Sweet Dosa: ಮಾಡಲು ಸುಲಭ, ತಿನ್ನಲು ರುಚಿಕರ, ಇಲ್ಲಿದೆ ನೋಡಿ ಸಿಹಿ ದೋಸೆ ರೋಲ್​ನ ರೆಸಿಪಿ

ನಿಮ್ಮ ಮನೆಯಲ್ಲಿ ಈ ರೀತಿಯಾಗಿ ಸಿಹಿ ತಿಂಡಿ ಮಾಡಿ ಈ ಯುಗಾದಿಗೆ ವಿಶೇಷವಾಗಿ ಸವಿದು ತಿನ್ನಬಹುದಾದ ಇದನ್ನು ನೀವು ಮಾಡಿದರೆ ಮತ್ತೆ ಮತ್ತೆ ಮಾಡಿ ತಿಂತೀರಾ. ಪತಿಶಪ್ತ ಎಂಬ ಹೆಸರಿನ ಈ ದೋಸೆ ರೋಲ್​ ಮಾಡಲು ನಿಮಗೆ ಬೇಕಾಗಿರುವ ಸಾಮಗ್ರಿಗಳನ್ನು ಇಲ್ಲಿ ನೀಡಿದ್ದೇವೆ.

ಇದು ಮೂಲತಃ ಒಂದು ಬೆಂಗಾಲಿ ಪಾಕ ವಿಧಾನ ಈ ಪಾಕವಿಧಾನವು ಅತ್ಯಂತ ಪ್ರಸಿದ್ಧ ಮತ್ತು ರುಚಿಕರವಾದ ಬೆಂಗಾಲಿ ಖಾಧ್ಯವಾಗಿದೆ. ಮಕರ ಸಂಕ್ರಾಂತಿಗೆ ಪ್ರತಿ ಬೆಂಗಾಲಿ ಮನೆಯಲ್ಲೂ ಇದನ್ನೇ ಮಾಡ್ತಾರೆ.

ಇದು ಒಂದು ಸ್ಟಫ್ಡ್ ಪ್ಯಾನ್‌ಕೇಕ್ ಆಗಿದ್ದು, ಇದರಲ್ಲಿ ತೆಂಗಿನಕಾಯಿ ಮತ್ತು ಬೆಲ್ಲದ ಸ್ಟಫಿಂಗ್ ಇರುತ್ತದೆ. ಮೊದಲು ಮೈದಾ ಹಾಗೂ ಗೋಧಿ ಅಥವಾ ಅಕ್ಕಿ ಹೀಗೆ ಯಾವುದಾದರೂ ಎರಡು ಹಿಟ್ಟುಗಳನ್ನು ಮಿಶ್ರಣ ಮಾಡಿ ದೋಸೆ ತಯಾರಿಸಬೇಕು.

ಅಕ್ಕಿ, ಗೋದಿ, ಮೈದಾ ಇದ್ಯಾವುದನ್ನು ರುಬ್ಬಿ ಮಾಡಿದ ಹಿಟ್ಟಾಗಿರಬಾರದು ಪುಡಿ ಹಿಟ್ಟಾಗಿರಬೇಕು ಇವುಗಳನ್ನು ಬಿಸಿ ನೀರಿನಲ್ಲಿ ಹಾಕಿ ಅದನ್ನು ಬಿಸಿ ಮಾಡಿ ಹದವಾದು ದೋಸೆ ಹಿಟ್ಟು ತಯಾರಿಸಿಕೊಳ್ಳಬೇಕು.

ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಬೇಕು, ದೋಸೆ ಹಿಟ್ಟಿಗೂ ಸ್ವಲ್ಪ ಪ್ರಮಾಣದ ಬೆಲ್ಲ ಸೇರಿಸಬೇಕಾಗುತ್ತದೆ. ಆ ನಂತರ ತವಾ ಮೇಲೆ ದೋಸೆ ಎರೆದು ಅದರ ಮಧ್ಯ ಕಾಯಿತುರಿ ಬೆಲ್ಲ ಹಾಕಿ ಮಡಿಚಬೇಕು

ಏಲಕ್ಕಿ ಪುಡಿ, ಒಣ ಕರ್ಜೂರ ಅಲಂಕರಿಸಲು ಡ್ರೈ ಫ್ರೂಟ್ಸ್​ ಎಲ್ಲವೂ ಬೇಕು. ಇವೆಲ್ಲವನ್ನೂ ಹಾಕಿ ಇದರ ಮೇಲಿನಿಂದ ಜೇನು ತುಪ್ಪ ಅಥವಾ ಜೋನಿ ಬೆಲ್ಲ ಹಾಕಿ ಸವಿದರೆ ಇದರ ರುಚಿಯೇ ಬೇರೆ.

ಬಂಗಾಳಿ ಸಂಸ್ಕೃತಿಯ ಅತ್ಯಂತ ಅವಿಭಾಜ್ಯ ಅಂಗವಾಗಿ ಇನ್ನೂ ಕೂಡಾ ಈ ಸಿಹಿ ತಿಂಡಿ ಉಳಿದುಕೊಂಡಿದೆ. ನೀವೂ ನಿಮ್ಮ ಮನೆಯಲ್ಲಿ ಇದನ್ನು ಮಾಡಿ ಸವಿಯಬಹುದು.