Human Charecteristics: ನೀವೂ ನಿಜವಾಗಿಯೂ ನಾನ್‌-ಜಡ್ಜ್‌ಮೆಂಟಲ್‌ ವ್ಯಕ್ತಿ ಎಂದು ತೋರಿಸುತ್ತವೆ ನಿಮ್ಮಲಿರುವ ಈ ಗುಣಗಳು!

ಮನುಷ್ಯ ಅಂದಮೇಲೆ ಗುಣ, ಸ್ವಭಾವ, ವ್ಯಕ್ತಿತ್ವ, ರೂಪ ಎಲ್ಲವೂ ಒಬ್ಬರಿಂದ ಒಬ್ಬರಿಗೆ ಬದಲಾಗಿರುತ್ತದೆ. ಒಬ್ಬರಿದ್ದ ಹಾಗೆ, ಇನ್ನೊಬ್ಬರು ಇರುವುದಿಲ್ಲ. ಹತ್ತು ಬೆರಳು ಸಮನಾಗಿರುವುದಿಲ್ಲ ಎನ್ನುವಂತೆ ಜನ ಕೂಡ ಗುಣ, ಸ್ವಭಾವ, ಪ್ರಮಾಣಿಕತೆ ಎಲ್ಲದರಿಂದಲೂ ಭಿನ್ನವಾಗಿರುತ್ತಾರೆ.

ನೀವೂ ಸಹ ಈ ನಾನ್-ಜಡ್ಜ್‌ಮೆಂಟ್‌ ವ್ಯಕ್ತಿಗಳಾಗಿದ್ದರೆ, ನಿಮ್ಮಲ್ಲೂ ಈ ಕೆಳಗಿನ ಗುಣಗಳು ಇರುತ್ತವೆ. ಅಂದರೆ ಉತ್ತಮರಲ್ಲಿ ಈ ಕೆಳಗಿನ ಲಕ್ಷಣಗಳನ್ನು ನಾವು ನೋಡಬಹುದು.

ಸ್ವಯಂ-ಅರಿವುಳ್ಳವರಾಗಿರುತ್ತೀರಿ: ಒಬ್ಬರನ್ನು ತೀರ್ಪಿಸುವುದು ನಮ್ಮ ಆಲೋಚನೆಗೆ ಬಿಟ್ಟಿರುವ ವಿಚಾರ. ಒಬ್ಬರನ್ನು ಜಡ್ಜ್‌ ಮಾಡುವುದು ನಮ್ಮ ಕೆಲಸವಲ್ಲ, ನಾವು ಅದಕ್ಕೆ ಪರಿಪೂರ್ಣರಲ್ಲ ಮತ್ತು ನಮ್ಮ ದೃಷ್ಟಿಕೋನಗಳು ಯಾವಾಗಲೂ ಸರಿಯಾಗಿರುವುದಿಲ್ಲ ಎಂದು ಗುರುತಿಸಲು ನಿಮ್ಮಲ್ಲಿ ಸ್ವಯಂ ಅರಿವಿರುತ್ತದೆ. ಸ್ವಯಂ ಅರಿವು ಹೊಂದಿರುವವರು ಹಮ್ಮ-ಬಿಮ್ಮು ಬಿಟ್ಟು ನಮ್ರತೆ ಮತ್ತು ಮುಕ್ತ ಮನಸ್ಸಿನಿಂದ ಎಲ್ಲರ ಜೊತೆ ಬೆರಯುತ್ತಾರೆ. ಈ ಗುಣ ಅವರನ್ನು ಉತ್ತಮರು ಎಂದೆನಿಸುತ್ತದೆ.

ಯೋಚಿಸದೇ ಯಾವುದೇ ತೀರ್ಮಾನ ಮಾಡಲ್ಲ: ದಿಢೀರ್‌ ಅಂತಾ ತೀರ್ಪುಗಳನ್ನು ಮಾಡುವುದು ಮಾನವ ಸ್ವಭಾವವಾಗಿದೆ, ಆದರೆ ಇಂತಹ ವ್ಯಕ್ತಿಗಳು ಈ ಪ್ರಚೋದನೆಯನ್ನು ವಿರೋಧಿಸುತ್ತಾರೆ. ಬದಲಾಗಿ, ಅವರು ಮಾಹಿತಿಯನ್ನು ಸಂಗ್ರಹಿಸಲು ಸಮಯವನ್ನು ತೆಗೆದುಕೊಳ್ಳುತ್ತಾರೆ ಮತ್ತು ಅಭಿಪ್ರಾಯವನ್ನು ರೂಪಿಸುವ ಮೊದಲು ಅನೇಕ ದೃಷ್ಟಿಕೋನಗಳನ್ನು ಪರಿಗಣಿಸುತ್ತಾರೆ. ನಂತರವೇ ಅವರು ಬಲವಾದ ನಿರ್ಧಾರ ಮಾಡುತ್ತಾರೆ. ಹೀಗೆ ವಿವೇಚನಾ ಶಕ್ತಿ ಅವರನ್ನು ಯಾರೊಬ್ಬರು ಬೆಟ್ಟು ಮಾಡಿ ತೋರಿಸದ ವ್ಯಕ್ತಿಯನ್ನಾಗಿಸುತ್ತದೆ.

ಗಾಸಿಪ್ ಮತ್ತು ನೆಗೆಟಿವ್ ಮಾತುಗಳಿಂದ ದೂರ: ಒಬ್ಬರ ಬಗ್ಗೆ ಗಾಸಿಪ್‌ ಮಾಡುವುದು, ನಕಾರಾತ್ಮಕವಾಗಿ ವಿಷಯ ಹಂಚಿಕೊಳ್ಳುವುದು ನಿಜಕ್ಕೂ ಕೆಟ್ಟ ಪ್ರವೃತ್ತಿ. ಆದರೆ ಇದ್ಯಾವುದು ಇಲ್ಲದೇ ತಮ್ಮ ಪಾಡಿಗೆ ತಾವು ಇರುವವರು ಪ್ರಾಮಾಣಿಕರಾಗಿರುತ್ತಾರೆ.

ನೀವು ಅದ್ಭುತ ಕೇಳುಗರು: ಒಳ್ಳೇ ಮಾತುಗಾರ, ಒಬ್ಬ ಒಳ್ಳೆ ಕೇಳುಗ ಕೂಡ ಆಗಿರುತ್ತಾರೆ. ಈ ಸ್ವಭಾವ ಕೂಡ ಒಬ್ಬರನ್ನು ಸಜ್ಜನರು ಎಂದೆನಿಸುತ್ತದೆ. ಅಭಿಪ್ರಾಯವನ್ನು ರೂಪಿಸುವ ಮೊದಲು ಯಾರನ್ನಾದರೂ ಕೇಳುವುದರ ಮತ್ತು ಪ್ರಾಮುಖ್ಯತೆಯನ್ನು ಅವರು ಅರ್ಥಮಾಡಿಕೊಳ್ಳುತ್ತಾರೆ. ಅದಕ್ಕಾಗಿಯೇ ಅವರು ಕೇಳುವುದರಲ್ಲಿ ಉತ್ಕೃಷ್ಟರಾಗಿದ್ದಾರೆ.

ನೀವು ಮುಕ್ತವಾಗಿ ಪ್ರಶ್ನೆಗಳನ್ನು ಕೇಳುತ್ತೀರಿ: ಸಕ್ರಿಯವಾಗಿ ಆಲಿಸುವುದರ ಹೊರತಾಗಿ, ತೀರ್ಪುಗಾರರಲ್ಲದ ಜನರೂ ಸಹ ಮುಕ್ತ ಪ್ರಶ್ನೆಗಳನ್ನು ಕೇಳುತ್ತಾರೆ. ಪ್ರಶ್ನೆಗಳಿಗೆ ಹೌದು ಅಥವಾ ಇಲ್ಲಾ ಎನ್ನುವುದಕ್ಕಿಂತ ಹೆಚ್ಚಿನ ಉತ್ತರಗಳನ್ನು ಇವರು ಬಯಸುತ್ತಾರೆ.

ಬದಲಾವಣೆಯ ಸಾಮರ್ಥ್ಯವನ್ನು ನಂಬುತ್ತಾರೆ: ನಿರ್ಣಯಿಸದ ವ್ಯಕ್ತಿಗಳು ಜನರಿಗೆ ಅವರ ತಪ್ಪುಗಳಿಂದ ಕಲಿಯಲು ಅವಕಾಶ ನೀಡುತ್ತಾರೆ. ಇವರು ಬದಲಾವಣೆ ಬಗ್ಗೆ ಹೆಚ್ಚು ನಂಬಿಕೆ ಹೊಂದಿದ್ದಾರೆ. ಜನರಿಂದ ಯಾವಾಗಲೂ ಒಳ್ಳೆಯದನ್ನೇ ಹುಡುಕುವ ಪ್ರಯತ್ನ ಮಾಡುತ್ತಾರೆ.