Kitchen Hacks: ಈ ಟಿಪ್ಸ್ ಫಾಲೋ ಮಾಡಿದ್ರೆ ನಿಮ್ಮ ಅಡುಗೆ ಮನೆ ಕೆಲಸ ಸುಲಭವಾಗುತ್ತೆ

ಅಡುಗೆ ಮನೆಯನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಆರೋಗ್ಯದ ದೃಷ್ಟಿಯಿಂದ ಹೆಚ್ಚು ಉತ್ತಮ. ಯಾವುದೇ ರೀತಿಯ ರೋಗಗಳು ಬರದಂತೆ ತಡೆಯುತ್ತದೆ. ಆದರೆ ಹೆಚ್ಚು ಸಮಯ ತೆಗೆದುಕೊಳ್ಳುವ ಈ ಕೆಲಸವನ್ನು ಸುಲಭಗೊಳಿಸುವುದು ಅನಿವಾರ್ಯ.

ಚಪಾತಿ ಲಟ್ಟಿಸುವಾಗ ಸಾಮಾನ್ಯವಾಗಿ ಹಿಟ್ಟು ಹರಡುತ್ತದೆ. ಅದನ್ನು ಮತ್ತೆ ಸ್ವಚ್ಛ ಮಾಡುವುದು ಕಷ್ಟ. ಹಾಗಾಗಿ ಚಪಾತಿ ಲಟ್ಟಿಸುವಾಗ ನೀವು ಕೆಳಗಡೆ ಬಟ್ಟೆಯನ್ನು ಹಾಕಿಕೊಳ್ಳಿ, ಆಗ ಹಿಟ್ಟು ಒಂದು ಕಡೆ ಬೀಳುತ್ತದೆ. ಅದನ್ನು ಸ್ವಚ್ಛ ಮಾಡಬಹುದು.

ಅಡುಗೆ ಮಾಡುವಾಗ ಕುಕ್ಕಿಂಗ್ ಬಟ್ಟೆಯನ್ನು ಧರಿಸಿ, ಇದರಿಂದ ನಿಮ್ಮ ಬಟ್ಟೆ ಕೊಳೆಯಾಗುವುದಿಲ್ಲ. ಅಡುಗೆ ಮಾಡುವಾಗ ಯಾವುದೇ ಪದಾರ್ಥ ಸಾಮಾನ್ಯವಾಗಿ ಬೀಳುತ್ತದೆ. ಅದರಿಂದ ನಿಮ್ಮ ಬಟ್ಟೆ ಹಾಳಾಗುತ್ತದೆ. ಹಾಗಾಗಿ ಮರೆಯದೇ ಕುಕ್ಕಿಂಗ್ ಬಟ್ಟೆ ಧರಿಸಿ.

ಅಡುಗೆಯ ಮನೆಯ ಇನ್ನೊಂದು ದೊಡ್ಡ ತಲೆನೋವು ಎಂದರೆ ಬೆಳ್ಳುಳ್ಳಿ ಸಿಪ್ಪೆ ಬಿಡಿಸುವುದು. ಅದು ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತದೆ. ಅದಕ್ಕೆ ನೀವು ಮಾರುಕಟ್ಟೆಯಲ್ಲಿ ಸಿಗುವ ಬಿಡಿಸಿದ ಬೆಳ್ಳುಳ್ಳಿ ಖರೀದಿಸಿ ಇದು ನಿಮ್ಮ ಸಮಯವನ್ನು ಉಳಿಸುತ್ತದೆ ಹಾಗೂ ಕೆಲಸವನ್ನು ಸಹ ಕಡಿಮೆ ಮಾಡುತ್ತದೆ.

ನಿಮ್ಮ ಸಮಯ ಉಳಿಸಲು ಸಹಾಯ ಮಾಡುವ ಮತ್ತೊಂದು ಐಡಿಯಾ ಎಂದರೆ ಕಾಫಿ ಮೇಕರ್ ಬಳಸದೇ ಇರುವುದು. ಇದರಿಂದ ನಿಮ್ಮ ಸಮಯ ವ್ಯರ್ಥವಾಗುತ್ತದೆ. ಇದರ ಬದಲಾಗಿ ನೀವು ಇನ್ಸ್ಟಂಟ್ ಕಾಫಿ ಪೌಡರ್ ಗಳನ್ನು ಬಳಸುವುದು ನಿಮ್ಮ ಸಮಯವನ್ನು ಉಳಿಸುತ್ತದೆ.

ಶುಂಠಿಯಲ್ಲಿ ಹೆಚ್ಚಿನ ಮಣ್ಣು ಇರುತ್ತದೆ, ಅದನ್ನು ಸ್ವಚ್ಛ ಮಾಡುವುದು ಮತ್ತು ಅದರ ಸಿಪ್ಪೆ ತೆಗೆಯುವುದು ಸಹ ನಿಮ್ಮ ಸಮಯವನ್ನು ಹಾಳು ಮಾಡುತ್ತದೆ. ಅದಕ್ಕೆ ನೀವು ಆ ಶುಂಠಿಯನ್ನು ನೀರಿನಲ್ಲಿ ಹಾಕಿ, ಚಮಚದಿಂದ ಸಿಪ್ಪೆ ತೆಗೆಯಿರಿ. ಅದು ಸುಲಭವಾಗಿ ಸಿಪ್ಪೆ ಬಿಡಿಸಲು ಸಹಾಯ ಮಾಡುತ್ತದೆ.

ಸಾಮಾನ್ಯವಾಗಿ ಅಡುಗೆ ಮಾಡುವಾಗ ತರಕಾರಿ, ಹಣ್ಣುಗಳನ್ನು ಕತ್ತರಿಸಿ ಅಲ್ಲಿಯೇ ಇಟ್ಟುಕೊಳ್ಳುವುದು ಕೆಲಸವನ್ನು ಹೆಚ್ಚು ಮಾಡುತ್ತದೆ. ಹಾಗಾಗಿ ಗಾರ್ಬೇಜ್​ ಬೌಲ್​ ಇಟ್ಟುಕೊಳ್ಳುವುದು ಉತ್ತಮ ಕೆಲಸ, ಅಲ್ಲೇ ಕತ್ತರಿಸಿ ಆ ಬೌಲ್​ನಲ್ಲಿ ಹಾಕಿದರೆ ಕಸ ಆಗುವುದಿಲ್ಲ.

ನೀವು ಅಡುಗೆ ಮಾಡುವಾಗ  ಮಾಂಸವನ್ನು ಕತ್ತರಿಸುವ ಮೊದಲು ಪ್ರಿಜ್ಡ್ ನಲ್ಲಿ ಇಡಿ. ಇದರಿಂದ ಸುಲಭವಾಗಿ ಮಾಂಸವನ್ನು ನಿಮಗೆ ಬೇಕಾದ ರೀತಿಯಲ್ಲಿ ಕತ್ತರಿಸಬಹುದು.