Low Blood Pressure: ಸಡನ್​ ಆಗಿ ಬಿಪಿ ಕಡಿಮೆ ಆದ್ರೆ ಟೆನ್ಷನ್​ ಆಗ್ಬೇಡಿ ಇವುಗಳನ್ನು ತಿನ್ನಿ ಸಾಕು

ರಕ್ತದೊತ್ತಡವು ಕಡಿಮೆ ಆದರೆ ಆಗ ಉಪ್ಪನ್ನು ಸ್ವಲ್ಪ ತಿಂದರೆ, ಅದು ತುಂಬಾ ಪರಿಣಾಮಕಾರಿ ಪ್ರಯೋಜನ ನೀಡುತ್ತದೆ. ಇದು ದೇಹದಲ್ಲಿ ಎಲೆಕ್ಟ್ರೋಲೈಟ್ ಸಮತೋಲನ ಕಾಪಾಡುತ್ತದೆ.

5 ರಿಂದ 6 ಬಾದಾಮಿಯನ್ನು ರಾತ್ರಿ ನೆನೆಸಿ, ಬೆಳಗ್ಗೆ ಸಿಪ್ಪೆ ತೆಗೆದು ಪೇಸ್ಟ್ ತಯಾರಿಸಿ ಕುದಿಸಿ ಕುಡಿಯಿರಿ. ನಿಮ್ಮ ರಕ್ತದೊತ್ತಡ ಕಡಿಮೆಯಾಗದಂತೆ ತಡೆಯುತ್ತದೆ. ಇದನ್ನ ಪ್ರತಿದಿನ  ಕುಡಿಯಿರಿ.

ಚಹಾ ಅಥವಾ ಕಾಫಿಯಂತಹ ಕೆಫೀನ್ ಇರುವ ಪಾನೀಯಗಳು ನಿಮ್ಮ ರಕ್ತದೊತ್ತಡವನ್ನು ತಾತ್ಕಾಲಿಕವಾಗಿ ಹೆಚ್ಚಿಸಲು ಸಹಾಯ ಮಾಡಬಹುದು. ನಿಮ್ಮ ರಕ್ತದೊತ್ತಡವು ಹಠಾತ್ತನೆ ಕಡಿಮೆಯಾದಾಗ, ಒಂದು ಕಪ್ ಕಾಫಿ ಅಥವಾ ಚಹಾವು ನಿಮ್ಮ ರಕ್ತಪರಿಚಲನೆಯನ್ನು ಸುಧಾರಿಸುತ್ತದೆ.

ನೀವು ಸ್ವಲ್ಪ ದ್ರಾಕ್ಷಿಯನ್ನು ರಾತ್ರಿಯಿಡೀ ನೆನೆಸಿ ನಂತರ ಅದನ್ನು ಹಾಲಿನೊಂದಿಗೆ ಕುದಿಸಿ ಬೆಳಿಗ್ಗೆ ಸೇವಿಸಬಹುದು. ಅಥವಾ ನಿಮ್ಮ ಬೆಳಗಿನ ಉಪಾಹಾರದಲ್ಲಿ ಒಂದು ಮುಷ್ಟಿ ನೆನೆಸಿದ ದ್ರಾಕ್ಷಿ ಸೇವನೆ ಮಾಡಬಹುದು.

ಬಿಪಿ ಕಡಿಮೆಯಾದರೆ ಮನೆಯಲ್ಲೇ ಸಕ್ಕರೆ ಮತ್ತು ಉಪ್ಪು ಹಾಕಿರುವಂತಹ ಪಾನೀಯ ಸೇವನೆ ಮಾಡಿದರೆ ಅದು ತುಂಬಾ ಒಳ್ಳೆಯದು.

ಪ್ರತಿದಿನ ಬೆಳಿಗ್ಗೆ ಐದರಿಂದ ಆರು ತುಳಸಿ ಎಲೆಗಳನ್ನು ತಿನ್ನಿ. ತುಳಸಿ ಎಲೆಗಳಲ್ಲಿ ಹೆಚ್ಚಿನ ಮಟ್ಟದ ಪೊಟ್ಯಾಸಿಯಮ್, ಮೆಗ್ನೀಸಿಯಮ್ ಮತ್ತು ವಿಟಮಿನ್ ಸಿ ಇದ್ದು, ಇದು ನಿಮ್ಮ ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇದು ಯುಜೆನಾಲ್ ಎಂಬ ಆ್ಯಂಟಿ ಆಕ್ಸಿಡೆಂಟ್ ಹೊಂದಿದ್ದು, ಇದು ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ.

ಬಿಪಿ ಕಡಿಮೆಯಾದರೆ ನೀವು ಸಕ್ಕರೆಯನ್ನು ತಿನ್ನಬಹುದು. ಆದರೆ ಮಧುಮೇಹವಿದ್ದರೆ ಮಾತ್ರ ಸಕ್ಕರೆ ಸೇವನೆ ಒಳ್ಳೆಯದಲ್ಲ.

ದಾಳಿಂಬೆ ಜ್ಯೂಸ್ ಪಾಲಿಫಿನಾಲ್ಸ್ ಎಂಬ ಆ್ಯಂಟಿ ಆಕ್ಸಿಡೆಂಟ್ ಅನ್ನು ಸಮೃದ್ಧವಾಗಿ ಹೊಂದಿದ್ದು ನಿಮ್ಮ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.