Side Effects Of Sugar: ಸ್ವೀಟ್ ಶುಗರ್, ಸೈಲೆಂಟ್ ಕಿಲ್ಲರ್! ಸಕ್ಕರೆ ಕ್ಷಣ ಕ್ಷಣಕ್ಕೂ ಹೇಗೆ ನಿಮ್ಮ ಆರೋಗ್ಯವನ್ನು ಕೊಲ್ಲುತ್ತೆ ಗೊತ್ತಾ?

ಸಕ್ಕರೆಯಿಂದ ಎಷ್ಟು ದೂರವಿರುತ್ತೀರೋ ಅಷ್ಟೇ ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದು. ರುಚಿಯಲ್ಲಿ ಸಿಹಿಯಾಗಿದ್ದರೂ, ದೇಹದ ಮೇಲೆ ಅದು ಉಂಟು ಮಾಡುವ ಪರಿಣಾಮ ಸಾಕಷ್ಟು ಕಹಿಯಾಗಿರುತ್ತದೆ. ನಮ್ಮಲ್ಲಿ ಸಾಕಷ್ಟು ಮಂದಿ ಕೆಲವೊಂದು ಸಿಹಿತಿನಿಸುಗಳು, ಬೇಕರಿ ಸ್ವೀಟ್ಸ್ಗಳನ್ನು ದಿನ ಗಟ್ಟಲೇ ಕೊಟ್ಟರೂ ತಿನ್ನುವವರಿದದ್ದಾರೆ.

ಮತ್ತೆ ಕೆಲವರು ಸಕ್ಕರೆ ಬೆರೆಸದ ಟೀ, ಕಾಫಿ ಕುಡಿಯಿರಿ ಎಂದು ಹೇಳಿದರೆ ಮುಖ ಗಂಟು ಹಾಕಿ ಕೊಳ್ಳುತ್ತಾರೆ. ಆದರೆ ಅತಿಯಾಗಿ ಸಕ್ಕರೆ ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಒಂದು ವೇಳೆ ನೀವು ಹೆಚ್ಚು ಸಕ್ಕರೆ ಸೇವಿಸುವವರಾಗಿದ್ದರೆ, ಮೊದಲು ತಿನ್ನುವುದನ್ನು ಬಿಟ್ಟು ಬಿಡಿ. ಇಲ್ಲದಿದ್ದರೆ ನೀವೇ ನಿಮ್ಮನ್ನು ಅಪಾಯಕ್ಕೆ ಸಿಲುಕಿಸಿಕೊಂಡಂತೆ ಆಗುತ್ತದೆ. ಇನ್ನೂ ಸಕ್ಕರೆಯಿಂದ ಉಂಟಾಗುವ ಆರೋಗ್ಯ ಸಮಸ್ಯೆಗಳೇನು ಎಂಬುವುದರ ಕುರಿತಂತೆ ಒಂದಷ್ಟು ಮಾಹಿತಿ ಇಲ್ಲಿದೆ ನೋಡಿ.

ತೂಕ ಹೆಚ್ಚಾಗುವ ವಿಚಾರದಲ್ಲಿ ಸಕ್ಕರೆಯೇ ವಿಲನ್. ತೂಕ ಹೆಚ್ಚಾಗಲು ಮತ್ತು ಸ್ಥೂಲಕಾಯತೆಗೆ ಸಕ್ಕರೆಯೇ ಮುಖ್ಯ ಕಾರಣ. ಸಕ್ಕರೆ ದೇಹವನ್ನು ಪ್ರವೇಶಿಸಿದಾಗ, ಶಕ್ತಿಯು ಅಧಿಕವಾಗಿ ಹೆಚ್ಚಾಗುತ್ತದೆ. ಅದನ್ನು ಸೇವಿಸದ ನಂತರ ಕೊಬ್ಬಾಗಿ ಬದಲಾಗುತ್ತದೆ. ಕಾಲಕ್ರಮೇಣ ಬೊಜ್ಜು ಕಾಣಿಸಿಕೊಳ್ಳುತ್ತದೆ ಮತ್ತು ಅದರೊಂದಿಗೆ ಮಧುಮೇಹ, ಹೃದ್ರೋಗ, ಅಧಿಕ ರಕ್ತದೊತ್ತಡ ಸಮಸ್ಯೆಗಳು ಬರುತ್ತದೆ.

ಸಕ್ಕರೆಯನ್ನು ತಿನ್ನುವುದು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ತ್ವರಿತವಾಗಿ ಹೆಚ್ಚಿಸುತ್ತದೆ. ದೀರ್ಘಕಾಲದವರೆಗೆ ಹೆಚ್ಚು ಸಕ್ಕರೆ ತಿನ್ನುವುದು ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ.

ಸಕ್ಕರೆ ಮತ್ತು ಸಿಹಿಯಾದ ಪದಾರ್ಥವನ್ನು ಸೇವಿಸಿ ಬಾಯಿಯನ್ನು ಸ್ವಚ್ಛಗೊಳಿಸದಿದ್ದರೆ, ನಮ್ಮ ಹಲ್ಲುಗಳು ಪ್ಲೇಕ್ ಅನ್ನು ಪಡೆಯುತ್ತವೆ. ಅದರಿಂದ ಬ್ಯಾಕ್ಟೀರಿಯಾಗಳು ಹೆಚ್ಚಾಗುತ್ತದೆ. ದಂತಕವಚದ ತುಕ್ಕು ಹಲ್ಲುಗಳಲ್ಲಿ ಕುಳಿಗಳು ಮತ್ತು ಇತರ ಸಮಸ್ಯೆಗಳು ಉಂಟಾಗುತ್ತವೆ.

ಇತ್ತೀಚಿನ ಸಂಶೋಧನೆಯ ಪ್ರಕಾರ ಹೆಚ್ಚು ಸಕ್ಕರೆ ತಿನ್ನುವುದರಿಂದ ಮೆದುಳಿನ ಕಾರ್ಯಚಟುವಟಿಕೆ ಕಡಿಮೆಯಾಗುತ್ತದೆ. ವೃದ್ಧಾಪ್ಯದಲ್ಲಿ ಬುದ್ಧಿಮಾಂದ್ಯತೆ ಅಥವಾ ಆಲ್ಝೈಮರ್ನ ಅಪಾಯ ಉಂಟಾಗುತ್ತದೆ.

ಸಕ್ಕರೆ ಸುಲಭವಾಗಿ ವ್ಯಸನಕಾರಿಯಾಗಿದೆ ಈ ವ್ಯಸನವು ಕ್ರಮೇಣ ವಿವಿಧ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. (Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)