Summer Health Care: ಬೇಸಿಗೆಯಲ್ಲಿ ಹೊಟ್ಟೆ ತಂಪಾಗಿಸಲು ಈ ಮಸಾಲೆ ಬಳಸಿ

ಬೇಸಿಗೆಯಲ್ಲಿ ಮಸಾಲೆಗಳ ಅತಿಯಾದ ಸೇವನೆ ಮಾಡದಂತೆ ಸೂಚನೆ ನೀಡಲಾಗುತ್ತದೆ. ಅತಿಯಾದ ಮಸಾಲೆ ಸೇವನೆಯು ಬೇಸಿಗೆಯಲ್ಲಿ ಹೊಟ್ಟೆಯ ಅಸ್ವಸ್ಥತೆ ಸಮಸ್ಯೆ ಉಂಟು ಮಾಡುತ್ತದೆ. ಯಾಕಂದ್ರೆ ಮಸಾಲೆಗಳ ಸೇವನೆಯ ಪರಿಣಾಮವು ಬಿಸಿ ಆಗಿರುತ್ತದೆ. ಬಿಸಿಲಿನ ಬೇಗೆ ಮತ್ತು ಹೊಟ್ಟೆಯ ಬಿಸಿ ಕೆಟ್ಟ ಪರಿಣಾಮ ಬೀರುತ್ತದೆ.

ಬೇಸಿಗೆಯಲ್ಲಿ ಮಸಾಲೆ ಪದಾರ್ಥಗಳ ಅತಿಯಾದ ಸೇವನೆ ಜೀರ್ಣಕ್ರಿಯೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಹಾಗೆಯೇ ಇದು ಚರ್ಮದ ಸಮಸ್ಯೆ ಉಂಟು ಮಾಡುತ್ತದೆ. ಹೀಗಾಗಿ ಬೇಸಿಗೆಯಲ್ಲಿ ಮಸಾಲೆ ಪದಾರ್ಥಗಳ ಸೇವನೆಯ ಬದಲು ತಂಪಾದ ಪಾನೀಯ ಸೇವನೆಗೆ ಶಿಫಾರಸ್ಸು ಮಾಡಲಾಗುತ್ತದೆ.

ಆದರೆ ಕೆಲವು ಮಸಾಲೆಗಳನ್ನು ನೀವು ಬೇಸಿಗೆಯಲ್ಲೂ ಸೇವನೆ ಮಾಡಬಹುದು. ಇಲ್ಲಿ ಹೇಳಲಾದ ಕೆಲವು ಮಸಾಲೆಗಳು ನಿಮಗೆ ಬೇಸಿಗೆಯಲ್ಲಿ ಆರೋಗ್ಯ ಪ್ರಯೋಜನ ನೀಡುತ್ತವೆ ಎಂದು ಹೇಳಲಾಗುತ್ತದೆ. ಕೆಲವು ಮಸಾಲೆ ಪದಾರ್ಥಗಳಿವೆ. ಅವುಗಳನ್ನು ತಮ್ಮ ಸಾಮಾನ್ಯ ಪಾಕವಿಧಾನಗಳಲ್ಲಿ ಬಳಕೆ ಮಾಡಬಹುದು. ಇದರಲ್ಲಿ ತಂಪಾಗಿಸುವ ಗುಣಲಕ್ಷಣಗಳಿವೆ.

ಕೆಲವು ಮಸಾಲೆಗಳು ದೇಹವನ್ನು ಒಳಗಿನಿಂದ ತಂಪಾಗಿಸುತ್ತವೆ. ಈ ಮಸಾಲೆಗಳು ನಿಮ್ಮ ಆರೋಗ್ಯಕ್ಕೆ ಉತ್ತಮ. ಮತ್ತು ಜೀರ್ಣಕ್ರಿಯೆಯನ್ನು ಸಮತೋಲನದಲ್ಲಿಡಲು ಸಹಕಾರಿ. ಈ ಬೇಸಿಗೆಯಲ್ಲಿ ಜೀರ್ಣಕಾರಿ ಸಮಸ್ಯೆ ತಪ್ಪಿಸಲು, ನಿಮ್ಮ ಆಹಾರದಲ್ಲಿ ಖಂಡಿತವಾಗಿ ಈ 5 ಮಸಾಲೆ ಸೇರಿಸಿ. ಅವುಗಳ ತಂಪಾಗಿಸುವ ಗುಣಗಳು ನಿಮ್ಮ ದೇಹಕ್ಕೆ ಸಾಕಷ್ಟು ತಂಪು ನೀಡುತ್ತದೆ.

ಕೊತ್ತಂಬರಿ ಸೊಪ್ಪು. ಬೇಸಿಗೆಯಲ್ಲಿ ಕೊತ್ತಂಬರಿ ಸೊಪ್ಪಿನ ಸೇವನೆಯಿಂದ ದೇಹದಿಂದ ಅತಿಯಾದ ಬೆವರು ಬರುತ್ತದೆ. ಇದು ದೇಹದಲ್ಲಿರುವ ವಿಷಕಾರಿ ಅಂಶಗಳನ್ನು ಹೊರ ಹಾಕುತ್ತದೆ. ತಾಪಮಾನ ನಿಯಂತ್ರಿಸುತ್ತದೆ. ಕೊತ್ತಂಬರಿ ಸೊಪ್ಪಿನಲ್ಲಿ ಉತ್ಕರ್ಷಣ ನಿರೋಧಕವಿದೆ. ಚಯಾಪಚಯ ಹೆಚ್ಚಿಸುತ್ತದೆ ಮತ್ತು ಜೀರ್ಣಕಾರಿ ಸಮಸ್ಯೆ ಕಡಿಮೆ ಮಾಡಿ, ಹೊಟ್ಟೆಗೆ ತಂಪು ನೀಡುತ್ತದೆ. ಕೊತ್ತಂಬರಿ ಸೊಪ್ಪನ್ನು ರಾತ್ರಿ ನೀರಿನಲ್ಲಿ ನೆನೆಸಿಟ್ಟು ಅದರ ನೀರನ್ನು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ.

ಸೋಂಪು ಕಾಳು. ಇದು ಜೀರ್ಣಕ್ರಿಯೆಗೆ ತುಂಬಾ ಪ್ರಯೋಜನಕಾರಿ. ಭಾರತದ ಬಹುತೇಕ ಎಲ್ಲಾ ಮನೆಗಳಲ್ಲಿ ಸೋಂಪು ಕಾಳನ್ನು ಊಟದ ನಂತರ ತಿನ್ನುತ್ತಾರೆ. ರೆಸ್ಟೋರೆಂಟ್‌ಗಳು ಮತ್ತು ಹೋಟೆಲ್‌ಗಳಲ್ಲಿ ಊಟದ ನಂತರ ಸೋಂಪು ಕೊಡುತ್ತಾರೆ. ಇದು ತಂಪಾಗಿಸುವ ಗುಣ ಹೊಂದಿದೆ. ಬೇಸಿಗೆಯಲ್ಲಿ ಇದರ ಸೇವನೆಯು ಅಸಿಡಿಟಿ, ವಾಂತಿ, ಮಲಬದ್ಧತೆ ಸಮಸ್ಯೆ ಕಡಿಮೆ ಮಾಡುತ್ತದೆ. ಕರುಳಿನ ಆರೋಗ್ಯ ಕಾಪಾಡುತ್ತದೆ.

ದೇಹವನ್ನು ನಿರ್ವಿಷಗೊಳಿಸಿ, ಉಷ್ಣತೆ ಸಾಮಾನ್ಯವಾಗಿಡುತ್ತದೆ. ಸೊಂಪು ಕಾಳನ್ನು ನೀರಿನಲ್ಲಿ ನೆನೆಸಿ ರಾತ್ರಿಯಿಡೀ ಬಿಡಿ. ಬೆಳಿಗ್ಗೆ ಎದ್ದಾಗ ನೀರನ್ನು ಕುಡಿಯಿರಿ. ಏಲಕ್ಕಿ. ಹಸಿರು ಏಲಕ್ಕಿ ಸೇವಿಸುವುದು ಬೇಸಿಗೆಯಲ್ಲಿ ನಿಮಗೆ ತುಂಬಾ ಪ್ರಯೋಜನಕಾರಿ. ಇದು ದೇಹದ ಉಷ್ಣತೆ ನಿಯಂತ್ರಿಸುತ್ತದೆ. ಇದರ ತಂಪಾಗಿಸುವ ಗುಣವು ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆ ಅಸಿಡಿಟಿ ಮತ್ತು ಉಬ್ಬುವುದು ಕಡಿಮೆ ಮಾಡುತ್ತದೆ.

ಏಲಕ್ಕಿ ನಮ್ಮ ದೇಹದಲ್ಲಿನ ಎಲ್ಲಾ ಮೂರು ರೀತಿಯ ಶಕ್ತಿಯನ್ನು ಸಮತೋಲನಗೊಳಿಸುತ್ತದೆ. ಬಾಯಿಯ ದುರ್ವಾಸನೆ ಕಡಿಮೆ ಮಾಡುತ್ತದೆ. ನಿಮ್ಮನ್ನು ತಾಜಾವಾಗಿರಿಸುತ್ತದೆ. ದೇಹವನ್ನು ನಿರ್ವಿಷಗೊಳಿಸುವ ಅನೇಕ ಸಂಯುಕ್ತಗಳು ಏಲಕ್ಕಿಯಲ್ಲಿ ಇವೆ. ಏಲಕ್ಕಿ ಚಹಾ ಕುಡಿಯಿರಿ. ಏಲಕ್ಕಿ ನೀರು ಸೇವಿಸಿ. ಏಲಕ್ಕಿಯನ್ನು ಜಗಿಯುವ ಮೂಲಕ ನೀವು ಅದರ ಸರಿಯಾದ ಪ್ರಯೋಜನ ಪಡೆಯಬಹುದು.