Child Care: ನಿಮ್ಮ ಮಕ್ಕಳಲ್ಲಿ ಈ ಸಮಸ್ಯೆ ಕಾಣಿಸಿದ್ರೆ ನೆಗ್ಲೆಕ್ಟ್​ ಮಾಡ್ಬೇಡಿ, ತಕ್ಷಣ ಡಾಕ್ಟರ್​ ಹತ್ರ ತೋರಿಸಿ

ಮಕ್ಕಳಲ್ಲಿ ತೂಕ ವ್ಯತ್ಯಾಸ ಸಾಮಾನ್ಯವಾಗಿ ಆಗುತ್ತದೆ. ಆದರೆ ಯಾವುದೇ ಕಾರಣವಿಲ್ಲದೇ ತೂಕದಲ್ಲಿ ಹೆಚ್ಚಳವಾಗುವುದು ಅಥವಾ ಇಳಿಕೆ ಉಂಟಾಗುವುದು ಅಪಾಯ. ಹಾಗಾಗಿ ನಿಮ್ಮ ಮಕ್ಕಳ ತೂಕದಲ್ಲಿ ಹೆಚ್ಚು ಬದಲಾವಣೆ ಆದರೆ ಡಾಕ್ಟರ್ ಬಳಿ ಹೋಗಿ.

ಮಕ್ಕಳು ಆಕ್ಟೀವ್​ ಆಗಿ ಇರುತ್ತಾರೆ. ಆದರೆ ಅವರು ಯಾವುದರಲ್ಲೂ ಆಸಕ್ತಿ ತೋರಿಸದೇ, ಮಲಗಿದ್ದರೆ, ಅದು ಅವರ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ನಿಮ್ಮ ಮಗು ಸೈಲೆಂಟ್ ಆಗಿರುವುದನ್ನ ಗಮನಿಸಿದರೆ, ನೆಗ್ಲೆಕ್ಟ್ ಮಾಡಬೇಡಿ

ಊಟ ಅಥವಾ ತಿಂಡಿ ತಿಂದ ನಂತರ ಕೆಲವೊಮ್ಮೆ ವಾಂತಿ ಮಾಡಿಕೊಳ್ಳುತ್ತಾರೆ. ಆದರೆ ಪದೇ ಪದೇ ಹಾಗೂ ಪ್ರತಿದಿನ ತಿಂಡಿ ಮಾಡಿದ ನಂತರ ವಾಂತಿಯಾದರೆ, ಅದು ಸಮಸ್ಯೆಯ ಸಂಕೇತ.

ಮಳೆಗಾಲದಲ್ಲಿ ಆಗಾಗ ಜ್ವರ ಬರುತ್ತದೆ. ಮಕ್ಕಳಿಗೆ ಜ್ವರ ಬರಲು ಕಾರಣ ಬೇಕಿಲ್ಲ. ಆದರೆ ಜ್ವರದ ಪ್ರಮಾಣ ಹೆಚ್ಚಾಗಿದ್ದರೆ ದಯವಿಟ್ಟು ತಡ ಮಾಡದೇ ವೈದ್ಯರನ್ನು ಸಂಪರ್ಕಿಸಿ.

ನೀವು ಯಾವುದೇ ಮಕ್ಕಳನ್ನು ಗಮನಿಸಿ ನೋಡಿ, ಒಂಟಿಯಾಗಿರಲು ಇಷ್ಟಪಡುವುದಿಲ್ಲ. ಆದರೆ ನಿಮ್ಮ ಮಗು ಅತಿಯಾಗಿ ಒಬ್ಬಂಟಿಯಾಗಿರಲು ಬಯಸಿದರೆ, ಯಾರ ಜೊತೆಗೂ ಸೇರಲು ಇಷ್ಟಪಡದಿದ್ದರೆ ಮಾನಸಿಕ ವೈದ್ಯರನ್ನು ಭೇಟಿ ಮಾಡಿ.

ಪದೇ ಪದೇ ಹೊಟ್ಟೆ ನೋವು ಕಾಣಿಸುವುದು, ಕೇವಲ ಜಂಕ್ ಆಹಾರಗಳನ್ನು ತಿನ್ನುವುದು ಮಕ್ಕಳ ಆರೋಗ್ಯಕ್ಕೆ ಅಪಾಯ. ಹಾಗಾಗಿ ನಿಮ್ಮ ಮಕ್ಕಳಲ್ಲಿ ಈ ಸಮಸ್ಯೆ ಇದ್ದರೆ, ಅದಕ್ಕೆ ಸೂಕ್ತವಾದ ಔಷಧಿ ಕೊಡಿಸಿ.

ಸಾಮಾನ್ಯವಾಗಿ ಯಾವುದೇ ಮಕ್ಕಳು ಬೇಗ ಸುಸ್ತಾಗುವುದಿಲ್ಲ. ದಿನ ಪೂರ್ತಿ ಆಟ ಆಡುತ್ತಿರುತ್ತಾರೆ. ಆದರೆ ಸಣ್ಣ ವಿಚಾರಕ್ಕೂ ಮಕ್ಕಳು ಸುಸ್ತಾಗುತ್ತಿದ್ದಾರೆ ಇದು ನಿಜಕ್ಕೂ ಅಪಾಯದ ಸಂಕೇತ. ಹಾಗಾಗಿ ಈ ಬಗ್ಗೆ ಎಚ್ಚರಿಕೆ ವಹಿಸಿ.

ಇದಿಷ್ಟೇ ಅಲ್ಲದೇ ಮಕ್ಕಳಲ್ಲಿ ಇನ್ನೂ ಹಲವು ಬದಲಾವಣೆಗಳಾಗುತ್ತದೆ. ಚರ್ಮದ ಸಮಸ್ಯೆ ಕಾಣಿಸಿಕೊಳ್ಳುವುದು. ಮಕ್ಕಳಿಗೆ ಇದು ಯಾವುದೂ ಅರ್ಥವಾಗುವುದಿಲ್ಲ. ತಮ್ಮ ಆರೋಗ್ಯದ ಬಗ್ಗೆ ಅವರಿಗೆ ತಿಳಿಯುವುದಿಲ್ಲ. ಪೋಷಕರಾಗಿ ಅವರ ಆರೋಗ್ಯ ಕಾಪಾಡುವುದು ನಮ್ಮ ಕರ್ತವ್ಯ.