Life Hacks: ಹಬ್ಬದ ದಿನಗಳಲ್ಲಿ ಡೈನಿಂಗ್ ಟೇಬಲ್ ಸಿಂಗಾರ ಮಾಡಲು ಇಲ್ಲಿದೆ ಟಿಪ್ಸ್

ಕೆಲವರು ಹೊಸ ಥೀಮ್‌ಗಳೊಂದಿಗೆ ತಮ್ಮ ಮನೆಗಳನ್ನು ಅಲಂಕರಿಸುತ್ತಾರೆ. ಮನೆಯಲ್ಲಿ ಎಲ್ಲವನ್ನೂ ಸರಿಯಾಗಿ ಅಲಂಕರಿಸಿದರೂ ಕೆಲವನ್ನು ಗಮನಿಸದೆ ಬಿಡುತ್ತೇವೆ. ಅದರಲ್ಲಿ ಈ ಡೈನಿಂಗ್ ಟೇಬಲ್ ಮೊದಲನೆಯದು. ನಾವು ಸುಮ್ಮನೆ ಎಲ್ಲವನ್ನು ಅದರ ಮೇಲೆ ಇಟ್ಟು ಬಿಡುತ್ತೇವೆ. ಆದರೆ ಅದನ್ನು ಅಲಂಕಾರ ಮಾಡುವುದು ಸಹ ಮುಖ್ಯವಾಗುತ್ತದೆ.

ನಾವು ಡೈನಿಂಗ್ ಟೇಬಲ್ ಅನ್ನು ಸರಿಯಾಗಿ ಅಲಂಕರಿಸುವುದಿಲ್ಲ. ಯಾಕೆಂದರೆ ಅದನ್ನು ಯಾರೂ ಗಮನಿಸುವುದಿಲ್ಲ ಎಂದು ಅಂದುಕೊಳ್ಳುತ್ತೇವೆ. ಆದರೆ ನಮ್ಮ ಡೈನಿಂಗ್ ಟೇಬಲ್ ಸಹ ಅತಿಥಿಗಳನ್ನು ಆಕರ್ಷಿಸಲು ಸಹಾಯ ಮಾಡುತ್ತದೆ.

ಕಟ್ಲರಿ ವಸ್ತುಗಳು: ಹಬ್ಬದ ದಿನಗಳಲ್ಲಿ ಮನೆಗೆ ಅನೇಕ ಅತಿಥಿಗಳು ಬರುತ್ತಾರೆ. ಆದ್ದರಿಂದ ಊಟಕ್ಕೆ ಆಹ್ವಾನಿಸುವ ಮೊದಲು ಡೈನಿಂಗ್ ಟೇಬಲ್ ಮೇಲೆ ವಸ್ತುಗಳನ್ನು ನೀಟಾಗಿ ಜೋಡಿಸಿ. ಅದಕ್ಕಾಗಿ ಮೊದಲು ಕಟ್ಲರಿ ವಸ್ತುಗಳನ್ನು ತೆಗೆದುಕೊಳ್ಳಿ. ಬೇಕಾದ ಚಮಚ, ತಟ್ಟೆ ಮತ್ತು ಬಟ್ಟಲುಗಳನ್ನು ತೆಗೆದುಕೊಂಡು ಪಕ್ಕಕ್ಕೆ ಇರಿಸಿ. ನಿಮ್ಮ ಬೆಳಿಗ್ಗೆ, ಮಧ್ಯಾಹ್ನ ಮತ್ತು ಸಂಜೆಗೆ ಸರಿಹೊಂದುವಂತೆ ನೀವು ಅವುಗಳನ್ನು ಬದಲಾಯಿಸಬಹುದು.

ಫ್ಲವರ್ಸ್ ಡಿಸೈನ್ : ಮನೆಯನ್ನು ಅಲಂಕರಿಸಲು ಪ್ರಯತ್ನಿಸುವಾಗ ಡೈನಿಂಗ್ ಟೇಬಲ್ ಕಡೆ ಸ್ವಲ್ಪ ಗಮನ ಕೊಡಿ. ಹೂವುಗಳನ್ನು ಬಳಸಿ ವಿನ್ಯಾಸ ಮಾಡಿದರೆ ಮನೆಯನ್ನು ಉತ್ತಮವಾಗಿ ಅಲಂಕರಿಸಲು ಸಹಾಯ ಮಾಡುತ್ತದೆ. ಡೈನಿಂಗ್ ಟೇಬಲ್ ಅನ್ನು ಕೂಡ ಸುಂದರಗೊಳಿಸಲು ಗುಲಾಬಿ ಲಿಲ್ಲಿ ಹೂವು ಮತ್ತು ಡೋರಿಯಾ ಹೂವಿನಂತಹ ವಿವಿಧ ಬಣ್ಣಗಳ ಹೂವುಗಳಿಂದ ಟೇಬಲ್ ಅನ್ನು ಅಲಂಕರಿಸಬಹುದು.

ನೀವು ಒಂದು ಪಾತ್ರೆಯಲ್ಲಿ ಸ್ವಲ್ಪ ನೀರನ್ನು ಹಾಕಿ ಅದರ ಮೇಲೆ ಹೂವುಗಳನ್ನು ಹಾಕಿದರೆ ಅವು ತೇಲುತ್ತವೆ. ಹೀಗೆ ಮಾಡುವುದರಿಂದ ಡೈನಿಂಗ್ ಟೇಬಲ್ ನಲ್ಲಿ ಒಳ್ಳೆಯ ವಾತಾವರಣ ನಿರ್ಮಾಣವಾಗುತ್ತದೆ. ಸಂತೋಷ ಮತ್ತು ನೆಮ್ಮದಿ ದೊರೆಯುತ್ತದೆ.

ಟೇಬಲ್ ಮ್ಯಾಟ್: ಟೇಬಲ್ ಅನ್ನು ಅಲಂಕರಿಸಲು ಉತ್ತಮವಾದ ವಸ್ತುವೆಂದರೆ ಟೇಬಲ್ ಮ್ಯಾಟ್ ಅಥವಾ ಟೇಬಲ್ ಕವರ್. ನೀವು ಬಡಿಸುವ ಆಹಾರಕ್ಕೆ ಸೂಕ್ತವಾದ ಟೇಬಲ್ ಮ್ಯಾಟ್‌ಗಳನ್ನು ಬಳಸಬಹುದು. ನೀವು ಇದನ್ನು ಮೇಜಿನ ಮೇಲೆ ಹಾಕಿದರೆ ಒಳ್ಳೆಯ ಲುಕ್ ನೀಡುತ್ತದೆ.

ಈ ಅಲಂಕಾರವು ಊಟದ ಸ್ಥಳದ ಬಣ್ಣವನ್ನು ಬದಲಾಯಿಸುತ್ತದೆ. ಮೇಲಿನ ಹಂತಗಳನ್ನು ಅನುಸರಿಸುವ ಮೂಲಕ ನೀವು ಕೂಡ ನಿಮ್ಮ ಡೈನಿಂಗ್ ಟೇಬಲ್ ಅನ್ನು ಉತ್ತಮವಾಗಿ ಅಲಂಕರಿಸಬಹುದು.