Home Remedies: ಬೆಳ್ಳಂ ಬೆಳಗ್ಗೆ ಗಂಟಲು ನೋವು ಕಾಡುತ್ತಾ? ಈ ಮನೆಮದ್ದು ಮಾಡಿ ಸಾಕು

ಚಳಿಗಾಲ ಶುರುವಾದ ಕೂಡಲೇ ನೆಗಡಿ, ಕೆಮ್ಮು, ಜ್ವರದ ಸಮಸ್ಯೆಗಳು ಶುರುವಾಗುತ್ತವೆ. ಇದು ಗಂಟಲಿನಲ್ಲಿ ನೋವನ್ನು ಉಂಟುಮಾಡುತ್ತದೆ. ಈ ನೋವುಗಳು ವ್ಯಕ್ತಿಗೆ ತುಂಬಾ ಸಮಸ್ಯೆ ಉಂಟು ಮಾಡುತ್ತದೆ. ಇದರಿಂದ ತಿನ್ನಲು ಮತ್ತು ನೀರು ಕುಡಿಯಲು ತೊಂದರೆಯಾಗುತ್ತದೆ.

ಇದರಿಂದ ಆಗುವ ತೊಂದರೆಯನ್ನು ಕಡಿಮೆ ಮಾಡಲು ಕೆಲವು ಪರಿಹಾರಗಳು ಇಲ್ಲಿದೆ. ಈ ಆಹಾರಗಳನ್ನು ತಿಂದರೆ ಗಂಟಲಿನ ನೋವನ್ನು ನಿವಾರಿಸುತ್ತದೆ ಮತ್ತು ಎಲ್ಲಕ್ಕಿಂತ ಉತ್ತಮವಾಗಿ, ಈ ಆಹಾರಗಳು ನಿಮ್ಮ ಮನೆಯಲ್ಲಿ ಸುಲಭವಾಗಿ ಲಭ್ಯವಿವೆ.

ಚಹಾಕ್ಕೆ ಗಂಟಲಿಗೆ ಹಿತವಾಗುವ ಪದಾಋ್ಥಗಳನ್ನು ಸೇರಿಸಿ ಕುಡಿಯಿರಿ. ಉದಾಹರಣೆಗೆ, ಶುಂಠಿ, ದಾಲ್ಚಿನ್ನಿ, ಪುದೀನಾ, ಕ್ಯಾಮೊಮೈಲ್ ಅಥವಾ ರೋಸ್ಮರಿಯನ್ನು ಪ್ರಯತ್ನಿಸಿ. ಇದು ನಿಮಗೆ ಗಂಟಲು ನೋವಿನಿಂದ ಪರಿಹಾರ ನೀಡುತ್ತದೆ.

ಬೆಳ್ಳುಳ್ಳಿಯಲ್ಲಿರುವ ಆಲಿಸಿನ್ ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ, ಇದು ನೋಯುತ್ತಿರುವ ಗಂಟಲಿಗೆ ಕಾರಣವಾಗುವ ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತದೆ. ಅಲ್ಲದೆ ಶೀತದಿಂದ ಮುಕ್ತಿ ನೀಡುತ್ತದೆ

ಜ್ಯೇಷ್ಠಮಧುವಿನ ಸಣ್ಣ ತುಂಡನ್ನು ತೆಗೆದುಕೊಂಡು ಅದನ್ನು ನಿಮ್ಮ ಹಲ್ಲುಗಳ ಮಧ್ಯೆ ಇಟ್ಟುಕೊಂಡು ಕಚ್ಚಿ. ಅದರ ರಸವು ನಿಮ್ಮ ಹೊಟ್ಟೆಗೆ ಹೋಗಲಿ. ಈ ರಸವು ನಿಮ್ಮ ಗಂಟಲಿನ ನೋವನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ ಮತ್ತು ಕೆಮ್ಮನ್ನು ಕಡಿಮೆ ಮಾಡುತ್ತದೆ.

ಒಂದು ಕಪ್ ಕುದಿಯುವ ನೀರಿಗೆ ಅರ್ಧ ಚಮಚ ಅರಿಶಿನ ಮತ್ತು ಒಂದು ಚಮಚ ಉಪ್ಪನ್ನು ಬೆರೆಸಿ ಸೇವಿಸಿದರೆ ಗಂಟಲು ನೋವು ನಿವಾರಣೆಯಾಗುತ್ತದೆ. ನಂತರ ಇದೇ ಮಿಶ್ರಣದಿಂದ ಗಾರ್ಗಲ್​ ಮಾಡಿ. ಇದರಿಂದ ಸೋಂಕಿನ ಸಮಸ್ಯೆ ಕಡಿಮೆಯಾಗುತ್ತದೆ.

ಆಪಲ್ ಸೈಡರ್ ವಿನೆಗರ್ ಗಂಟಲಿನ ಸೋಂಕನ್ನು ಗುಣಪಡಿಸುತ್ತದೆ. ಈ ವಿನೆಗರ್ ಅನ್ನು ನಿಮ್ಮ ಚಳಿಗಾಲದ ಆಹಾರದಲ್ಲಿ ಸಾಧ್ಯವಾದಷ್ಟು ಸೇರಿಸಿ. ಇಸಿ ನೀರಿಗೆ ವಿನೆಗರ್ ಹಾಕಿ ಸೇವಿಸಿದರೆ ಗಂಟಲು ನೋವು ಮಾಯವಾಗುತ್ತದೆ.

ಗಂಟಲಿನ ಸೋಂಕುಗಳು ಮತ್ತು ಒಣ ಶೀತಗಳನ್ನು ಗುಣಪಡಿಸಲು ಉಪ್ಪಿನ ನೀರು ತುಂಬಾ ಉಪಯುಕ್ತವಾಗಿದೆ. ಒಂದು ಲೋಟ ಬೆಚ್ಚಗಿನ ನೀರಿನಲ್ಲಿ ಒಂದು ಟೀಚಮಚ ಉಪ್ಪನ್ನು ಬೆರೆಸಿ ಮತ್ತು ಗಾರ್ಗಲ್​ ಮಾಡಿ. ದಿನಕ್ಕೆ ಮೂರು ಬಾರಿಯಾದರೂ ಹೀಗೆ ಮಾಡಿದರೆ ಪರಿಹಾರ ಸಿಗುತ್ತದೆ.

ಚಳಿಗಾಲದಲ್ಲಿ ಗಂಟಲು ನೋವಿಗೆ ಜೇನುತುಪ್ಪ ಕೂಡ ಪ್ರಯೋಜನಕಾರಿ. ಕುದಿಯುವ ನೀರಿಗೆ ಸ್ವಲ್ಪ ಜೇನುತುಪ್ಪ ಸೇರಿಸಿ  ಮಿಶ್ರಣ ಮಾಡಿ. ಅದಕ್ಕೆ ಸ್ವಲ್ಪ ನಿಂಬೆ ರಸ ಸೇರಿಸಿ ಕುಡಿಯಿರಿ