Skin Care: ಹೋಳಿ ಮುಗಿದರೂ ಬಣ್ಣ ಹೋಗ್ತಿಲ್ವಾ? ಇಲ್ಲಿದೆ ನೋಡಿ ಕಲರ್ ರಿಮೂವ್ ಮಾಡಲು ಆರು ಟಿಪ್ಸ್​

ಈ ದಿನ ಬಣ್ಣಗಳ ಹಬ್ಬ ಹೋಳಿ ಹಬ್ಬದ ಸಂಭ್ರಮ. ಜನ ವಿವಿಧ ಬಗೆಯ ಬಣ್ಣ ಹಚ್ಚಿ ಕುಣಿದು ಕುಪ್ಪಳಿಸುತ್ತಿದ್ದಾರೆ. ಆದರೆ ಸಂಭ್ರಮಕ್ಕೆ ಕಾರಣವಾಗಿರುವ ಬಣ್ಣದಲ್ಲಿ ಕೆಲವು ಅಪಾಯಕಾರಿ ರಾಸಾಯನಿಕಗಳು ಅಡಕವಾಗಿದೆ.

ಹಾಗಾಗಿ ಕೆಲ ಮಂದಿ ಹೋಳಿ ಹಬ್ಬದಂದು ಮನೆಯಿಂದ ಹೊರಗೆ ಬರಲು ಈ ದಿನ ಹಿಂಜರಿಯುತ್ತಾರೆ. ಏಕೆಂದರೆ ಕೆಮಿಕಲ್ ಮಿಶ್ರಿತ ಬಣ್ಣ ಆಡುವುದರಿಂದ ಎಲ್ಲಿ ಮುಖದ ಮೇಲೆ ಬಣ್ಣ ಹೋಗುವುದಿಲ್ಲವೋ, ಚರ್ಮದ ಅಲರ್ಜಿ ಸೇರಿದಂತೆ ಹಲವು ರೀತಿಯ ಸಮಸ್ಯೆಗಳು ಉಂಟಾಗುತ್ತದೆಯೋ ಎಂದು ಆತಂಕಕ್ಕೊಳಗಾಗಿರುತ್ತಾರೆ. ಆದರೆ ಆ ಭಯವನ್ನು ಬಿಡಿ. ಮುಖದ ಮೇಲೆ ಆಗುವ ಬಣ್ಣದ ಕಲೆಗಳನ್ನು ಸುಲಭವಾಗಿ ತೆಗೆದು ಹಾಕಲು ಒಂದಷ್ಟು ಟಿಪ್ಸ್ಗಳನ್ನು ನಾವು ನಿಮಗೆ ತಿಳಿಸುತ್ತೇವೆ.

ಬೇಕಿಂಗ್ ಸೋಡಾ: ಬೇಕಿಂಗ್ ಸೋಡಾ ಜೊತೆಗೆ ನೀರನ್ನು ಬೆರೆಸಿ ಸ್ವಲ್ಪ ಹೊತ್ತು ಬಿಟ್ಟು. ನಂತರ ಮುಖಕ್ಕೆ ಹಚ್ಚಿಕೊಂಡು ಚೆನ್ನಾಗಿ ಉಜ್ಜು. ಬಳಿಕ ಮುಖವನ್ನು ನೀರಿನಲ್ಲಿ ತೊಳೆಯಿರಿ.

ಆ್ಯಪಲ್ ಸೈಡರ್ ವಿನೇಗರ್: ಹೋಳಿ ಹಬ್ಬದಂದು ಬಣ್ಣದಲ್ಲಿ ನೀವು ಆಟ ಆಡಿದ ನಂತರ ಆ್ಯಪಲ್ ಸೈಡರ್ ವಿನೇಗರ್ ಜೊತೆಗೆ ಸ್ವಲ್ಪ ನೀರನ್ನು ಬೆರೆಸಿ ಬಣ್ಣದ ಕಲೆಗಳಿರುವ ಕಡೆ ಸ್ಕ್ರಬ್ ಮಾಡಿ.

ನಿಂಬೆ-ಸಕ್ಕರೆ: ನಿಂಬೆ ರಸ ಹಾಗೂ ಸಕ್ಕರೆಯ ಪೇಸ್ಟ್ ಮಾಡಿ, ಬಣ್ಣದ ಕಲೆಗಳಿರುವ ಕಡೆ ಚೆನ್ನಾಗಿ ಉಜ್ಜಿ. ನಂತರ ಮುಖವನ್ನು ತೊಳೆಯಿರಿ. ಇದರಿಂದ ಮುಖದ ಮೇಲಿರುವ ಕರೆ ಹೋಗುವುದರ ಜೊತೆಗೆ ತ್ವಚೆ ಕೂಡ ಮೃದುವಾಗಿರುತ್ತದೆ.

ಅರಿಶಿನ-ಮೊಸರು: ಕಾಡು ಅರಿಶಿನ ಎಂದೂ ಕರೆಯಲ್ಪಡುವ ಕಸ್ತೂರಿ ಅರಿಶಿನ ಅಥವಾ ಸಾಮಾನ್ಯ ಅರಿಶಿನ ಹಾಗೂ ಮೊಸರನ್ನು ಬೆರೆಸಿ ಬಣ್ಣದ ಕರೆಗಳಿರುವ ಜಾಗದಲ್ಲಿ ಹಚ್ಚಿ 5 ನಿಮಿಷಗಳ ಕಾಲ ಬಿಡಿ. ನಂತರ ನೀರಿನಲ್ಲಿ ಮುಖವನ್ನು ವಾಶ್ ಮಾಡಿ.

ಓಟ್ ಮೀಲ್: ಡ್ರೈ ಓಟ್ ಮೀಲ್ಸ್ ಮತ್ತು ನೀರನ್ನು ಮಿಕ್ಸ್ ಮಾಡಿ, ಮುಖವನ್ನು ಸ್ಕ್ರಬ್ ಮಾಡಿ. ನಂತರ ಮುಖವನ್ನು ನೀರಿನಲ್ಲಿ ತೊಳೆಯಿರಿ. ಹೀಗೆ ಮಾಡುವುದರಿಂದ ಮುಖದ ಕಲೆಯನ್ನು ಹೋಗಲಾಡಿಸಬಹುದು.

ಕಡಲೆ ಹಿಟ್ಟು: ಕಡೆಲೆ ಹಿಟ್ಟು ಹಾಗೂ ಮೊಸರನ್ನು ಕಲಸಿ 5 ನಿಮಿಷಗಳ ಕಾಲ ನೆನೆಯಲು ಬಿಡಿ, ನಂತರ ಬಣ್ಣದ ಕಲೆಗಳಿರುವ ಜಾಗಕ್ಕೆ ಹಚ್ಚಿಕೊಂಡು, ಮತ್ತೆ 5 ನಿಮಿಷಗಳ ಕಾಲ ಬಿಟ್ಟು. ನಂತರ ಫೇಸ್ ವಾಶ್ ಮಾಡಿ.