Skin Itching Problem: ಬೇಸಿಗೆಯಲ್ಲಿ ಬಿಸಿ ಶಾಖ, ದದ್ದು ಸಮಸ್ಯೆ ಕಡಿಮೆ ಮಾಡಲು ಇಲ್ಲಿದೆ ಆಯುರ್ವೇದ ಪರಿಹಾರ!

ಬಿಸಿಲಿನ ಶಾಖದ ಹೊಡೆತ ಮತ್ತು ಬೆವರು, ಧೂಳಿನಿಂದ ದೇಹದ ಮೇಲೆ ಗುಳ್ಳೆ, ದದ್ದು, ಮೊಡವೆ ಸಮಸ್ಯೆ ಉಂಟಾಗುತ್ತದೆ. ಬಿಸಿಲಿನ ತಾಪಕ್ಕೆ ಚರ್ಮವು ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಚರ್ಮದ ಮೇಲೆ ಕೊಳಕು ಸಂಗ್ರಹವಾಗಿ ಚರ್ಮದ ಸೋಂಕು, ತುರಿಕೆ ಸಾಧ್ಯತೆ ಹೆಚ್ಚಿಸುತ್ತದೆ.

ಸನ್ ಬರ್ನ್, ಚರ್ಮ ಕೆಂಪಾಗುವುದು, ಕಿರಿಕಿರಿ, ದದ್ದು ಮತ್ತು ಮೊಡವೆ ಬೇಸಿಗೆಯಲ್ಲಿ ಹೆಚ್ಚಾಗುತ್ತದೆ. ಆಯುರ್ವೇದದ ಪ್ರಕಾರ, ಚರ್ಮವು ವಾತ, ಪಿತ್ತ ಮತ್ತು ಕಫ ದೋಷಗಳಿಂದ ಪ್ರಭಾವಿತವಾಗುತ್ತದೆ. ವಾತ ಚರ್ಮವು ಶುಷ್ಕ, ತೆಳ್ಳಗಿನ, ಸೂಕ್ಷ್ಮ ಮತ್ತು ಸ್ಪರ್ಶಕ್ಕೆ ತಂಪಾಗಿರುತ್ತದೆ. ಇದು ಸುಲಭವಾಗಿ ನಿರ್ಜಲೀಕರಣಗೊಳ್ಳುತ್ತದೆ.

ಪಿತ್ತ ದೋಷದ ಚರ್ಮವು ಸೂಕ್ಷ್ಮ, ಮೃದು ಮತ್ತು ಬಿಸಿಯಾಗಿರುತ್ತದೆ. ನಸುಕಂದು ಮಚ್ಚೆ, ನರಹುಲಿ, ದದ್ದು, ಮೊಡವೆ ಹೆಚ್ಚು ಪರಿಣಾಮ ಬೀರುತ್ತವೆ. ಕಫದ ಚರ್ಮವು ಎಣ್ಣೆಯುಕ್ತ, ದಪ್ಪ, ಹಳದಿ ಚರ್ಮ ಪರಿಣಾಮ ಬೀರುತ್ತದೆ. ಚರ್ಮದ ತುರಿಕೆ ತಪ್ಪಿಸಲು ಕೆಲವು ಆಯುರ್ವೇದ ಪರಿಹಾರಗಳಿವೆ.

ಅಲೋವೆರಾ ಸನ್‌ ಸ್ಕ್ರೀನ್ ಹಚ್ಚಿರಿ. ಬೇಸಿಗೆಯಲ್ಲಿ ಸೂರ್ಯನ ರಕ್ಷಣೆ ಅತ್ಯಂತ ಮುಖ್ಯ. ಪಿತ್ತ ದೋಷದವರು ಸೂರ್ಯನ ಬಿಸಿ ಕಿರಣಗಳಿಗೆ ಒಡ್ಡಿಕೊಳ್ಳುವುದರಿಂದ ದದ್ದು ಉಂಟಾಗುತ್ತದೆ. ವಾತದ ಉಲ್ಬಣ, ಒಣ ಚರ್ಮಕ್ಕೆ ಕ್ಕೆ ದೀರ್ಘಕಾಲ ಬಿಸಿಲಿನಲ್ಲಿರುವುದು ಕಾರಣವಾಗುತ್ತದೆ. ಇದನ್ನು ತಪ್ಪಿಸಲು, ಉತ್ತಮ ಅಲೋವೆರಾ ಸನ್‌ಸ್ಕ್ರೀನ್ ಹಚ್ಚಿ.

ಗಿಡಮೂಲಿಕೆ ಚಹಾ. ಬೇಸಿಗೆಯಲ್ಲಿ ಹೆಚ್ಚು ನೀರು ಕುಡಿಯಿರಿ. ಹೈಡ್ರೇಟೆಡ್ ಆಗಿರಿ. ಶುಂಠಿ ಮತ್ತು ನಿಂಬೆಯಿಂದ ಮಾಡಿದ ಗಿಡಮೂಲಿಕೆ ಚಹಾ ಸೇವನೆ ಹೆಚ್ಚಿಸಿ. ಇದು ಜೀರ್ಣಕ್ರಿಯೆ ಆರೋಗ್ಯಕರವಾಗಿ, ಚರ್ಮ ಹೊಳೆಯುವಂತೆ ಮಾಡುತ್ತದೆ. ಆವಕಾಡೊ, ದಾಸವಾಳ, ರೋಸ್ಮರಿ, ಮೊರಿಂಜಾ ಚಹಾ ಕುಡಿಯಿರಿ.

ಹರ್ಬಲ್ ಡೀಪ್ ಆಯಿಲ್ ಮಸಾಜ್. ಒಣ ತ್ವಚೆ ಸಮಸ್ಯೆ ಕಡಿಮೆ ಮಾಡಲು ಎಣ್ಣೆ ಮಸಾಜ್ ಮಾಡಿ. ಏಪ್ರಿಕಾಟ್, ಬಾದಾಮಿ ಎಣ್ಣೆ ಹಚ್ಚಿರಿ. ಇದು ತುರಿಕೆ ಸಮಸ್ಯೆ ಕಡಿಮೆ ಮಾಡುತ್ತದೆ. ತೈಲದ ಮಸಾಜ್ ನಿಂದ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಬ್ಯಾಕ್ಟೀರಿಯಾ ಬೆಳವಣಿಗೆ ಮತ್ತು ತುರಿಕೆ ಸಮಸ್ಯೆ ಕಡಿಮೆಯಾಗುತ್ತದೆ.

ಬೇವಿನ ಎಲೆಗಳ ಪೇಸ್ಟ್. ಇದು ಚರ್ಮದ ಉರಿಯೂತ ಮತ್ತು ತುರಿಕೆ ಸಮಸ್ಯೆ ಕಡಿಮೆ ಮಾಡುತ್ತದೆ. ಕಫ ಮತ್ತು ಪಿತ್ತ ಸಮಸ್ಯೆ, ಶಾಖ, ಚರ್ಮದ ಸೋಂಕು ಕಡಿಮೆ ಮಾಡುತ್ತದೆ. ಬೇವಿನ ಎಲೆಗಳನ್ನು ಪೇಸ್ಟ್ ಮಾಡಿ, ಹಚ್ಚಿರಿ. ನಂತರ ನೈಸರ್ಗಿಕವಾಗಿ ಒಣಗಲು ಬಿಡಿ, ನಂತರ ತೊಳೆಯಿರಿ.

ಶ್ರೀಗಂಧ ಮತ್ತು ರೋಸ್ ವಾಟರ್. ಇದು ನಂಜುನಿರೋಧಕ, ಉರಿಯೂತ ನಿವಾರಕ. ಶ್ರೀಗಂಧ ಮತ್ತು ರೋಸ್ ವಾಟರ್‌ ಪೇಸ್ಟ್ ಮೊಡವೆ, ದದ್ದು ಕಡಿಮೆ ಮಾಡುತ್ತದೆ. ಇದು ಚರ್ಮದ ಕಿರಿಕಿರಿ ಶಮನಗೊಳಿಸುತ್ತದೆ. ಶ್ರೀಗಂಧವು ರಿಫ್ರೆಶ್ ವಾಸನೆ ಹೊಂದಿದೆ, ಇದು ಬೆವರುವಿಕೆಯಿಂದ ಉಂಟಾಗುವ ದುರ್ವಾಸನೆ ತಡೆಯುತ್ತದೆ.