Summer Health Tips: ಬಿಸಿಲಿನ ಹೊಡೆತದಿಂದ ರಕ್ಷಿಸಿಕೊಳ್ಳಲು ಈ ವಿಷಯಗಳನ್ನು ತಪ್ಪದೇ ಫಾಲೋ ಮಾಡಿ!

ಬಿಸಿಲಿನ ಹೊಡೆತಕ್ಕೆ ದೇಹವು ನೀರಿನಂಶದ ಕೊರತೆ ಅನುಭವಿಸುತ್ತದೆ. ಹೀಗಾಗಿ ಬೇಸಿಗೆಯಲ್ಲಿ ಹೊಟ್ಟೆ ಅಸ್ವಸ್ಥತೆ ಮತ್ತು ಆರೋಗ್ಯ ಸಮಸ್ಯೆ ಕಾಡುತ್ತದೆ. ಬಿಸಿಲಿನ ಹೊಡೆತವು ದೇಹವನ್ನು ಹೈರಾಣಾಗಿಸುತ್ತದೆ. ಬಿಸಿಲು, ಬೆವರು ಸಾಕಪ್ಪಾ ಸಾಕು ಅನ್ನಿಸುವಂತೆ ಮಾಡಿ ಬಿಡುತ್ತದೆ.

ಸೂರ್ಯನ ಯುವಿ ಕಿರಣಗಳ ಪರಿಣಾಮವು ಮುಖದ ಜೊತೆಗೆ ಇಡೀ ದೇಹದ ಮೇಲೆ ಪರಿಣಾಮ ಬೀರುತ್ತದೆ. ಬೆವರುವುದು, ಆಗಾಗ್ಗೆ ಬಾಯಾರಿಕೆ ಉಂಟಾಗುವುದು, ಆಯಾಸ ಉಂಟಾಗುವುದು ಲಕ್ಷಣಗಳು ಗೋಚರಿಸುತ್ತವೆ. ಬೇಸಿಗೆಯಲ್ಲಿ ನಮ್ಮ ಆರೋಗ್ಯ ಕಾಪಾಡಿಕೊಳ್ಳಲು ಕೆಲವು ಪ್ರಯತ್ನ ಮಾಡಬೇಕಾಗುತ್ತದೆ.

ಇನ್ನೂ ಅನೇಕ ಬಾರಿ ನಿರ್ಜಲೀಕರಣ, ಟ್ಯಾನಿಂಗ್, ಶಾಖ ಮತ್ತು ಕಣ್ಣು ಮತ್ತು ತಲೆನೋವು ಸೇರಿ ಅನೇಕ ಸಮಸ್ಯೆಗಳು ಕಾಡುತ್ತವೆ. ಈ ಸಮಸ್ಯೆಯಿಂದ ನಿಮ್ಮನ್ನು ನೀವು ರಕ್ಷಿಸಿಕೊಳ್ಳಲು ಮತ್ತು ದೇಹವನ್ನು ತಂಪಾಗಿರಿಸಲು ಕೆಲವು ಸಂಗತಿಗಳ ಬಗ್ಗೆ ಸೂಕ್ತ ಗಮನಹರಿಸಿ.

ತಂಪಾದ ಪಾನೀಯ ಸೇವಿಸಿ. ಆದರೆ ಹೆಚ್ಚು ಸಕ್ಕರೆ, ಸೋಡಾ, ಉಪ್ಪು ಹಾಕಿದ ಪದಾರ್ಥ ತಿನ್ನೋದನ್ನು ತಪ್ಪಿಸಿ. ದಿನದಿಂದ ದಿನಕ್ಕೆ ಬಿಸಿಲಿನ ತಾಪ ಹೆಚ್ಚುತ್ತಿದೆ. ಹೆಚ್ಚುತ್ತಿರುವ ತಾಪಮಾನ ಮತ್ತು ಉಷ್ಣತೆಯನ್ನು ನಿಯಂತ್ರಿಸಲು ತಂಪಾಗಿಸುವ ಪರಿಣಾಮ ಹೊಂದಿರುವ ನೈಸರ್ಗಿಕ ಪದಾರ್ಥಗಳನ್ನು ತಿನ್ನಿರಿ.

ಹಣ್ಣುಗಳು ಮತ್ತು ತರಕಾರಿ ರಸ ಕುಡಿಯಿರಿ. ಇದು ದೇಹವನ್ನು ಹೈಡ್ರೇಟ್ ಆಗಿಡುತ್ತದೆ. ಪ್ರತಿದಿನ ತಂಪು ಪಾನೀಯ ಕುಡಿಯಿರಿ. ಬೆಳಿಗ್ಗೆ ತಿಂಡಿಗೆ ತೆಂಗಿನ ನೀರು, ತಣ್ಣನೆಯ ಲಸ್ಸಿ, ಕಲ್ಲಂಗಡಿ ಅಥವಾ ದಾಳಿಂಬೆ ರಸ ಕುಡಿಯಿರಿ. ಬಾಯಾರಿಕೆಯ ಸಮಸ್ಯೆ ದೂರ ಮಾಡುತ್ತದೆ. ಮೇಜಿನ ಮೇಲೆ ನೀರಿನ ಬಾಟಲಿ ಇರಿಸಿ. ಮತ್ತು ದಿನವಿಡೀ ನೀರನ್ನು ಕುಡಿಯಿರಿ.

ಸಡಿಲವಾದ ಮತ್ತು ತಿಳಿ ಬಣ್ಣದ ಬಟ್ಟೆ ಧರಿಸಿ. ದಿನವಿಡೀ ಬಿಗಿಯಾದ ಬಟ್ಟೆ ಧರಿಸುವ ಬದಲು ತಿಳಿ ಬಣ್ಣದ ಮತ್ತು ಸಡಿಲ ಬಟ್ಟೆ ಧರಿಸಿ. ಅತಿಯಾದ ಬೆವರುವಿಕೆ ಸಮಸ್ಯೆ ಕಡಿಮೆ ಆಗುತ್ತದೆ. ಹತ್ತಿ ಬಟ್ಟೆ ಚರ್ಮಕ್ಕೆ ಹಿತ ನೀಡುತ್ತದೆ. ಅಕ್ರಿಲಿಕ್ ಅಥವಾ ನೈಲಾನ್ ಬಟ್ಟೆಯಿಂದ ಮಾಡಿದ ಬಟ್ಟೆ ಧರಿಸಿ. ಇದು ದದ್ದುಗಳ ಅಪಾಯ ತಪ್ಪಿಸುತ್ತದೆ. ದೇಹಕ್ಕೆ ವಿಶ್ರಾಂತಿ ಮತ್ತು ಸುರಕ್ಷಿತವಾಗಿದೆ.

ಬಿಸಿಲಿಗೆ ಹೋಗುವ ಮೊದಲು ಸನ್ಗ್ಲಾಸ್ ಮತ್ತು ಟೋಪಿ ಧರಿಸಿ. ಬಿಸಿಲಿಗೆ ಹೋಗುವ ಮುನ್ನ ತಲೆಗೆ ಟೋಪಿ, ಕನ್ನಡಕ ಹಾಕಿ. ಈ ವಸ್ತುಗಳು ಶಾಖದಿಂದ ನಿಮ್ಮನ್ನು ರಕ್ಷಿಸುತ್ತವೆ. ಸನ್ಗ್ಲಾಸ್ ಯುವಿ ಕಿರಣಗಳ ಕಠಿಣ ಪರಿಣಾಮದಿಂದ ರಕ್ಷಿಸುತ್ತದೆ. ಕಾಲೋಚಿತ ಹಣ್ಣುಗಳು ಮತ್ತು ತರಕಾರಿಗಳ ತಿನ್ನಿ. ಮಸಾಲೆಯುಕ್ತ ಆಹಾರ ಕಡಿಮೆ ಸೇವಿಸಿ.

ಚರ್ಮದ ಮೇಲೆ ಅಲೋವೆರಾ ಅನ್ವಯಿಸಿ. ಇದು ದೇಹದ ಉಷ್ಣತೆ ಕಡಿಮೆ ಮಾಡುತ್ತದೆ. ಕುತ್ತಿಗೆ, ಮುಖ ಹಾಗೂ ಕೈಗಳಿಗೆ ಹಚ್ಚಿರಿ. ಅಲೋವೆರಾ ಜ್ಯೂಸ್ ಕೂಡ ಕುಡಿಯಿರಿ. ಬೇಸಿಗೆಯಲ್ಲಿ ಹೆಚ್ಚು ಚಹಾ, ಕಾಫಿ ಕುಡಿಯುವುದನ್ನು ತಪ್ಪಿಸಿ. ಇದು ಶಾಖ ಮತ್ತು ನಿರ್ಜಲೀಕರಣಕ್ಕೆ ಕಾರಣವಾಗುತ್ತದೆ. ತಾಜಾ ಆಹಾರ ತಿನ್ನಿ. ಕೂದಲು ಮತ್ತು ಚರ್ಮವನ್ನು ಸೂರ್ಯನಿಂದ ರಕ್ಷಿಸಿ.