Summer Food: ಬೇಸಿಗೆಯಲ್ಲಿ ಹೊಟ್ಟೆ ಹಾಳಾಗೋದನ್ನು ತಪ್ಪಿಸಲು ನಿಮ್ಮ ಆಹಾರ ಶೈಲಿಯನ್ನು ಈ ರೀತಿ ಬದಲಿಸಿ

ಬೇಸಿಗೆಯಲ್ಲಿ ಬಿಸಿ ಪದಾರ್ಥ ತಿನ್ನೋಕೆ ಮನಸ್ಸಾಗೋದಿಲ್ಲ. ಮೊದಲೇ ದೇಹ ಬಿಸಿಯಾಗಿರುತ್ತದೆ. ಆಗ ಬಿಸಿ ಆಹಾರ ಪದಾರ್ಥ ತಿಂದರೆ ರುಚಿ ಮತ್ತು ಆರೋಗ್ಯ ಎರಡನ್ನೂ ಕುಂದುವಂತೆ ಮಾಡುತ್ತದೆ. ಅಷ್ಟೇ ಅಲ್ಲ, ಬೇಸಿಗೆಯಲ್ಲಿ ಹೊಟ್ಟೆಯ ಸಮಸ್ಯೆ ಸಾಮಾನ್ಯವಾಗಿ ಕಾಡುತ್ತದೆ. ಬೇಸಿಗೆಯಲ್ಲಿ ಬಿಸಿ ಆಹಾರ, ಕರಿದ ಪದಾರ್ಥ ತಿನ್ನೋದ್ರಿಂದ ಆರೋಗ್ಯಕ್ಕೆ ಸಾಕಷ್ಟು ಹಾನಿ ಮಾಡುತ್ತದೆ.

ಹೀಗಾಗಿ ಬೇಸಿಗೆಯಲ್ಲಿ ಹೊಟ್ಟೆಯ ಆರೋಗ್ಯ ಕಾಪಾಡಲು ಜನರು ಸಾಧ್ಯವಾದಷ್ಟು ಹೆಲ್ದೀ ಆಹಾರ ತಿನ್ನಲು ಮನಸ್ಸು ಮಾಡುತ್ತಾರೆ. ತುಂಬಾ ಜನರು ತಂಪು ಪಾನೀಯ ಕುಡಿಯುತ್ತಾರೆ. ಡಯಟ್ ಮಾಡುತ್ತಾರೆ. ಹೊಟ್ಟೆ ಮತ್ತು ಕರುಳು, ಚರ್ಮದ ರಕ್ಷಣೆಗೆ ಬೇಕಾದ ಕ್ರಮ ತೆಗೆದುಕೊಳ್ಳುತ್ತಾರೆ.

ಬೇಸಿಗೆಯಲ್ಲಿ ಕರಿದ ಪದಾರ್ಥ, ಜಂಕ್ ಫುಡ್ ತಿನ್ನುವ ದಿನಚರಿಯ ಕೆಟ್ಟ ಅಭ್ಯಾಸವು ಹೊಟ್ಟೆಯ ಅಸ್ವಸ್ಥತೆ ಹೆಚ್ಚಾಗುವಂತೆ ಮಾಡುತ್ತದೆ. ಇಲ್ಲಿ ಹೊಟ್ಟೆಯನ್ನು ತಂಪಾಗಿಡಲು ಸಹಾಯ ಮಾಡುವ ಕೆಲವು ಆಹಾರಗಳ ಬಗ್ಗೆ ಹೇಳಲಾಗಿದೆ. ಇದು ಬೇಸಿಗೆಯಲ್ಲಿ ಉಂಟಾಗುವ ನಿರ್ಜಲೀಕರಣ ಸಮಸ್ಯೆ ತೊಡೆದು ಹಾಕುತ್ತದೆ.

ಕಡಿಮೆ ಶಕ್ತಿಯ ಮಟ್ಟವು ನಿರ್ಜಲೀಕರಣ ಸಮಸ್ಯೆಗೆ ಕಾರಣವಾಗುತ್ತದೆ. ಬೇಸಿಗೆಯಲ್ಲಿ ಹೆಚ್ಚು ಜಾಗ್ರತೆ ವಹಿಸಿ. ಸರಿಯಾದ ಆಹಾರ ಪದ್ಧತಿಯು ಜೀವನಶೈಲಿಗೆ ಕೆಲವು ವಿಶೇಷ ಬದಲಾವಣೆ ತರಲು ಸಹಾಯ ಮಾಡುತ್ತದೆ. ಕಾಲೋಚಿತ ಆಹಾರಗಳು ಬೇಸಿಗೆಯಲ್ಲಿ ನಿಮ್ಮ ಹೊಟ್ಟೆ ಒಳಗಿನಿಂದ ತಂಪಾಗಿರುವಂತೆ ನೋಡಿಕೊಳ್ಳುತ್ತದೆ. ತಾಜಾ ಮತ್ತು ಲಘು ಆಹಾರ ತಿನ್ನಿ.

ಕಲ್ಲಂಗಡಿ, ದ್ರಾಕ್ಷಿಹಣ್ಣು, ಕಿತ್ತಳೆ, ಹಲಸಿನ ಹಣ್ಣು ಮತ್ತು ಹೆಚ್ಚಿನ ನೀರಿನ ಅಂಶವಿರುವ ಹಣ್ಣು ತಿನ್ನಿರಿ. ಇದು ಹೈಡ್ರೇಟ್ ಆಗಿಸುತ್ತದೆ. ಕಲ್ಲಂಗಡಿ 91 ಪ್ರತಿಶತ ನೀರನ್ನು ಹೊಂದಿದೆ. ಆಂಟಿ-ಆಕ್ಸಿಡೆಂಟ್ ಗುಣಲಕ್ಷಣ ಹೊಂದಿದೆ. ತಂಪಾಗಿಸುವ ಪರಿಣಾಮ ಹೊಂದಿದೆ. ಋತುಮಾನದ ತರಕಾರಿ ತಿನ್ನಿ.

ಬೇಸಿಗೆಯಲ್ಲಿ ಹೆಚ್ಚಿನ ನೀರಿನ ಅಂಶವಿರುವ ಸೌತೆಕಾಯಿ, ಲೆಟಿಸ್, ಚೀನೀಕಾಯಿ ಮತ್ತು ಇತರ ತರಕಾರಿ ತಿನ್ನಿ. ಇದು ಹೊಟ್ಟೆ ತಂಪಾಗಿರಿಸಿ, ಹೈಡ್ರೀಕರಿಸುತ್ತದೆ. ಸೌತೆಕಾಯಿ ಫೈಬರ್ ಹೊಂದಿದೆ. ಇದು ಮಲಬದ್ಧತೆ ಸಮಸ್ಯೆ ಕಡಿಮೆ ಮಾಡುತ್ತದೆ. ಎಳನೀರು ಕುಡಿಯಿರಿ. ಇದು ಹೈಡ್ರೀಕರಿಸುತ್ತದೆ. ಹೊಟ್ಟೆಯನ್ನು ತಂಪಾಗಿಸುತ್ತದೆ.

ಮಜ್ಜಿಗೆ ಕುಡಿಯೋದ್ರಿಂದ ಇದು ದೇಹವನ್ನು ತಂಪಾಗಿಸುತ್ತದೆ. ಜೀರ್ಣಕಾರಿ ಸಮಸ್ಯೆ ತಡೆಯುತ್ತದೆ. ಶಾಖ ಮತ್ತು ನಿರ್ಜಲೀಕರಣ ತಪ್ಪಿಸುತ್ತದೆ. ಆರೋಗ್ಯಕರ ಪ್ರೋಬಯಾಟಿಕ್ ಮೊಸರು ತಿನ್ನಿ. ಇದು ಆರೋಗ್ಯಕರ ಕರುಳನ್ನು, ಹೊಟ್ಟೆಯನ್ನು ತಂಪಾಗಿ ಮತ್ತು ಶಾಂತವಾಗಿಡಲು ಸಹಾಯ ಮಾಡುತ್ತದೆ.

ಪುದೀನಾ ತಂಪಾಗಿಸುವ ಮಸಾಲೆ. ಇದು ದೇಹದ ಮೇಲೆ ತಂಪಾಗಿಸುವ ಪರಿಣಾಮ ಹೊಂದಿದೆ. ಹೊಟ್ಟೆಯನ್ನು ತಂಪಾಗಿಸುತ್ತದೆ. ಪಾನೀಯಗಳು ಅಥವಾ ಭಕ್ಷ್ಯಗಳಿಗೆ ಸೇರಿಸಿ ತಿನ್ನಿ. ಮೊಸರು, ಮಜ್ಜಿಗೆ ಅಥವಾ ರೈತಾಕ್ಕೆ ಪುದೀನಾ ಸೇರಿಸಿ. ಇದು ಬೇಸಿಗೆಯಲ್ಲಿ ಹೊಟ್ಟೆ ಕೆರಳುವಿಕೆ ಸಮಸ್ಯೆ ತಡೆಯುತ್ತದೆ.