Lipstick Effect: ಜಾಸ್ತಿ ಲಿಪ್​ಸ್ಟಿಕ್ ಹಚ್ಚಿದ್ರೆ ತುಟಿಯ ಅಂದ ಮಾತ್ರ ಅಲ್ಲ, ಆರೋಗ್ಯನೂ ಹಾಳಾಗುತ್ತೆ

ಈ ಲಿಪ್ಸ್ಟಿಕ್ನಲ್ಲಿ ಕ್ಯಾಡ್ಮಿಯಮ್, ಅಲ್ಯೂಮಿನಿಯಂ, ಕ್ರೋಮಿಯಂ, ಸೀಸ ಸೇರಿದಂತೆ ಹಲವಾರು ರಾಸಾಯನಿಕಗಳಿರುತ್ತದೆ. ಇದು ತುಟಿಯ ಅಂದವನ್ನು ಹಾಳು ಮಾಡುತ್ತದೆ ಎನ್ನುತ್ತಾರೆ ತಜ್ಞರು.

ಇದರಲ್ಲಿರುವ ಸೀಸ ನಿಮ್ಮ ರಕ್ತಡೊತ್ತಡವನ್ನು ಹೆಚ್ಚಿಸಲು ಕಾರಣವಾಗುತ್ತದೆ. ಸೀಸ ಅಂಶ ಬಹಳ ಹಾನಿಕಾರ. ಅಲ್ಲದೇ ಇದು ಹೃದಯದ ಸಮಸ್ಯೆಗಳನ್ನು ಸಹ ಉಂಟುಮಾಡುತ್ತದೆ. ಹಾಗಾಗಿ ಹೆಚ್ಚು ಲಿಪ್​ಸ್ಟಿಕ್ ಬಳಸುವುದು ಸೂಕ್ತವಲ್ಲ.

ಈ ಲಿಪ್​ಸ್ಟಿಕ್​ನಲ್ಲಿರುವ ರಾಸಾಯನಿಕ ಅಂಶಗಳು ಚರ್ಮದ ಸಮಸ್ಯೆಗೆ ಕಾರಣವಾಗುತ್ತದೆ. ಇದರಿಂದ ಅಲರ್ಜಿ ಉಂಟಾಗುವ ಸಾಧ್ಯತೆ ಹೆಚ್ಚು. ನಿಮ್ಮದು ಸೂಕ್ಷ್ಮ ಚರ್ಮವಾಗಿದ್ದರೆ, ಸಾಧ್ಯವಾದಷ್ಟು ಲಿಪ್​ಸ್ಟಿಕ್ ಬಳಕೆ ಮಾಡಬೇಡಿ.

ಮುಖ್ಯವಾಗಿ ಗರ್ಭಿಣಿಯರಿಗೆ ಈ ಲಿಪ್​ಸ್ಟಿಕ್ ಹಾನಿಕಾರಕ ಎನ್ನುತ್ತಾರೆ ವೈದ್ಯರು. ಇದು ಸ್ತನದ ಕ್ಯಾನ್ಸರ್​ ಸೇರಿದಂತೆ ಇತರ ಮಹಿಳೆಯರ ಸಮಸ್ಯೆಗೆ ಮುಖ್ಯ ಕಾರಣ. ಈ ಲಿಪ್​ಸ್ಟಿಕ್ ಖರೀದಿಸುವಾಗ ಕೆಲ ವಿಚಾರಗಳನ್ನು ನೆನಪಿನಲ್ಲಿಟ್ಟುಕೊಂಡು ಖರೀದಿಸಿ.

ಇದರಲ್ಲಿರುವ ಪಾಲಿಥಿಲೀನ್ ನಿಮ್ಮ ನರಮಂಡಲದ ಹಾನಿಗೆ ಕಾರಣವಾಗುತ್ತದೆ. ಹಾಗಾಗಿ ಲಿಪ್​ಸ್ಟಿಕ್ ಖರೀದಿ ಮಾಡುವಾಗ ಪಾಲಿಥಿಲೀನ್ ಎಷ್ಟಿದೆ ಎಂದು ಗಮನಿಸಿ, ಹೆಚ್ಚಿನ ಪ್ರಮಾಣದಲ್ಲಿ  ಪಾಲಿಥಿಲೀನ್ ಇದ್ದರೆ ಖರೀದಿ ಮಾಡಬೇಡಿ..

ಕೆಲವೊಮ್ಮೆ ಲಿಪ್​ಸ್ಟಿಕ್​ಗಳು ನಮ್ಮ ದೇಹವನ್ನು ಸೇರುತ್ತವೆ. ಆಹಾರವನ್ನು ತಿನ್ನುವಾಗ ಅಥವಾ ಕುಡಿಯುವಾಗ ಇದು ಸಾಮಾನ್ಯ. ಆದರೆ ಇದರಲ್ಲಿರುವ ಪ್ಯಾರಾಬೆನ್‌ ಅತಿಸಾರ ಉಂಟು ಮಾಡುತ್ತದೆ ಎಂದು ಸಾಬೀತಾಗಿದೆ.

ಕೆಲ ಲಿಪ್​ಸ್ಟಿಕ್​ಗಳು ಚರ್ಮದ ಕಿರಿಕಿರಿ, ಉಬ್ಬಸ, ಕೆಮ್ಮು ಮತ್ತು ಕಣ್ಣುಗಳನ್ನು ಉಂಟುಮಾಡುತ್ತದೆ. ನಿಮಗೆ ಈಗಾಗಲೇ ಈ ಸಮಸ್ಯೆಗಳು ಇದ್ದರೆ ಲಿಪ್​ಸ್ಟಿಕ್ ಬಳಕೆ ಮಾಡದಿರುವುದು ಉತ್ತಮ.

ಇದರಲ್ಲಿರುವ ಕೆಲ ಅಂಶಗಳು ಬುದ್ಧಿವಂತಿಕೆ, ಸಂತಾನೋತ್ಪತ್ತಿ ಸಮಸ್ಯೆಗೆ ಕಾರಣವಾಗುತ್ತದೆ ಎನ್ನಲಾಗುತ್ತದೆ. ಹಾಗಾಗಿ ಇವುಗಳನ್ನು ಹೆಚ್ಚಾಗಿ ಬಳಕೆ ಮಾಡುವುದು ಸೂಕ್ತವಲ್ಲ. ಕೇವಲ ಸುಂದರವಾಗಿ ಕಾಣಲು, ನಾವು ಆರೋಗ್ಯವನ್ನು ಹಾಳು ಮಾಡಿಕೊಳ್ಳಬಾರದು.