್ಲಿ, ತಮನ್ನಾ ಅವರು ಮನೆಯಲ್ಲಿ ತಯಾರಿಸಿದ ಮಾಸ್ಕ್ಗಳ ಬಗ್ಗೆ ಹಂಚಿಕೊಂಡಿದ್ದು, ಶ್ರೀಗಂಧ, ಜೇನುತುಪ್ಪ ಮತ್ತು ಕಾಫಿ ಬಳಸಿ ಮಾಸ್ಕ್ ಹಾಕಿಕೊಳ್ಳುತ್ತೇನೆ ಎಂದಿದ್ದಾರೆ.

ಕಾಫಿ ಪುಡಿ, ಶ್ರೀಗಂಧದ ಪುಡಿ ಹಾಗೂ ಜೇನುತುಪ್ಪವನ್ನು ಮಿಕ್ಸ್ ಮಾಡಿಕೊಂಡು ಅದನ್ನು ಮಿಶ್ರಣ ಮಾಡಿಕೊಳ್ಳಿ. ನಂತರ ನಿಮ್ಮ ಮುಖವನ್ನು ಸ್ವಚ್ಛವಾಗಿ ತೊಳೆದು, ಅದಕ್ಕೆ ಈ ಪೇಸ್ಟ್ ಹಚ್ಚಿ. ಅದನ್ನು ಸುಮಾರು 15 ನಿಮಿಷಗಳ ನಂತರ ತೊಳೆದರೆ ಉತ್ತಮ ತ್ವಚೆ ನಿಮ್ಮದಾಗುತ್ತೆ ಎನ್ನುತ್ತಾರೆ ನಟಿ.

ಅಲ್ಲದೇ ನಟಿ, ಕಡಲೆಹಿಟ್ಟು, ಅರಿಶಿನ, ಶ್ರೀಗಂಧ ಮತ್ತು ಬೇವಿನ ಎಲೆಯ ಪುಡಿ ಸೇರಿಸಿ ಮತ್ತೊಂದು ಮಾಸ್ಕ್ ಸಹ ತಯಾರಿಸಿ ಬಳಸುತ್ತಾರಂತೆ. ಈ ಮೂರು ವಸ್ತುಗಳನ್ನು ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚಿಕೊಂಡರೆ ಮೇಕಪ್​ನಿಂದ ಉಂಟಾಗುವ ಸಮಸ್ಯೆ ಬರಲ್ಲ ಎನ್ನುತ್ತಾರೆ.

ಅವರ ಸುಂದರ ತ್ವಚೆಯ ಮತ್ತೊಂದು ಗುಟ್ಟು ಈ ಮುಲ್ತಾನಿ ಮಿಟ್ಟಿ ಫೇಸ್​ಪ್ಯಾಕ್​. ಮುಲ್ತಾನಿ ಮತ್ತು ಬೇವಿನ ನೀರನ್ನು ಮಿಶ್ರಣ ಮಾಡಿ ಫೇಸ್ ಪ್ಯಾಕ್ ಹಚ್ಚಿ. ಸುಮಾರು 15 ನಿಮಿಷಗಳ ನಂತರ ತೊಳೆದರೆ, ತ್ವಚೆ ಹೊಳೆಯುತ್ತದೆ.

ಅಲೋವೆರಾ ಜೆಲ್ ಅನ್ನು ಬಳಸುವುದು ಮಾಯಿಶ್ಚರೈಸರ್ ರೀತಿ ನಿಮ್ಮ ತ್ವಚೆಯ ಮೇಲೆ ಕಾರ್ಯನಿರ್ವಹಿಸುತ್ತದೆ. ಅಲ್ಲದೇ, ಆವಕಾಡೊ ಮತ್ತು ಬ್ರೊಕೊಲಿಯಂತಹ ಆ್ಯಂಟಿ ಆಕ್ಸಿಡೆಂಟ್ ಹೊಂದಿರುವ ಆಹಾರವನ್ನು ಸೇವಿಸುತ್ತೇನೆ ಎಂದಿದ್ದಾರೆ ನಟಿ.

ಇನ್ನು ಸಮಂತಾ ಬಳಸುವ ಈ ಪ್ರತಿ ಮನೆಮದ್ದುಗಳು ಅವರ ತಾಯಿ ಅವರಿಗೆ ಹೇಳಿಕೊಟ್ಟಿದ್ದಂತೆ, ಅವರ ವೃತ್ತಿಯಲ್ಲಿ ಮೇಕಪ್ ಅಗತ್ಯವಾಗಿರುವುದಿಂದ ರಾಸಾಯನಿಕಗಳ ಪರಿಣಾಮ ಬೀರದಂತೆ ತಡೆಯಲು ಈ ವಸ್ತುಗಳು ಸಹಾಯ ಮಾಡುತ್ತದೆ ಎನ್ನುತ್ತಾರೆ ನಟಿ. ಹಾಗೆಯೇ ಆದಷ್ಟು ಕಡಿಮೆ ಮೇಕಪ್ ಬಳಸುತ್ತಾರಂತೆ.