Health Tips: ನೆಗಡಿ ಇದ್ದಾಗ ಈ ಕೆಲಸಗಳನ್ನು ಮಾಡಲೇಬೇಡಿ; ಆರೋಗ್ಯ ಇನ್ನಷ್ಟು ಹದಗೆಡುತ್ತೆ

ಚಳಿಗಾಲದ ಗಾಳಿ ಕಡಿಮೆಯಾಗುತ್ತಿದ್ದಂತೆ ನಿಯಂತ್ರಣ ಕ್ರಮಗಳ ಕೊರತೆಯಿಂದಾಗಿ ಜ್ವರ ಬರುವ ಸಾಧ್ಯತೆ ಇರುತ್ತದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ.

ಇದಕ್ಕೆ ಪುಷ್ಟಿ ನೀಡುವಂತೆ ದೆಹಲಿಯಲ್ಲಿ ಜ್ವರದ ಪ್ರಮಾಣ 5 ಪಟ್ಟು ಹೆಚ್ಚಾಗಿದೆ. ಶೀತಗಳು ಮತ್ತು ಜ್ವರದಿಂದ ನಿಮ್ಮನ್ನು ರಕ್ಷಿಸಿಕೊಳ್ಳುವುದು ಮುಖ್ಯ. ಹಾಗಾಗಿ ಏನು ಮಾಡಬೇಕು ಮತ್ತು ಮಾಡಬಾರದು ಎಂಬುದನ್ನು ತಿಳಿದುಕೊಳ್ಳಬೇಕು.

ಲಸಿಕೆಗಳು ಮತ್ತು ಇತರ ತಡೆಗಟ್ಟುವ ಕ್ರಮಗಳು ಜ್ವರದಿಂದ ಹೆಚ್ಚಿನ ಜನರನ್ನು ರಕ್ಷಿಸಲು ಸಹಾಯ ಮಾಡುತ್ತದೆ. ನೀವು ಜ್ವರ, ಶೀತ, ನೆಗಡಿ, ಕೆಮ್ಮು, ಉಸಿರಾಟ ತೊಂದರೆ, ಮೈ, ಕೈ ನೋವು ಹಾಗೂ ಜ್ವರ ಲಕ್ಷಣಗಳನ್ನು ಹೊಂದಿದ್ದರೆ, ಸೋಂಕನ್ನು ನಿಯಂತ್ರಿಸಲು ನೀವು ಮಾಡಬೇಕಾದ ಕೆಲ ಕೆಲಸಗಳ ಬಗ್ಗೆ ಈ ಕೆಳಗೆ ಮಾಹಿತಿ ನೀಡಲಾಗಿದೆ.

ಅತಿಯಾಗಿ ಕೆಲಸ ಮಾಡಬೇಡಿ ಅಥವಾ ಹೊರಗೆ ಹೋಗಬೇಡಿ: ಜ್ವರ ಬಂದ ಮೊದಲ ದಿನ, ನಿಮ್ಮ ದೇಹಕ್ಕೆ ಹೆಚ್ಚು ಒತ್ತಡಕ್ಕೆ ಒಳಗಾಗಿರುತ್ತದೆ. ಹೀಗಾಗಿ ನೀವು ಚೆನ್ನಾಗಿ ವಿಶ್ರಾಂತಿ ಪಡೆಯಬೇಕು. ನಿಮ್ಮ ಸುತ್ತಲೂ ಹೊದಿಕೆಯನ್ನು ಸುತ್ತಿಕೊಂಡು ನೀವು ಚೆನ್ನಾಗಿ ಮಲಗಬಹುದು. ಇಲ್ಲದಿದ್ದರೆ ನಿಮ್ಮ ನೆಚ್ಚಿನ ಪುಸ್ತಕಗಳನ್ನು ಓದಬಹುದು ಮತ್ತು ಟಿವಿ ವೀಕ್ಷಿಸಬಹುದು. ಆದರೆ ಮನೆಯಿಂದ ಹೊರಬರಬೇಡಿ. ಸ್ವಲ್ಪ ಚೇತರಿಸಿಕೊಂಡ ನಂತರ ವಿಶ್ರಾಂತಿ ತೆಗೆದುಕೊಳ್ಳದೇ ಹೊರಗೆ ಹೋದರೆ ಪರಿಸ್ಥಿತಿ ಹದಗೆಡುತ್ತದೆ. ಆದ್ದರಿಂದ ಕೆಲಸಕ್ಕೆ, ಶಾಲೆಗೆ ಹೋಗುವುದನ್ನು ತಪ್ಪಿಸಿ ಅಥವಾ ಸ್ನೇಹಿತರು ಮತ್ತು ಕುಟುಂಬವನ್ನು ಭೇಟಿ ಮಾಡಿ.

ಹೆಚ್ಚು ನೀರನ್ನು ಕುಡಿಯಬೇಡಿ: ಶೀತವಿದ್ದ ವೇಳೆ ತಣ್ಣನೆಯ ನೀರನ್ನು ಕುಡಿಯಬೇಡಿ. ಬದಲಾಗಿ ಶೀತದ ಲಕ್ಷಣಗಳನ್ನು ನಿಯಂತ್ರಿಸಲು ಸಾಕಷ್ಟು ದ್ರವಗಳಿವೆ. ಅವುಗಳನ್ನು ಕುಡಿಯುವುದು ಅತ್ಯಗತ್ಯ. ಚಿಕನ್ ನೂಡಲ್ ಸೂಪ್ನಂತಹ ಚಳಿಗಾಲದಲ್ಲಿ ಕುಡಿಯುವ ಸೂಪ್ಗಳು ಮತ್ತು ಶುಂಠಿ ಮತ್ತು ಕ್ಯಾಮೊಮೈಲ್ನಂತಹ ಕೆಫೀನ್ ರಹಿತ ಬಿಸಿ ಗಿಡಮೂಲಿಕೆ ಚಹಾಗಳು ಜ್ವರದ ವಿರುದ್ಧ ಹೋರಾಡಲು ಕುಡಿಯುವುದು ಮುಖ್ಯವಾಗಿದೆ. ಬಿಸಿ ನೀರಿನಲ್ಲಿ ನಿಂಬೆ ರಸವನ್ನು ಕುಡಿಯುವುದು ಮತ್ತು ಫ್ರೆಶ್ ಫ್ರೂಟ್ ಜ್ಯೂಸ್ ಕುಡಿಯುವುದು ಜ್ವರದ ಲಕ್ಷಣಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಕೆಟ್ಟ ಆಹಾರ ಪದ್ಧತಿಯನ್ನು ತಪ್ಪಿಸಿ: ನಿಮಗೆ ಹುಷಾರಿಲ್ಲದೇ ಇರುವಾಗ ನೀವು ಹೆಚ್ಚು ತಿನ್ನಲು ಸಾಧ್ಯವಾಗದಿದ್ದರೂ ಉತ್ತಮ ಪೌಷ್ಟಿಕ ಆಹಾರವನ್ನು ಸೇವಿಸುವುದು ಮುಖ್ಯವಾಗಿದೆ. ಆದ್ದರಿಂದ ಕಿತ್ತಳೆ, ದಾಳಿಂಬೆ, ಸ್ಟ್ರಾಬೆರಿ ಮತ್ತು ಇತರ ಅನೇಕ ಹಣ್ಣುಗಳು ಮತ್ತು ಚಳಿಗಾಲದ ತರಕಾರಿಗಳಾದ ಪಾಲಕ್ ಮತ್ತು ಸಿಹಿ ಗೆಣಸನ್ನು ಆಹಾರದ ಜೊತೆಗೆ ಸೇವಿಸಿ.

ಆರೋಗ್ಯವನ್ನು ನಿರ್ಲಕ್ಷಿಸಬಾರದು: ಜ್ವರ ರೋಗಲಕ್ಷಣಗಳನ್ನು ನಿವಾರಿಸಲು ನೀವು ಕೆಲ ಕ್ರಮಗಳನ್ನು ಕೈಗೊಳ್ಳಬೇಕು. ಉದಾಹರಣೆಗೆ, ನೀವು ಉಸಿರಾಟದ ಸಮಸ್ಯೆ ಹೊಂದಿದ್ದರೆ, ನಿಮ್ಮ ಉಸಿರಾಟವನ್ನು ನಿಯಂತ್ರಿಸಲು ನೀವು ಬಿಸಿ ಹಬೆಯನ್ನು ತೆಗೆದುಕೊಳ್ಳಬಹುದು. ಹೀಗಿದ್ದರೂ ರೋಗಲಕ್ಷಣಗಳು ಹೆಚ್ಚಾದರೆ ವೈದ್ಯರನ್ನು ಸಂಪರ್ಕಿಸಬೇಕು. ಈ ಮೂಲಕ ನೀವು ಸರಿಯಾದ ಚಿಕಿತ್ಸೆಯನ್ನು ಪಡೆಯುತ್ತೀರಾ.

ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ವ್ಯಾಕ್ಸಿನೇಷನ್: ಇನ್ಫ್ಲುಯೆನ್ಸವು ಲಸಿಕೆ ತಡೆಗಟ್ಟುವ ರೋಗವಾಗಿದೆ. ಈ ಸಂಬಂಧಿತ ಸಮಸ್ಯೆಗಳಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಜನರು ಅನುಸರಿಸಬಹುದಾದ ಹಲವಾರು ಕ್ರಮಗಳಿವೆ. ಶೀತ ಮತ್ತು ಜ್ವರದಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಲು ನೀವು ಮತ್ತು ನಿಮ್ಮ ಕುಟುಂಬ ಲಸಿಕೆಯನ್ನು ಪಡೆಯಬಹುದು.

ಏನು ಅನುಸರಿಸಬೇಕು: ಆಲ್ಕೋಹಾಲ್ ಆಧಾರಿತ ಸ್ಯಾನಿಟೈಸರ್ ಬಳಸಿ ಆಗಾಗ್ಗೆ ಕೈ ತೊಳೆಯುವುದು, ಕಣ್ಣು, ಮೂಗು ಅಥವಾ ಬಾಯಿಯನ್ನು ಸ್ಪರ್ಶಿಸುವುದನ್ನು ತಪ್ಪಿಸುವುದು.ಜನಸಂದಣಿ ಇರುವ ಸ್ಥಳಗಳಲ್ಲಿ ಮಾಸ್ಕ್ ಧರಿಸಬೇಕು.