Mood Swings: ಒತ್ತಡ, ಮೂಡ್ ಸ್ವಿಂಗ್ಸ್ ಸಮಸ್ಯೆ ನಿವಾರಿಸಲು ಈ ಸಿಂಪಲ್ ಟಿಪ್ಸ್ ಫಾಲೋ ಮಾಡಿ!

ಮೂಡ್ ಸ್ವಿಂಗ್ಸ್ ಪ್ರತಿಯೊಬ್ಬರ ಜೀವನದ ಭಾಗವಾಗಿದೆ. ನೀವು ನಿಮ್ಮ ಸುತ್ತಲೂ ಒತ್ತಡದ ವಾತಾವರಣವಿದ್ದಾಗ ಹೆಚ್ಚು ಕಿರಿಕಿರಿ, ಮಾನಸಿಕ ಯಾತನೆ ಅನುಭವಿಸುತ್ತೀರಿ. ಯಾವುದೇ ಸಮಸ್ಯೆಯಿರದೇ ಹೋದಾಗ, ಹಾಯಾಗಿ ಚೆನ್ನಾಗಿರುತ್ತೀರಿ. ಆದರೆ ಎಲ್ಲಾ ಸಂದರ್ಭದಲ್ಲಿ ನಿಮ್ಮನ್ನು ನೀವು ಹ್ಯಾಪಿ ಆಗಿರಿಸುವುದು ತುಂಬಾ ಮುಖ್ಯ.

ಕೆಲವರು ವಡಾಪಾವ್ ತಿಂದು ಸಮಾಧಾನ ಮಾಡಿಕೊಳ್ತಾರೆ. ಆದರೆ ಅದೇ ವಡಾಪಾವ್ ನ್ನು ಫೈಸ್ಟಾರ್ ಹೋಟೇಲ್ ನಲ್ಲಿ ತಿಂದರೆ ರುಚಿಯಿರಲ್ಲ. ನಮ್ಮ ಸುತ್ತಲೂ ತುಂಬಾ ಒತ್ತಡವಿರುತ್ತದೆ. ಅನೇಕ ಜನರು ಅದೇ ಜಂಜಾಟದಲ್ಲಿ ಮುಳುಗುತ್ತಾರೆ. ಅದರಿಂದ ಹೊರಬರಲು, ಒತ್ತಡದ ವಾತಾವರಣದಲ್ಲಿ ಹ್ಯಾಪಿನೆಸ್ ಹ್ಯಾಕ್‌ ಹುಡುಕುತ್ತಿದ್ದರೆ ಈ ಸರಳ ಸಲಹೆ ಫಾಲೋ ಮಾಡಿ.

ನಿಮ್ಮನ್ನು ಚಿಂತೆ ಮುಕ್ತವಾಗಿರಿಸಿಕೊಳ್ಳಲು ಸ್ವಲ್ಪ ಸಮಯವನ್ನು ಪ್ರಕೃತಿ ನಡುವೆ ಕಳೆಯಿರಿ. ಸಮುದ್ರ ಅಥವಾ ಪರ್ವತಾರೋಹಣ ಪ್ರವಾಸ ಮಾಡಿ. ಪ್ರಕೃತಿಯೊಂದಿಗೆ ಸಂಪರ್ಕ ಹೊಂದಿ. ಇದು ನಿಮ್ಮ ಮನಸ್ಸು ವಿಶ್ರಾಂತಿ ಪಡೆಯಲು ಸಹಾಯ ಮಾಡುತ್ತದೆ. ನಮ್ಮಲ್ಲಿ ಸಕಾರಾತ್ಮಕತೆ ಬೆಳೆಯುತ್ತದೆ. ದೈಹಿಕವಾಗಿ ಸಕ್ರಿಯರಾಗಿರಿ.

ನೃತ್ಯ ಮತ್ತು ಹಾಡು ಅಭ್ಯಾಸ ಮಾಡಿ. ದಿನವೂ ನೃತ್ಯ ಮಾಡಿ, ಸಂಗೀತ ಆಲಿಸಿ. ಸಂಗೀತಾಭ್ಯಾಸ ಮಾಡಿ. ಇದು ನಿಮ್ಮ ಕೆಟ್ಟ ಮನಸ್ಥಿತಿ ಹಾಗೂ ಮೂಡ್ ಸ್ವಿಂಗ್ಸ್ ಸಮಸ್ಯೆ ನಿವಾರಣೆಗೆ ಸಹಕಾರಿ. ಒತ್ತಡದಲ್ಲಿದ್ದವರು ನೆಚ್ಚಿನ ಸಂಗೀತ ಕೇಳಿ. ಹಾಡಿಗೆ ಮುಕ್ತವಾಗಿ ನೃತ್ಯ ಮಾಡಿ. ಇದು ಎಂಡಾರ್ಫಿನ್ಗಳು ದೇಹದಲ್ಲಿ ಬಿಡುಗಡೆಯಾಗಲು, ಒತ್ತಡ ನಿವಾರಣೆಗೆ ಸಹಕಾರಿ.

ಉಸಿರಾಟದ ವ್ಯಾಯಾಮ ಮಾಡಿ. ಇದು ನಿಮ್ಮ ಇಡೀ ದಿನದ ಸ್ಟ್ರೆಸ್, ಒತ್ತಡ, ಖಿನ್ನತೆ ದೂರ ಮಾಡುತ್ತದೆ. ಧ್ಯಾನ ಮತ್ತು ಉಸಿರಾಟದ ವ್ಯಾಯಾಮವು ಮನಸ್ಸನ್ನು ಹಗುರವಾಗಿಸುತ್ತದೆ. ತಾಜಾತನ ಮೂಡುತ್ತದೆ. ಯೋಗ ಮಾಡಿದರೆ ಗಾಮಾ-ಅಮಿನೊಬ್ಯುಟ್ರಿಕ್ ಆಮ್ಲವು ದೇಹದಲ್ಲಿ ಹೆಚ್ಚಾಗುತ್ತದೆ. ಇದು ಮೆದುಳಿನ ರಾಸಾಯನಿಕ ಮಟ್ಟ ಹೆಚ್ಚಿಸಿ, ಸಮತೋಷ ನೀಡುತ್ತದೆ. ಬಾಲಾಸನ, ಶವಾಸನ ಮತ್ತು ಕಪಾಲಭಾತಿ ಮಾಡಿ.

ದೇಹಕ್ಕೆ ವಾರದಲ್ಲಿ ಒಮ್ಮೆಯಾದ್ರೂ ಮಸಾಜ್ ಮಾಡಿ. ಇದು ನಿಮ್ಮನ್ನು ಸಂತೋಷಗೊಳಿಸುತ್ತದೆ. ಸಾರಭೂತ ತೈಲದ ಮಸಾಜ್ ಮೂಡ್ ಬೂಸ್ಟರ್ ಆಗಿ ಕಾರ್ಯ ನಿರ್ವಹಿಸುತ್ತವೆ. ಕೆಟ್ಟ ಮನಸ್ಥಿತಿ ನಿಯಂತ್ರಿಸುತ್ತವೆ. ಸಾವಯವ ಚಹಾ ಸೇವಿಸಿ. ಹೂವುಗಳ ಪರಿಮಳ ತೆಗೆದುಕೊಳ್ಳಿ. ಇದು ಉಲ್ಲಾಸ ನೀಡುತ್ತದೆ. ನಿಂಬೆಯ ವಾಸನೆಯು ನಮ್ಮ ಮನಸ್ಸಿಗೆ ಶಾಂತಿ, ತಾಜಾತನ ನೀಡುತ್ತದೆ.

ನಿಮ್ಮ ಆಪ್ತ ಸ್ನೇಹಿತರ ಜೊತೆ ಚಾಟ್ ಮಾಡಿ. ಚಿಂತೆ ಅಥವಾ ಸಮಸ್ಯೆ ನಿವಾರಣೆಗೆ ಸ್ನೇಹಿತರನ್ನು ಭೇಟಿ ಮಾಡಿ. ಅವರೊಂದಿಗೆ ಹ್ಯಾಂಗ್ ಔಟ್ ಮಾಡಿ. ಉದ್ವೇಗ, ಸಮಸ್ಯೆ ಶೇರ್ ಮಾಡಿ. ನಿಮಗೆ ತೋಚಿದ್ದನ್ನು ಬರೆಯಿರಿ. ಧ್ಯಾನ ಮಾಡಿ. ಭಾವನೆ, ಆಲೋಚನೆಗಳನ್ನು ನಿಯಂತ್ರಿಸುವ ಬದಲು ಮುಕ್ತವಾಗಿ ಬರೆಯಿರಿ.

ನಿಮ್ಮನ್ನು ಸಂತೋಷದಿಂದ ಇರಿಸಲು ಸದಾ ಚಟುವಟಿಕೆಯಿಂದ ಇರಿ. ಸದಾ ಇತರರಿಗೆ ಸಹಾಯ ಮಾಡಿ. ಒಳ್ಳೆಯವರೊಂದಿಗೆ ಸ್ನೇಹ ಮಾಡಿ. ತಪ್ಪನ್ನು ಒಪ್ಪಿಕೊಂಡು, ಮುಂದೆ ಅದು ರಿಪೀಟ್ ಆಗದಂತೆ ಎಚ್ಚರ ವಹಿಸಿ. ಇತರರೊಂದಿಗೆ ಹೋಲಿಸಿಕೊಳ್ಳಬೇಡಿ.