Valentine's Day 2023: ವ್ಯಾಲೆಂಟೈನ್ಸ್ ಡೇ ನೈಟ್ ನಿಮ್ಮ ಸಂಗಾತಿಗೆ ಸರ್ಪ್ರೈಸ್ ನೀಡಿ; ಪ್ರೀತಿಯನ್ನು ಹೀಗೆ ಆಚರಿಸಿ!

ಪ್ರೇಮಿಗಳ ದಿನದಂದು ಮನೆಯನ್ನು ಅಲಂಕರ ಮಾಡಲು ಸಾಕಷ್ಟು ಸಮಯ ಬೇಕಾಗುತ್ತದೆ. ಅಷ್ಟಕ್ಕೂ ಮನೆಯನ್ನು ಅಲಂಕರಿಸುವುದು ಹೇಗೆ? ಯಾವುದರಿಂದ ಅಲಂಕರಿಸಬಹುದು? ಅಲಂಕಾರಿಕ ವಸ್ತುಗಳ ಬೆಲೆ ಎಷ್ಟು ಎಂಬುದರ ಕುರಿತು ನೀವು ಅನೇಕ ವಿಚಾರಗಳನ್ನು ತಿಳಿದುಕೊಳ್ಳಬೇಕು. ಅಲ್ಲದೇ ಮನೆಯನ್ನು ಅಲಂಕರಿಸಲು ಹೆಚ್ಚಿನ ಹಣ ಬೇಕಾಗಿಲ್ಲ. ಹೊಸ ಐಡಿಯಾಗಳಿಂದಲೇ ಮನೆಯನ್ನು ಸುಂದರವಾಗಿ ಮತ್ತು ಕಣ್ಮನ ಸೆಳೆಯುವ ರೀತಿಯಲ್ಲಿ ಅಲಂಕರಿಸಬಹುದು. ಕೆಲವೊಮ್ಮೆ ಸಣ್ಣ ವಿಚಾರಗಳು ಕೂಡ ಮನೆಯನ್ನು ಸುಂದರಗೊಳಿಸಲು ಸಹಾಯ ಮಾಡುತ್ತದೆ. ಇಷ್ಟೇ ಅಲ್ಲದೇ ಇಡಬೇಕಾದ ಸರಿಯಾದ ಸ್ಥಳಗಳಲ್ಲಿ ಇರಿಸಿದರೆ, ಹೆಚ್ಚು ಖರ್ಚು ಮಾಡದೇ ಸುಲಭವಾಗಿ ಮನೆಯನ್ನು ಅಲಂಕರಿಸಬಹುದು.

ಸದ್ಯ ವ್ಯಾಲೆಂಟೈನ್ಸ್ ಡೇ ಅನ್ನು ನಿಮ್ಮ ಸಂಗಾತಿಯೊಂದಿಗೆ ಆಚರಿಸಲು ನಿಮಗಾಗಿ ಅದ್ಭುತವಾದ ಐಡಿಯಾಗಳು ಈ ಕೆಳಗಿನಂತಿವೆ. ಇವುಗಳನ್ನು ಪ್ರಯತ್ನಿಸುವ ಮೂಲಕ ನೀವಿಬ್ಬರೂ ಈ ದಿನವನ್ನು ಸ್ಮರಣೀಯವಾಗಿಸುವ ಜೊತೆಗೆ ಉತ್ತಮ ಅನುಭವವನ್ನು ಪಡೆಯಬಹುದು. ಈ ದಿನದಂದು ಒತ್ತಡದಿಂದ ದೂರ ಉಳಿದು ಸುಂದರವಾದ ರಾತ್ರಿಯನ್ನು ಆರಿಸಿಕೊಳ್ಳಬಹುದು. ನೀವು ಒಟ್ಟಿಗೆ ರುಚಿಕರವಾದ ಊಟವನ್ನು ಅಡುಗೆ ಮಾಡುವ ಮೂಲಕ, ಕರಕುಶಲ ವಸ್ತುಗಳನ್ನು ಬಳಸಿ ರೋಮ್ಯಾಂಟಿಕ್ ವಾತಾವರಣದಲ್ಲಿ ನಿಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಬಹುದು.

ಪ್ರೇಮಿಗಳ ದಿನದಂದು ಹೊರಗೆ ಹೋಗುವುದರಿಂದ ಎಲ್ಲವೂ ನೀವು ಅಂದುಕೊಂಡಂತೆ ನಡೆಯುತ್ತದೆ ಎಂಬುವುದಕ್ಕೆ ಗ್ಯಾರಂಟಿ ಇಲ್ಲ. ಆದರೆ ಮನೆಯಲ್ಲಿಯೇ ಸಣ್ಣಪುಟ್ಟ ಅಲಂಕಾರಗಳನ್ನು ಮಾಡುವುದರ ಮೂಲಕ ಉತ್ತಮ ಸಮಯ ಕಳೆಯಬಹುದು ಎಂದು ವುಡನ್ಸ್ಟ್ರೀಟ್ನ ಸಿಇಒ ಲೋಕೇಂದ್ರ ಸಿಂಗ್ ರಣಾವತ್ ಹೇಳುತ್ತಾರೆ. ನಿಮ್ಮ ಪ್ರೇಮಿಗಳ ದಿನವನ್ನು ಮನೆಯಲ್ಲಿ ಆಚರಿಸಲು ಕೆಲ ಟಿಪ್ಸ್ಗಳು ಇಲ್ಲಿವೆ.

ಕುಶನ್ ಕವರ್ಗಳು, ಮೇಣದಬತ್ತಿಗಳು, ಹೂವುಗಳು ಮತ್ತು ಇತರ ಅಲಂಕಾರಿಕ ವಸ್ತುಗಳಿಂದ ಮನೆಯನ್ನು ಅಲಂಕರಿಸುವುದರ ಮೂಲಕ ಈ ದಿನವನ್ನು ಕಂಪ್ಲೀಟ್ ಆಗಿಸಬಹುದು. ಯಾವುದೇ ಸಂದರ್ಭವನ್ನು ಎಲ್ಲಿ ಆಚರಿಸಿದರೂ ಅದನ್ನು ವಿಶೇಷವಾಗಿಸುವುದು ಹೂವುಗಳು ಎಂದು ರಾನಾವತ್ ಹೇಳುತ್ತಾರೆ.

ಮನೆಯನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು : ನಿಮ್ಮ ಮನೆ ಸ್ವಚ್ಛವಾಗಿದ್ದರೆ ನೀವು ಮತ್ತು ನಿಮ್ಮ ಸಂಗಾತಿ ಒಟ್ಟಿಗೆ ಆಹ್ಲಾದಕರ ಸಮಯವನ್ನು ಆನಂದಿಸಬಹುದು. ಪ್ರೇಮಿಗಳ ದಿನಕ್ಕೂ ಮುನ್ನ, ನಿಮ್ಮ ಮನೆಯನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಲು ಸ್ವಲ್ಪ ಸಮಯ ತೆಗೆದುಕೊಳ್ಳಿ. ಮನೆಯಲ್ಲಿ ನೈಸರ್ಗಿಕ ಪರಿಮಳ ಸ್ಪ್ರೇಗಳನ್ನು ಬಳಸುವುದರಿಂದ, ನೀವು ಆತಂಕದಿಂದ ಉಂಟಾಗುವ ಒತ್ತಡವನ್ನು ಕಡಿಮೆ ಮಾಡಬಹುದು. ಖಿನ್ನತೆಯನ್ನು ಕಡಿಮೆ ಮಾಡಬಹುದು.

ಕೆಂಪು ಥೀಮ್: ಕೆಂಪು ಬಣ್ಣ ಪ್ರೀತಿಯ ಸಂಕೇತವಾಗಿದೆ. ಹಾಗಾಗಿ ಕುಶನ್ ಕವರ್, ಕುಶನ್, ಕರ್ಟನ್ ಆಯ್ಕೆ ಮಾಡುವಾಗ ಕೆಂಪು ಬಣ್ಣವನ್ನು ಆಯ್ಕೆ ಮಾಡಿಕೊಳ್ಳಿ. ನೀವು ವರ್ಷಗಳಿಂದ ಸಂಗ್ರಹಿಸಿದ ಫೋಟೋಗಳನ್ನು ಕೆಂಪು ಚೌಕಟ್ಟಿನಲ್ಲಿ ಸಂಗ್ರಹಿಸಲು ಪ್ರಯತ್ನಿಸಿ. ಅವುಗಳನ್ನು ಬೆಳಗಿಸಲು ದೀಪಗಳಿಂದ ಅಲಂಕರಿಸಿ. ಇದು ನಿಮ್ಮ ಗೆಳತಿಯೊಂದಿಗೆ ಹೆಚ್ಚು ಸಮಯ ಕಳೆಯಲು ಅನುವು ಮಾಡಿಕೊಡುತ್ತದೆ.

ಊಟದ ಮೇಜಿನ ಅಲಂಕಾರ : ಮನೆಯಲ್ಲಿ ಡಿನ್ನರ್ ಮಾಡದೇ ಈ ದಿನ ಪೂರ್ಣಗೊಳ್ಳುವುದಿಲ್ಲ. ಹಾಗಾಗಿ ಮನೆಯ ಬಾಲ್ಕನಿ, ಮಲಗುವ ಕೋಣೆ, ಟೆರೇಸ್, ಟೆರೇಸ್ ಗಾರ್ಡನ್ ಡೈನಿಂಗ್ ಟೇಬಲ್ ಅನ್ನು ಅಲಂಕರಿಸಲು ಉತ್ತಮ ಸ್ಥಳಗಳಾಗಿವೆ. ಈ ದಿನದಂದು ನಿಮ್ಮ ಊಟದ ಸಮಯವನ್ನು ಹೆಚ್ಚು ವಿಶೇಷ ಮತ್ತು ರೋಮ್ಯಾಂಟಿಕ್ ಮಾಡಲು ಇದು ಸಹಾಯ ಮಾಡುತ್ತದೆ.

ಕುರ್ಚಿಗಳ ಮೇಲೆ ಅಲಂಕಾರ: ಡೈನಿಂಗ್ ಟೇಬಲ್ ಕುರ್ಚಿಗಳನ್ನು ಸುಂದರವಾದ ಹೂವುಗಳಿಂದ ಅಲಂಕರಿಸಬಹುದು. ಡೈನಿಂಗ್ ಟೇಬಲ್ ಅನ್ನು ಅಲಂಕರಿಸಿ ಊಟ ಮಾಡುವುದರಿಂದ ಸುಮಧುರವಾದ ಸಮಯ ಕಳೆಯಲು ಸಹಾಯಕರವಾಗಿದೆ. ಸರಾಫ್ ಫರ್ನಿಚರ್ನ ಸಂಸ್ಥಾಪಕ, ಸಿಇಒ ರಘುನಂದನ್ ಸರಾಫ್, ಈ ಹೂವಿನ ಅಲಂಕಾರದ ಕುರ್ಚಿಗಳು ನಿಮ್ಮ ರೋಮ್ಯಾಂಟಿಕ್ ಮೂಡ್ ಅನ್ನು ಮತ್ತಷ್ಟು ಹೆಚ್ಚಿಸುತ್ತದೆ.

ಮಲಗುವ ಕೋಣೆ ಅಲಂಕಾರ: ದಂಪತಿ ತಮ್ಮ ಪ್ರಣಯ ಭಾವನೆಗಳನ್ನು ವ್ಯಕ್ತಪಡಿಸಲು ಮನೆಯಲ್ಲಿ ಮಲಗುವ ಕೋಣೆ ಅತ್ಯುತ್ತಮ ಸ್ಥಳವಾಗಿದೆ. ಅಂತಹ ವಿಶೇಷ ಕೋಣೆಯನ್ನು ಪಾರದರ್ಶಕ ಪರದೆಗಳಿಂದ ಅಲಂಕರಿಸಬಹುದು. ಇದು ನಿಮ್ಮ ಪ್ರೀತಿಯನ್ನು ಹೆಚ್ಚಿಸುವಷ್ಟು ಪರಿಣಾಮಕಾರಿಯಾಗಿದೆ.

ಲೈಟಿಂಗ್ ಲ್ಯಾಪ್ಸ್, ಕ್ಯಾಂಡಲ್: ಹಳದಿ ದೀಪಗಳು ಶಾಂತಿಯ ವಾತಾವರಣವನ್ನು ಒದಗಿಸುತ್ತವೆ. ಆದರೆ ಪರಿಮಳಯುಕ್ತ ಮೇಣದಬತ್ತಿಗಳು ಶಾಂತ ಮನಸ್ಥಿತಿಯನ್ನು ನೀಡುತ್ತದೆ. ಮೇಣದಬತ್ತಿಗಳು ಮತ್ತು ದೀಪಗಳ ಅಲಂಕಾರ ಐಷಾರಾಮಿ ಹೋಟೆಲ್ನಂತಹ ವಾತಾವರಣವನ್ನು ನೀಡುತ್ತವೆ. ವೆನಿಲ್ಲಾ, ನಿಂಬೆ ಅಥವಾ ಮಲ್ಲಿಗೆಯಂತಹ ಪರಿಮಳಯುಕ್ತ ಮೇಣದಬತ್ತಿಗಳನ್ನು ಆರಿಸುವುದು ನಿಮ್ಮ ಪ್ರಣಯ ಭಾವನೆಗಳನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.