ಕಾಡುವ ತಲೆಹೊಟ್ಟು ಸಮಸ್ಯೆಗೆ ಮನೆಯಲ್ಲಿದೆ ಮದ್ದು!

ಅನೇಕರಿಗೆ ತೆಲೆಹೊಟ್ಟು ದೊಡ್ಡ ಸಮಸ್ಯೆಗಾಗಿ ಕಾಡುತ್ತದೆ. ಅದರ ನಿವಾರಣೆಗಾಗಿ ಪೇಚಾಡುತ್ತಿರುತ್ತಾರೆ, ಔಷಧಿಯ ಪ್ರಯೋಗ ಮಾಡುತ್ತಾರೆ. ಆದರೆ ಮನೆ ಮದ್ದಿನಿಂದಲೂ ಕೂಡ ತಲೆಹೊಟ್ಟಿನ ಸಮಸ್ಯೆಯನ್ನು ನಿವಾರಣೆ ಮಾಡಬಹುದು.

ತಲೆಹೊಟ್ಟು ಬಾರದಂತೆ ಮಾಡಲು ದಿನನಿತ್ಯ ತಲೆಕೂದಲನ್ನು ಬಾಚಬೇಕು.ಕೂದಲಿನ ಬೇರುಗಳಿಗೆ ಸರಿಯಾದ ಎಣ್ಣೆ ಅಂಶ ದೊರೆತರೆ ತಲೆಹೊಟ್ಟು ಸಮಸ್ಯೆ ಕಾಣಿಸಿಕೊಳ್ಳುವುದಿಲ್ಲ.

ಶಾಂಪೂ ಬಳಸುವ ಮೂಲಕ ಈ ಸಮಸ್ಯೆಯನ್ನು ಹೋಗಲಾಡಿಸಬಹುದು. ಆದರೆ ಗುಣಮಟ್ಟದ ಶಾಂಪೂ ಬಳಕೆ ಉತ್ತಮ. ಯಾಕೆಂದರೆ ಕೆಲವೊಮ್ಮೆ ಯೋಗ್ಯವಲ್ಲದ ಶಾಂಪೂ ಬಳಸಿ ಕೂದಲು ಕಳೆದುಕೊಂಡ ಪ್ರಸಂಗಗಳು ಕಣ್ಣೆದುರುಗೆ ಕಂಡುಬರುತ್ತದೆ.

ಕೂದಲಿಗೆ ಅಲೊವೆರಾ ರಸದಿಂದ ಮಸಾಜ್ ಮಾಡುವ ಮೂಲಕ ತಲೆಹೊಟ್ಟು ಸಮಸ್ಯೆಗೆ ಫುಲ್​ಸ್ಟಾಪ್ ನೀಡಬಹುದು. ತಲೆಗೆ ಅಲೊವೆರಾ ರಸ ಹಚ್ಚಿಕೊಂಡ ಒಂದು ಗಂಟೆ ನಂತರ ತಣ್ಣೀರಿನಲ್ಲಿ ಸ್ನಾನ ಮಾಡಬೇಕು.

ತೆಂಗಿನ ಎಣ್ಣೆಗೆ ಕರ್ಪೂರ ಮಿಶ್ರ ಮಾಡಿ ಕೂದಲಿಗೆ ಹಚ್ಚಿಕೊಂಡು ಅರ್ಧ ಗಂಟೆಗೆಯ ಬಳಿಕ ಸ್ನಾನಮಾಡಿ. ಸ್ವಲ್ಲ ದಿನಗಳ ಕಾಲ ಹೀಗೆ ಮಾಡುತ್ತಿದ್ದರೆ ತಲೆಹೊಟ್ಟು ಬೇಗನೆ ನಿವಾರಣೆ ಆಗುತ್ತದೆ.

ಕಡಲೆ ಹಿಟ್ಟಿನಿಂದ ಕೂಡ ತಲೆಹೊಟ್ಟಿನ ಸಮಸ್ಯೆಗೆ ಪರಿಹಾರವಿದೆ. ಒಂದು ಗ್ಲಾಸ್ ಲೋಟಕ್ಕೆ 4 ಚಮಚ ಕಡಲೆ ಹಿಟ್ಟಿ ಮಿಶ್ರಣ ಮಾಡಿ ನಂತರ ಕೂದಲಿಗೆ ಹಚ್ಚಬೇಕು. ಒಂದು ಗಂಟೆ ನಂತರ ಕೂದಲನ್ನು ಸರಿಯಾಗಿ ತೊಳೆಯಬೇಕು.

ಬೇವಿನ ಎಣ್ಣೆ ತಲೆಹೊಟ್ಟಿನ ಸಮಸ್ಯೆಗೆ ಶಾಶ್ವತ ಪರಿಹಾರ ನೀಡುತ್ತದೆ. ನಿಮ್ಮ ತಲೆಯಲ್ಲಿ ಹೇಣುಗಳಿದ್ದರೆ ಸಹ ಬೇವಿನ ಎಣ್ಣೆಯನ್ನು ಹಚ್ಚಬಹುದು. ರಾತ್ರಿಯಲ್ಲಿ ತಲೆಗೆ ಬೇವಿನ ಎಣ್ಣೆ ಹಚ್ಚಿ ಬೆಳಿಗ್ಗೆ ತೊಳೆಯುವುದರಿಂದ ಹೇಣಿನ ಸಮಸ್ಯೆಯನ್ನು ಇಲ್ಲದಾಗಿಸಬಹುದು. 

ಔಷಧಿ ಬಳಸುವ ಬದಲು, ಮನೆಮದ್ದಿನಿಂದ ತಲೆಹೊಟ್ಟು ನಿವಾರಣೆ ಮಾಡಬಹುದಾಗಿದೆ.